اشكرك جدا علي المعلومات القيمة وبدوا فيها المجهود الرائع
كمةتكلف الضبط عند امير وجوزيف
سؤال تاني
هل من الممكن تحويل الي injection بدل من الكاربراتير وما هي لمميزات والعيوب
لكل منهما
ومن افضل من يقوم بذلك
رقم العضوية : 42408
تاريخ التسجيل : 12Jun2009
المشاركات : 14
النوع : ذكر
الاقامة : القاهرة الجديدة
السيارة: لا يوجد
السيارة[2]: Citroen AX
الحالة :
1- أحسن وقود للسيارة هو بنزين 90 وده فى حالة لو مش بتشغل التكييف
لكن لو بتشغل التكييف يبقى أحسن وقود هو 92 وفى ذلك سبب علمى قوى وعن تجربة أيضاً
عموما فرق السعر بينهما بسيط ولكن فرق الخواص بينهما بيبان عند تشغيل التكييف
إذا أردت التأكد من هذه المعلمة جربها بنفسك أو يمكننى شرح سببها العلمى لك فى رد أخر حتى لا أخرج عن الموضوع المطلوب
خد بالك بنزين 80 ومياه الحنفية فى الردياتير هما أكتر حاجتين بيبوظوا العربية وعلى مسئوليتى الشخصية الكلام ده
2- معل استهلاك السيارة للبنزين(بالنسبة لبنزين 90):
-داخل المدينة 11 كم /لتر (220 كم لكل 20 لتر)
- على الطرق الصحراوية أو السريعة 13 كم/لتر أو اكثر حسب طريقة القيادو ونقل السرعات (حوالى 260 كم لكل 20 لتر)
3- كيف أقلل أستهلاك البنزين (رفع كفائة استهلاك الوقود للسيارة)؟
الأجابة سهلة جدا ولكن عليك اتباع الخطوات الأتية كلها بترتيبها كما هى ولا تهمل نقطة وستقلل من استهلاك البنزين 30 % أو أكثر
- أولاً: قم بتغيير فلتر الهواء (حوالى من 15 إلى20 جنيه)
- ثانبا: قم بضبط خليط البنزين والهواء (مسمار الهواء) عن طريق قياس نسبة co فى العادم ينبغى أن يتم ضبطها لحوال 1% واحيانا لو العربية كويسة ممكن 0.5 % وبعد كده يتم ضبط سرعة السالنسيه عند 750 rpm (أنا عملت الموضوع ده عند أمير وجوزيف فى حوالى ربع ساعة) ، ممكن تقوللى أروح لميكانيكى أو بتاع كاريراتير يعمللى الموضوع ده ، ودى أكبر غلطة ممكن تعملها فى العربية لان الضبط السالف ذكره يتم عن طريق أجهزة تقيس العادم ونسبة احتراق البنزين والميكانيكى وخلافه بيشم العادم ويسمع صوت الموتور ويقولك تمام وانا كمهندس ميكانيكا وخبرتى فى الميكانيكا أقولك ان ده كلام فارغ جدا وا العمليه دى دقيقة جدا وماينفعش فيها الشم ولا سماع صوت الموتور وده ليه أسباب علميه كثيرة ممكن أبقى أشرحها بعدين ولكن احب أقولك حاجة واحدة بس أن غاز co غاز سام وقاتل و ليس له أى رائحة أصلا يبقى الميكانيكى بيشم إيه بالضبط (الله أعلم)
-ثالثا: بعد الموضوع ده بيومين تروح تغير طقم بوجيهات (35 جنيه) ولو سمحت غيرها ماتنضفهاش وده بردك له سبب ممكن أبقى أرد عليه بعدين لو عاوز
- رابعاً تغير زيت موتور للعربية وأنصحك بإستعمال زيت Mobile XHP وده بيعمل 3000 كم ويتغير ال 4 لتر بحوالى 110 جنيه هتحط منهم حوالى 3.5 لتر بس لان دى سعة العربية وكمان لو سمحت لو سمحت كل ما تغير زيت تبقى تغير معاه فلتر الزيت (12 جنيه) والموضوع ده مهم جدا جدا جدا وليه برضه اسبابه
