رقم العضوية : 1980
تاريخ التسجيل : 31Aug2007
المشاركات : 1,084
النوع : ذكر
الاقامة : Alex
السيارة: لايوجد
السيارة[2]: FIAT 127
دراجة بخارية: لا يوجد
الحالة :
بصراحة نشكرك يا علا علي مواضيعك اللي بتقلب ذكرياتنا دي
اكتر حاجة فاكرها في رمضان زمان هي تعليق ورق الزينة كنا بنستخدم نشا و مية و نلزق ورق الزينة
وفي التلفزيون اكتر حاجة كنت باحبها زمان هي حلقات ( عمو فؤاد ) بالذات حلقات ( العمدة الالي ) ......... كانت ايام حلوة بجد
وفاكر برضه الاطفال الصغيرين اللي كانوا بيلفوا علي البيوت بالفوانيس و يقولوا ( حالو يا حالو ........ لرمضان كريم يا حالو ,,,,,,,, فكوا الكيس و ادونا بقشيش لنروح ما نجيش يا حالو )
رقم العضوية : 368
تاريخ التسجيل : 30Apr2007
المشاركات : 124
النوع : ذكر
الاقامة : NASR CITY, CAIRO
السيارة: لومينا 2004
السيارة[2]: فيليشيا
الحالة :
مدينة نصر فى السبعينات و الثمانينات ....مدينة نصر أصلا ما كتنش فيها قهاوى أو مظاهر شعبية زى دلوقتى ... وفجأة تلاقى فى إختراع بيتعمل فى الجنينة تحت العمارة ... دايرة كبيرة من الطوب و عليها صينية وواحد راجل ماسك كباية و فيها مادة بيضاء سائلة ... يلف بها على الصينية .... تطلع ...كنافة .....ياه.... إختراع
يافطة الله أكبر اللى فوق الفيلا اللى جنبنا تنور فى الليل طول شهر رمضان....
أغنية أهلا رمضان باللحن المميز و صوت عبد المطلب .....
المسلسل الدينى زمان فى أوائل السبعينات ... و لاحقا أصبح بصوت ياسمين الخيام
الدنيا هدوء جميل جدا جدا جدا ... و بابا بيقرا القرآن قبل الآذان
مسلسل فؤاد المهندس و شويكار قبل الفطار .... ما كنتش لسة فاهم حاجة بس بضحك ...
بوووووووم ....المدفع ... وصوت آذان جميل جدا جدا و مميز ساعة الفطار .... صوت الشيخ محمد رفعت ...
فوازير سمير و جورج ...أوين أوين ... فاكرها طشاش .... و بعدها بسنين نيللى ...
التجهيز للكحك و الغريبة فى آخر رمضان .... ماما مع طنط بديعة جارتنا مع الجيران
الوقفة فى البلكونة قبل الفطار ساعة الغروب... ندعى ربنا إننا ننجح فى المدرسة علشان الهدية ... كانت الدنيا جميلة .... شكل الشجر و ريحة الورود و النسيم و حركة الناس القليلة اللى بتمر فى الشووارع الواسعة ....لسة فى ذاكرتى
دلوقتى ... بأروح أقف فى نفس البلكونة أدور على الذكريات والريحة وشكل و هدوء زمان ... لكن فين... الزحمة و التلوث و الخنقة، حتى الشجر توحش و غطى البلكونة ...خسارة أيام زمان... قول للزمان إرجع يا زمان ....
شكرا أ/علا على أحلى الذكريات .....:party:
المفضلات