هذه خبرتي مع سيارتي ستروين Ax !!

**megoghanem** · 13-09-2009 01:30 PM

السلام عليمن
رمضان كريم، وكل عام والأخوة بالمنتدي وخارجه بألف صحة وسلامة

أنا عربيتي ax اللي أهملت فيها ومعترف، تقريبا كده بنسبة 90% هاتحتاج تيغر جوان وش سلندر علشان كانت بتسخن فترة قبل ما أغير فيها شوية حاجات زي طلمبة الميه وخرطوم الرايداتير وغطا الرايدياتير وخلافه، المهم أنا ابتديت أشوف الميه لقيت بيطلع عليها زيت لونه بيج (طحينة) وده مالوش غير تفسير واحد انه الجوان، وحابب أعرف ايه اللي أخلى بالي منه وأنا بأركب الجوان، خاصة اني عرفت ان نص الموتور تقريبا بيتفك علشان يركب الجوان، والمفروض ان العربية تكون باردة تلج علشان ما يقفعش، ياريت لو في نصيحة من حد عمل الحكاية دي قبل كده أصل خابف منها اوي، وهل تغييرها تبقى العربية معيوبة واللا طالما ما غيرتش وش سلندر تبقى الأمور عادية، علشان باستثناء ذلك موتور العربية أداءه الحمد لله ممتاز، وكمان عايز اعرف ليه أمبير السرعة فاصل عندي ، هل ممكن يكون السلك انقطع، ولو حد عنده فكرة عن الحاجات دي هاتتكلف كمان والمصنعية وخلافه، وألف شكر للجميع مقدما
ورمضان كريم.

**azkol2005** · 14-09-2009 04:18 PM

اكسرتير عداد الكيلو متر
مونه وأجره 70 جنيه
عند عبد العليم بتاع العدادات في دار السلام محطة أبو أشرف
وهو بيشتغل كيلو متر فقط

**aaahhmmed** · 16-09-2009 01:31 AM

سياره للبيع
سيتروين AX موديل 95 فابريكه من الداخل لونها بنفسجى او بتينجانى ميتاليك سنتر/ زجاج أمامى كهربى / تكيف يعمل / فرش السقف + البواب + الأرضيه الفابريكه / بطريه جافه جديده / كاوتش تيوبلس / فرش جلد / 4 سماعات 300 KENWOOD / و CD USB Pioneer model 50.50 بالضمان لا تحتاج لأى مصاريف المطلوب 23000 موبيل 0125453377

**speed demon666** · 24-09-2009 08:23 PM

المشاركة الأصلية كتبت بواسطة megoghanem

السلام عليمن
رمضان كريم، وكل عام والأخوة بالمنتدي وخارجه بألف صحة وسلامة

أنا عربيتي ax اللي أهملت فيها ومعترف، تقريبا كده بنسبة 90% هاتحتاج تيغر جوان وش سلندر علشان كانت بتسخن فترة قبل ما أغير فيها شوية حاجات زي طلمبة الميه وخرطوم الرايداتير وغطا الرايدياتير وخلافه، المهم أنا ابتديت أشوف الميه لقيت بيطلع عليها زيت لونه بيج (طحينة) وده مالوش غير تفسير واحد انه الجوان، وحابب أعرف ايه اللي أخلى بالي منه وأنا بأركب الجوان، خاصة اني عرفت ان نص الموتور تقريبا بيتفك علشان يركب الجوان، والمفروض ان العربية تكون باردة تلج علشان ما يقفعش، ياريت لو في نصيحة من حد عمل الحكاية دي قبل كده أصل خابف منها اوي، وهل تغييرها تبقى العربية معيوبة واللا طالما ما غيرتش وش سلندر تبقى الأمور عادية، علشان باستثناء ذلك موتور العربية أداءه الحمد لله ممتاز، وكمان عايز اعرف ليه أمبير السرعة فاصل عندي ، هل ممكن يكون السلك انقطع، ولو حد عنده فكرة عن الحاجات دي هاتتكلف كمان والمصنعية وخلافه، وألف شكر للجميع مقدما
ورمضان كريم.

متخفش من حاجة الموضوع ده عادي و بيحصل في عربيات أحدث منها .... اتكل على الله و ظبط عربيتك

**ahmedghalwash** · 27-09-2009 12:49 AM

السلام عليكم-د.احمد,,,,انا باتمني ليك كل خير وسعيد انك بتحب الax,وده بيزيد جرعة الفهم لقيمة السيارة المهدرة في السوق المصري....وبيؤكد اني كنت صريح لما شرحت ان هذه السيارة ليس لها مثيل...........نسيت ان اهنأك واضع كافة خبراتي لاي استفسار عن السيتروين وللايضاح ان السيارة AXفي فرنسا هي TU3 _ واي استفسار عن هذه السيارات AX,ZX,XARA,XARA2,C4,C3واتمني ان تتذكرني بالخير....احمد غلوش

**ahmedghalwash** · 27-09-2009 12:59 AM

السلام عليكم -في السيارة axتغيير الجوان يحتاج 8ساعات
واسعار قطع الغيار في حدود(جوانات60+بوجيهات40+طلمب� � مياه150+فلتر زيت15+زيت محرك)اذا احتاج الوش اعمال خراط’يضاف 40-اما سعر الوش هو300في حالة تلفة.المهم معرفة سبب تلف الوش......م/.احمد غلوش

**alimosa2010** · 27-09-2009 07:34 PM

السلام عليكم ..
الأعضاء الكرام .. أرجو إعطائي النصيحة المبنية على خبرتكم
لأول مرة سأشتري سيارة .. حيث أنى تعلمت السواقة من شهرين فقط
إمكانياتي 20 ألف جنيه بحد أقصي
استعمالات السيارة ستكون في الذهاب والعودة للعمل ( من المهندسين إلى أول مدينة 6 أكتوبر )
بالإضافة إلى المشاوير العائلية البسيطة
متردد بين شراء الستروين ax وبين الفيات 128
فما رأيكم .. دام فضلكم

**ahmedghalwash** · 30-09-2009 01:35 AM

السلام عليكم-طبعا بالمقارنة السريعة تجد ان ال128 ذات محرك 1300س س يولد55حصان اما الaxمحرك جبار 1400 يولد 75حصان مزودة بالكماليات من زجاج او تكييف وتتمتع بكراسي مريحة جدا وتصميم للكنبة الخلفية علي مستوي اعلي يتيح للجالس الخلفي سهولة الرؤية-هذة السيارة اذا تم الحفاظ عليها تكون تحفة لصاحبها ويمكنك يا عزيزي اذا وجدت سيارة اعجبتك في السوق او الجرائد ان تبلغني وسافيدك بحالتها باذن الله مجانا

**fady_salah** · 17-10-2009 11:13 AM

جزاك اللة كل خير يا د.أحمد
انا عايز اسال عن حاجة مش عارف اوصل لحلها , انا غيرت الماتور بماتور citroen ax GTI 1360 cc و من بعدها دايما بيسخن مع التكييف فقط لكن لوحدة من غير تكييف ماشى تمام اوى مش عارف اوصل للحل ( مع العلم ان الردياتير تمام اوى وبتاع citroen ax gti والتكيهات و السرفنتينة تمام ) برجاء الافادة.