-أخر حاجه هأقول عليها هو كاوتش العربية لو النقش ماتكلش والمداس بتاع الكاوتش كويس يبقى 10/10 لكن لو فيه تأكل يبقى على اتلأقل تغير الأمامى لان ده بيفرق فى استهلاك الوقود
فقط يتبقى أنك توم متاكد من توقيت الأشعال مظبوط فى السيارة ودى أنصحك تعملها عن أمير وجوزيف وانت بتظبط نسبة ال CO ودى غالبا ما بيبقاش فيها مشاكل بس لازم تتأكد
دلوقتى لازم عربيتك تعمل معدلات الأستهلاك إللى أنا كتبها فوق ولو معملتهاش ابقى ابعتلى وانا هأقولك على شوية حلجات أخر
يرحب باى سؤال اخر فى هذا الموضوع
====================================
شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى
رقم العضوية : 21150
تاريخ التسجيل : 05Oct2008
المشاركات : 8
النوع : ذكر
الاقامة : egypt
السيارة: لا
السيارة[2]: سيتروين
دراجة بخارية: لا
الحالة :
اشكرك جدا علي المعلومات القيمة وبدوا فيها المجهود الرائع
كمةتكلف الضبط عند امير وجوزيف
سؤال تاني
هل من الممكن تحويل الي injection بدل من الكاربراتير وما هي لمميزات والعيوب
لكل منهما
ومن افضل من يقوم بذلك
رقم العضوية : 42408
تاريخ التسجيل : 12Jun2009
المشاركات : 14
النوع : ذكر
الاقامة : القاهرة الجديدة
السيارة: لا يوجد
السيارة[2]: Citroen AX
الحالة :
بالنسبة لموضوع التكلفه: كانت تكلفة الضبط عند أمير وجوزيف كانت حوالى 50 جنيه أو 60 جنيه (وده مبلغ تافه بالنسبة لما سيتم توفيره عن طريقه)
بالنسبه لموضوع الكاربيراتير والإنجيكشن:
1- يمكن جدا تحويل نظام تغذية الوقود من كاربيراتير لنظام الحقن (injection ) ولكن لكى يتم هذا بطريقة صحيحة وسليمة عليك تغيير الكثير من أجزاء نظام ضخ الوقود وكذلك عمل ضبط للكهرباء وأن يتم ذلك على مستوى عالى من الدقة للأسف لا توجد فى مصر هذه الدقة المطلوبة ولو وجدتها أعتقد أنها ستكون مكلفة وعليك الإستعانة بأجزاء أصلية حتى تضمن أداء هذا النظام وده رأى الشخصي (أعتقد أنه فى صفحات سابقة فى هذا الموضوع كان فى حد بيكام على ميكانيكى بيحول العربيه لنظام حقن) عموما أنا مابحبش موضوع تعديل محركات السيارات لان دائما الحاجات دى لازم تكون مدروسه كويس علشان تديك الكفائة المطلوبة وماتسببش احباط لصاحبها (يعنى لازم تعرف رأى الشركة المصنعة فى الموضوع الأول)
ولكن عليك النظر لهذا الموضوع بصورة أخري:
لماذا نظام حقن الوقود؟
لأن نظام حقن الوقود يوفر لك ميزاتان أساسيتان:
1- يوفر فى استهلاك البنزين
2- يضبط سرعة السالانسيه أوتماتيكيا بما يحمي السيارة من خطر دوران المحرك فى قيام السيارة على سرعة دورانية بطيئة (rpm) (كأنه بيشد الشفاط)
ما هى عيوبه:
1- البنزين فى مصر مش نضيف ودايما يسد الفوانى
2- صعوبه فى تصليحه فى حالة الأعطال (لازم حد بيفهم يصلحه)
ولكن نظام الكاربيراتير مميزاته:
1- سهولة تنظيفه وتصليحه وضبطه
2- لا يعانى من أى مشاكل مع البنزين لو كان مش نضيف
وعيوبه:
1- لازم تشد الشفاط لما تدور العربيه وهى بارده لمدة 3 دقائق حتى تحمى الموتور من الدوران على سرعة سالنسيه بطيئة (عيب عبيط)
