الموضوع: قصتى الحزينة

ادهم انا تربيت تربيه جيش ومش حوصفلك مدى العقد و الكبت الكان عند الواحد في فتره من حياته وكان معظم مشاكل بين ولدى ولدتي كان بسببي
بس تقولي تتمناه ايه اقولك ان ولدى يكون موجود بيني وبين اخواتي تاني
بدرجه ان وانا في العزاء بتاعه واحد من قريبي بقوللي زعلان ليه وبتعيط ليه ده كان ارفك صدقني قريبي ده لحد دلوقتي مش بيكلمني من انا عملنه فيه ساعتها انا مش عاوز اقولك ان لو سهرت شويه مكانش ينام لحد مرجع مع انه لازم الصبح يزعق انت بترجع متاخر ليه وكلام ده كله .
اكثر الاستغفر وقوم صلي ركعتان لطرد الشيطان وارجع لولدك و ولدتك عشان هما اهم حاجه في حيات البني ادم

الحمد لله على كل شى والدك بيعمل كده خوفا عليك مش اكتر بس الحكايه قلبت معاه بحاجه زى العقده مثلا و اللى باين كده انك الولد الوحيد اللى عنده بالتالى الناس اللى عندها ولد واحد بس بيحسوا انوا راس مالهم كله يبقى بلعقل كده لازم تستغل الفرصه دى و تقربه منك و انا بقولك اياك و ترك البيت علشان هاتلف تلف و ترجه تانى انا سيبت البيت اكتر من 5 مرات و فى الاخر برجعله تانى انت فرصتك احسن من اى حد تانى و رجع البت و لازم تطمن والدتك عليك ضرورى لو عايز اى حاجه كلمنى 0121425929 انا مستعداكلم و الدك لو تحب و انا شاء الله خير

بص بقى انا هكلمك زى اخ نصيحة اوعى تروح البيت اتكلم مع صحبك عادى انك تنزل فى الكلية بالزات حقوق صعبة لو ليك خال عم جد حد انت بتحبة و والدك بيحبو كلمو لما يحصل تغير فى الوضع روح بس لو روح دلوقتى يبقى انت بوظت كل حاجة و ضيعت شخصيتك و حقك انت راجل ممكن اصلا تستغنى عن البيت بس انت هتبعد شوية و قرب من اختك ومن امك واتمنى تكلمنى على اليميل او الموبايل الى عندك تحت و لو عايزنى اقابلك انا معنديش مشكلة ومتنساش ان البنت الى انت عندها فى البيت دى خطيبتك و اختك متخصرش صاحبك اعتبرها مش معاك فى نفس البيت ومتستحلاش القعدة علشان تكون معاها ومتخليش اهلها يزهقو منك

بص يا صديقي انت غلطان .......
انا عارف انك مش عاوز تسمعها ....بس ببساطة انت غلطان .
انا كان عندي نفس ظروفك ويمكن اكتر ... برضة ولد وحيد .. وكدة ..... وتحكمات من الحاج ماقلكشي عليها .... بس انت دلوقتي مش لاقيلها تفسير ....بس صدقني ...
عشان متقضيش وقت كتير شايل من والدك .. تفسيرها انه بيحبك شوية زيادة عن الطبيعي
هيجي يوم وهتعرف قد ايه هو بيحبك
يعني بص لحالي ... لظروف شغلي مسافر .. وهو الراجل اللي عدي ال60 واقف مع الصنايعية كل يوم عشان يوضبللي شقتي .... انا بانزل اجازة كام يوم مبيرضاش اني اروح اعمل حاجة ومستمتعشي باجازتي
ويوم موديت عربيتي الصيانة و اتاخرت و كنت عاوز اروح الشغل عدى عليا وسابلي عربيته و راح هو مشاوير خاصة (بشقتي انا) مواصلات ...
..
..
.. انت كده كده بكره بعد سنة بعد عشرة هتكتشف ان كل اللي كان والدك بيغلس عليك فيه كان عشان بيحبك و خايف عليك
المشكلة .... ان والدك وهو صغير جرب وغلط واتعلم
هو مش عاوزك تبتدي من اول و جديد وتجرب و تغلط وتتعلم عاوزك تاخد الخلاصة علي الجاهز طبعا دي حاجة انت كشاب صعب تقبلها .... انت عاوز انت اللي تتعلم بنفسك .. بس احيانا بيبقى من الافضل انك تاخد الخلاصة ..
ربنا يهديك للصواب ..

بجـــــــــد حــــرام عليك لان مش جزاء والدتـــــــك انك تحرق قلبها بغيابك عن البيت وتخليها فى حاله قلق مستمر وخوف عليك

لو كنت فعلا بتحب والدتك يبقى ترجع البيت وتبقى قدام عينها

وبالنسبه لوالدك حتى لو كان شديد عليك يا سيدى معلش ماهو والدك وبيتصرف معاك كده من كثر حبه وخوفه عليك لانك ابنه وعاوزك تكون احسن الناس

تصـــــــرفك صدقنى غلـــط انا ذى اختـــك وبقولك ياللى زعــــلان من خوف اهلك عليــــك ومراقبتهم ومسكتهم دى

ممكن تبص لحظه ولو لثوانى للشاب اللى فى سنك اللى بيناموا تحت الكبارى وتلاقيهم على القهاوى وعلى الارصفه واللى فى الاحــــداث طيب دول ايه اللى وصلهـم لكده
اكيد عارف الاجابه لان مكانش عندهم اهل يهتموا ويخافوا عليهم ولا ينصحوهم

احمــــــــــــــد ربـــــك مليون مره ان عندك بيت وعندك اهــــــــل يخافوا عليك

غيـــــرك مرمى فى الشارع محدش دارى عنه

بص يا ادهــــــــــم انت لسا شاب ربنا يديك طوله العمر وتتجوز ولما هيبقى عندك اولاد صدقنى تتمنى انك تحطهم داخل عيونك وتقفل عليهم من كثر خوفك وحرصك وحبك لهم

وتـــــــــــــــذكر فى الاول والاخير
حديث الرسول صلى الله عليه وسلم

عن أبي هريرة عن النبي صلى الله عليه وسلم قال:" رغم أنفه ، ثم رغم أنفه ، ثم رغم أنفه " قيل :من ؟ يا رسول الله!!
قال : من أدرك أبويه عند الكبر، أحدهما أو كليهما فلم يدخل الجنة "
صحيح مسلم

خلى بالك ان والدك والدتك هيكونوا سبب دخولك الجنه بحسن معاملتك معاهم

شكرا يا جماعة بجد مش عارف اقولكم ايه؟
شكرا لجميع الاعضاء الى ردو عليا و انا هاخود بكل النصائح و بجد فعلا انا حسيت انى واحد من عائلة كل اخ و اخت ردوا عليا
و شكرا خاص للاستاذ كريم منير انه اتصل بيا و ضحى بوقت من اجازته عشان ينصحنى و يهدينى
وبجد يا استاذ كريم انتا شخصية محترمة و دى اقل حاجة تتقال على حضرتك و متشكرا جدا على اللى حضرتك اهتميت بيا

و اكرر شكرى لجميع الاعضاء الذين قاموا بالرد على موضوعى و لهم جزيل الشكر و ان شاء الله هاحاول اجى مقابلة شهر رمضان

بجد انا حسيت اننا اسرة مع بعضينا :)