2-قد لا يكون موفر للبنزين كنظام الحقن
ولكن انتبه جيدا لما سأقوله الأن:
هذه السيارة أصلا فيها ميزة خطيرة جدا وهى أنها موفرة للبنزين جدا نظراً لأن
1-محركها ستروين فرنسي ذو كفائة عاليه (وده معروف أن محركات الستروين أقتصادية فى الوقود بسبب كفائتها)
2- محرك سعة 1360 سي سي على سيارة خفيفة ( وزنها 650 كجم تقريبا) وده أكبر محرك على أخف سيارة وتحس بيها فى السرعة الأولة أن العربية كأنها بتهجم على الطريق نتيجة لهذا الموضوع
وده معناه حاجة (فى رأي الشخصي) أن أنت هتعدل فى عربيتك علشان توفر بنزين فى عربية أصلا موفرة للبنزين لذلك قد تجد الفرق ليس كبيرا أو ليس هناك فرق أو احتمال أن العربية تتلغبط منك وتدوخك وراها .... وأنت عارف الباقى
عموما شوف حد عمل الموضوع ده وأسأله ، بس أنا واحد من الناس إللى لا يمكن هأعمل الموضوع ده أبدا وده رأي الشخصي
وشكراً
====================================
شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى
رقم العضوية : 14120
تاريخ التسجيل : 04Jul2008
المشاركات : 116
النوع : ذكر
الاقامة : cairo
السيارة: citroen ax
السيارة[2]: fiat 128
الحالة :
معلومات قيمة جدا
بعد اذنك انا جايب العربية جديد، وهي حالتها العامة ما شاء الله فوق الممتازة، وأنا لسه كاسر الـ50 ألف كيلو بيها وهي موديل 97، المهم أنا شايف ان الرايداتير عايز تنضيف علشان بأشوف صدا وحاجات عاملة زي عجينة الورق كده بتظهر في لما أجي ازود الميه، وعايز أروح للتوكيل أعمل تشيك عليها كلها، فايه اللى ممكن يتعمل ويتكلف اد ايه؟
الحاجة التانية كنت عايز أعرف منين أجيب فلتر الزيت والهوا
وبخصوص البنزين 80 وميه الحنفية أنا فعلا بأعمل الحاجتين دول، فايه الميه المناسبة، وهل مياه الحنفية المفلترة تمشي واللا ايه؟ وكمان كنت عايز أظبط التكييف علشان كنت فضيت منه فريون كتير عن طريق الخطأ لما كنت فاكره انه بلف الرايداتير، وعايز انضف الفلتر بتاعه، علشان نفسي أحس اني راكب عربية فيها تكييف علشان أنا مش بشغله خالص اليومين دول لأنه تأثيره لا يذكر في الحر الشديد، بالاضافة انه بيسخن العربية، فهل ينفه أظبطه علشان يمشي كويس خاصة اني اول ما جبتها متن حوالي شهر ونص كان ماشي تمام جدا، وأخيرا لو في مكيانيكي متخصص فيها يكون قريب (انا ساكن في الهرم) وشكرا جزيلا لك, وآسف على إزعاجك
رقم العضوية : 21150
تاريخ التسجيل : 05Oct2008
المشاركات : 8
النوع : ذكر
الاقامة : egypt
السيارة: لا
السيارة[2]: سيتروين
دراجة بخارية: لا
الحالة :
ما رايك في ملئ الاطار بالنيتروجين وشكرا يا باشمهندس
رقم العضوية : 42408
تاريخ التسجيل : 12Jun2009
المشاركات : 14
النوع : ذكر
الاقامة : القاهرة الجديدة
السيارة: لا يوجد
السيارة[2]: Citroen AX
الحالة :
أولا ...لا شكر على واجب وليس هناك أى إزعاج
ثانباً : موضوع بنزين 80 ومياه الحنفية أنت فعلا بتقتل عربيتك..
1- بنزين 80 ليس موفر كما يظن الناس ، يعنى هو نصف سعر ال 90 ولكن استهلاكك للبنزين هيكبر حوالى 40% مثلا وبكده وهتلاقى فى الأخر إن كل إللى أنت وفرته حوالى 20 جنيه فى الشهر فى مقابل قدرة أقل للمحرك و ملء نظام تغذية الوقود (والكاربيراتير) بالأوساخ وتقليل عمر المحرك بصورة كبيرة وكمان تلويث شديد للبيئة (وده موضوع تانى) وأنت وراحتك .... بس خد بالك كويس أوى لو هتشغل التكييف يبقى ماينفعكش بنزين 80 أبدا ، أنا قلت قبل كده بنزين 92 هو الأنسب وده لو أنت بتحب تحافظ على عربيتك و تخليها تديك أفضل أداء ، بس ممكن تحط 90 وتشغل التكييف مش مشكلة أوى.
2- بالنسبة لموضوع الردياتير ومياه الحنفية:
أنت ساكن فى الهرم يعنى ساكن جنبى لأنى ساكن فى فيصل ، بص أنت تروح محطة شل إللى فى المساحة جنب خزان المياه على إيدك اليمين وإنت قادم من الجيزة وتدخل محطة وتقول عايز أعمل غسيل ريدياتير وأملأه مياه خضراء ... هتتقف بالعربية قدام ماكنة عاملة زى الغسالة وهيوصلها خراطيم من العربية للماكينة وهيعمل دورة مفتوحة للردياتير والمحرك بالمياه وهيطلب منك شراء علبة فلاش ميكسر (مزيل للصدأ) وجركن مياه خضراء (من نفس البنزينه) هيكلفوا حوالى 60 جنيه المهم دى شغلانه عبيطة بس أحب أقولك أبقى الأول قبل كل ده أركن العربية فى أى شارع جنب البنزينة لمدة ساعة على الأقل لحد الموتور مايبرد خالص تماما تماما (بأولها مرتين أهوه) وبعدين أدخل البنزينة وأعمل الموضوع ده وتقريبا المصنعية بتاعته 25 جنيه ، بس بعد كده تشترى مياه خضراء بتاع موبيل من محطة موبيل جركن 1 لتر ماتجبش أى نوع تانى (13جنيه) لا من كارفور ولا أى نوع رخيص أو غالى (هو ده أحسن حاجه للعربية) وده إللى تزود منه على طول
3- روح أضبط الكاربيراتير بتاع العربية وأطلب منهم يبصوا على شوية حاجات : العفشه والكبالن والدبرياج وسير الكاتينه وحالة الموتور العامة وكهرباء السيارة ( دى روح أى عربية) بس بصراحة معرفش الكشف ده يكلف كام و كويس أنى أفتكرت روح محطة موبيل إللى فى محطة حسن محمد بالهرم جنب كايرو مول واطلب منهم تزويد ( تزويد مش تغيير) زيت الفتيس علشان ده لو ناقص ممكن يعمل مصيبة
4-بالنسبة لفتر الزيت هو نفسه بتاع البيجو 505 وأعتقد كمان أنه بتاع أى عربيه بيجو ده ممكن تجيبه من أى حته (13 جنيه المصرى) بس غيره مع كل غيار زيت لو عايز الأصلى بتاع الألمانى أو الأنجليزى ممكن تجيبه من التوفيقية من القاهرة التجارية (18 ش البورصة ) أو أمير وجوزيف (15 ش سليمان الحلبى / التوفيقية) وكذا محل هناك فى التوفيقبة وده ب 30 جنيه وممكن تجيبه من أكثر من محل بشارع دمشق بمصر الجديدة
5- بالنسبة لفلتر الهواء تمنه 20 جنيه (فيه فلتر شبهه بتاع سوزوكى ماتجيبوش) وممكن تجيبه من المحلات نفسها إللى قلنا عليها دلوقتى
6- بالنسبه لموضوع التكييف أنت مبدئيا محتاج تشحنه فريون (لانك بتقول أنك فضيته) (100 جنيه) عموما لازم تضبط الردياتير والكاربيراتير قبل ماتصلح التكييف وإلا هتحس أن العربية ضعيفه وبتسخن والتكييف مابيسقعش، بالنسبه لفتر الفريون أعتقد أن ده بيتغير مش بيتنضف ده لو هو مسدود فعلا.. وبالنسبة لموضوع السخونة مع التكييف أنا كتبت فى الموضوع ده قبل كده (هتلاقيه فى الصفحة 17 الرد رقم 169)
بالنسبة لميكانيكى متخصص فى الستروين فى الهرم ،أنا بصراحه معرفش ، لكن أنا الميكانيكى بتاعى راجل شاطر جدا وفاهم كويس ومعاه عده محترمه ، ومكانه ورا مطحن الطالبيه فى فيصل قبل مبنى حى الهرم على طول (الورشة الفنيه لإصلاح السيارات - أ.زاهر) ، عموما أنت مابتحتجش حد متخصص فى عربيتك إلا فى الحاجات الجسيمة أوى ( لأن العربية دى بسيطه جدا وحلوه جدا ومش هتحتاج تروح للميكانيكى كتير ) يعنى ضبط فرامل ، تغيير فلتر أو تيل أو سير، بس الحاجات الجسيمه إللى فيها حل موتور أعملها عند توكيل أو متخصص وأشترى دماغك (ودى مش هتحصل كتير) ولو قابلتك أى مشكله فنيه أبق قوللى أحسن قبل ما تعملها يمكن يكون عندى نصيحه..
ثثالثا: بالنسبة للسؤال عن ملئ الإطارات بالنيتروجين فأنا معرفش حاجه عن الموضوع ده وأول مره أسمع عنه ،بس أنا أقدر أقولك أن فيه مركز متخصص بيعمل تعديلات فى العربيات بأنواعها زى حقن النيتروجين ويمكن بيعمل الموضوع إللى أنت بتقول عليه ده وهو مركز أرابكون وده توصله أنك تمشى فى طريق النصر قادما من كوبرى الماظه وبعدها تدخل الشارع إللى على ناصيته بنك ال CIB كأنك رايح سيتى ستارز بس أول ما تدخل الشارع ده تكسر أول شارع يمين (شارع ضيق) وتمشى لأخره هتلاقيه على يمينك وموقعه كده يبقى جنب نادى الفروسية للقوات المسلحة ، يعنى ممكن تسأل هناك.
====================================
شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى
رقم العضوية : 21150
تاريخ التسجيل : 05Oct2008
المشاركات : 8
النوع : ذكر
الاقامة : egypt
السيارة: لا
السيارة[2]: سيتروين
دراجة بخارية: لا
الحالة :
امس حدثت حاجة غريبة العربية كانت واقفة من الساعة 4-9 وبعد ما دورت العربية ومشيت حوالي 12 ك لقيت عداد الحرارة وصل لحوالي 110 والردياتير فية ماء والمروحة شغالة كويس والعربية مش واخدة هواء وقفت وفتحت الكبوت شوية لحد مابردت
وكشفت علي الماء لقيتة مش ناقص وامروحة شغالة يلتري يا باشمهندس اية السبب والحل
رقم العضوية : 42408
تاريخ التسجيل : 12Jun2009
المشاركات : 14
النوع : ذكر
الاقامة : القاهرة الجديدة
السيارة: لا يوجد
السيارة[2]: Citroen AX
الحالة :
أولا قبل شرح سبب المشكلة إللى عندك لازم تعرف ميكانيكية دورة التبريد فى السيارة (نفس الميكانيكية لجميع السيارات على السواء) ببساطة:
1- عند بدء دوران الموتور والسيارة باردة تماما (أكرر باردة تماما) تكون هناك دورة مياه مغلقة داخل بلوك الموتور (المياه تمر من خلال مسارات داخل بلوك الموتور ولا تخرج خارجه لا للريدياتير ولا خلافه) تمام
2-بعد مرور فترة من الوقت تبدأ المياه داخل بلوك الموتور فى السخونة فتنفتح تلقائيا بوابة (محبس) وتسمح لهذه المياه بالخروج خارج الموتور والذهاب إلى الريدياتير
3- عند ذهاب هذه المياه إلى الريدياتير تختلط بالمياه الباردة الموجوده فى الريدياتير فتبرد وترجع للموتور باردة فتقوم بعملية التبريد للموتور
4- وبعد هذه اللحظة تظل هذه البوابة مفتوحة طوال رحلة السيارة ويكون سيلان المياه بيت البلوك والريدياتير شغال على طول حتى تتوقف السيارة والموتور يبطل والسيارة تبرد فتنغلق هذه البوابة مرة أخرى
5- ما سبب وجود هذه البوابة أصلا؟
سبب وجودها وهو ضمان عمل تسخين سريع للموتور فى بداية تشغيله حتى يصل إلى درجة حرارة التشغيل بسرعة وذلك عن طريق فصلة عن منظومة التبريد الخاصة بالريدياتير
6- أين يوجد حساس الحرارة ألذى نرى المؤشر الخاص به فى التابلوه؟
مؤشر الحرارة الذى تراه فى التابلوه يستقبل قرائته من حساس حرارة موجود على مسار المياه داخل بلوك الموتور (إذا فهو يقرأ درجة حرارة المياه داخل بلوك الموتور)
7-اين يوجد الترموستات الخاص بتشغيل المروحة؟
الترموستات الخاص بتشغيل المروحة يوجد على الريدياتير (إذا فهو يقرأ درجة حرارة المياه داخل الريدياتير وعلى أساسها يشغل المروحة أويطفأها)
8-والأن نحلل المشكلة طبقا لما ذكرناه الأن:
أ- درجة الحرارة المقرؤه فى التابلوه 110 درجه هى درجة حرارة المياه داخل بلوك الموتور (110 دى على الحركروك ولكن لا تقلق)
ب-المياه داخل الريدياتير لم تنقص والمروحه شغالة (كويس خالص خالص) ده معناه أن المياه داخل الريدياتير إرتفعت درجة حرارتها لحوالى 90 درجة وترموستات المروحة حس بيها وشغل المروحة (وده شئ طبيعى وكويس)
إذا ما هو تفسير المشكلة؟؟
هذا هو ما حدث بالضبط :
لقد قمت بتدوير السيارة وإشتغلت بصورة طبيعية وتم تبريد الموتور والدنيا كانت طبيعى جدا (لمدة 9 كم من إللى أنت مشيتهم على الأقل)، وفجأه وبدون سابق إنظار أغلقت البوابة الخاصة بخروج مياه البلوك للموتور تماما (أو جزء كبير منها) وبالتالى حدث أن المياه داخل بلوك الموتور ماخرجتش للريدياتير علشان تبرد وفضلت شغالة دورة مغلقة وعماله تسخن وتسخن وتسخن فى نفس الوقت إللى فيه مياه الريدياتير قاعده جواه عماله تبرد ومفصولة تماما (أو جزئيا)عن المياه السخنة داخل بلوك الموتور، وده يفسر كل إللى أنت قلته أن درجة حرارة مياه البلوك عاليه مع أن المياه داخل الريدياتير زى الفل والمروحة شغالة ومافيش هواء (لازم تتأكد من معلومة الهواء دى لأنها تقلب كل المشكلة رأسا على عقب)
طيب أنت دلوقتى لازم تكشف على هذه البوابة عند حد بتاع ريدياتير محترم وتشوف إيه مشكلتها (هى علقت ليه) ممكن تكون باظت (عمرها كده )أو فيه وساخة أو أملاح فى المياه هى إللى علقتها (لو بتحط مياه حنفية يبقى هوه ده السبب)
بص بأه يا سيدى إنت تعمل الأتى:
1- دور العربيه وهى واقفه فى مكانها وأقعد سخن فيها وهى واقفه وشوف هيحصل إيه باترى المشكلة هتكرر ولا لأ ، لو مكررتش حضرتك تأخد العربية وتروح عند بتاع ريدياتير وتكشف على هذه البوابة (غالبا لازم تفضى مياه الريدياتير) وتخليه يضبطها يعنى وساخة تتشال أو خلافه وبعد كده تختبرها وأنصحك تغسل الريدياتير والمنظومه كلها فى البنزينه
طيب لو إكررت ؟
يبقى سيادتك لازم لازم لازم تقطر العربيه (خاليها على سرعة السالنسيه ومورها وهى مقطورة علشان تعرف تدوس الفرامل)
وروح لبتاع الريدياتيرات وشوف إيه النظام
سؤال هل ممكن يكون الحساس بتاع الحرارة بايظ؟
لا أعتقد ، لأنه لوباظ مش هيقرأ أصلا درحة حرارة ، بص الحساس ده تمنه 180 جنيه بتاع العربيه الستروين (أصلى بس صناعه أسبانى) وما نصحكش تيجى نحيته ولا تفكه دلوفتى خالص وأبعد عنه تماما (ما تخليش أى حد غبى أو مصتنصح يفكه ويبوظ السن النتايه إللى موجود فى البلوك أو يبوظ الحساس نفسه لأن ده ليه لقمه مخصوصه علشان يتفك)
أنا كده قلت إللى عندى ، ولو فيه أى حاجه مش مفهومة أسال تانى وأنا تحت أمرك
====================================
شغلتى مهندس ميكانيكا وسيارتى الرائعة هى ستروين Ax لونها زيتى ميتاليك موديل 96 وسعتها 1360 سي سي وكمان فيها تكييف وسنتر وكاسيت وزجاج كهرباء و لزوم الجمال فيها فتحة سقف وسبويلر أصلى وربنا يستر طريقى
رقم العضوية : 21150
تاريخ التسجيل : 05Oct2008
المشاركات : 8
النوع : ذكر
الاقامة : egypt
السيارة: لا
السيارة[2]: سيتروين
دراجة بخارية: لا
الحالة :
شكرا جدا ياياشمهندس علي المعلومات القيمة المفيدة والكلام العلمي المقنع وعلي المجهود الرائع
رقم العضوية : 37952
تاريخ التسجيل : 13Apr2009
المشاركات : 14
الحالة :
السلام عليكم و رحمه الله وبركاته
انا معايا عربيه سيتروين موديل 95 بس فيها مشكله الحراره العربيه مبتبأش واخد هوا بس فى الصيف لو حرقت عاليها شويه لو الحراره وصلت 85% يعنى لسه سخونه عاديه لو بطلت العربيه الـى فى فتحه جنب غطا الردياتير وده اعتقد ان المفروض يكون فيها خرطوم الفايز و كده كده عادى مش راكب الخرطوم بس الفتحه موجوده أول مبطل العربيه الفتحه تنزل ميه جامده بأندفاع حوالى اكتر من 3 لتر ميه اسيبها و بعد كده املاها ميه تانى و أفضى الهوا بس عايز اعرف ليه كده
المفضلات