هذه خبرتي مع سيارتي ستروين Ax !!

**shadweck** · 21-10-2009 04:38 PM

صباح الفل على شباب المنتدى

انا اسمى SHADWECK(مستعار طبعا)

و عندى AX موديل 95
من كام يوم شدتها وعملت فيها الاتى:

سير كاتينة 55 جنيه

بلية كاتينة 80 جنيه

سير دينامو اصلى 15 جنيه

جوز وشوش فوانيس خلفية 30 جنيه

فلتر بنزين 15 جنيه

فلتر هواء 30 جنيه

بيك سرعة للكاربراتير 15 جنيه

دفعت مصنعية 80جنيه

عند جميل اللى فى عين شمس.
هو استاذ بس للعلم:
اى مسمار بيفكه بفلوس-غالى شوية فى قطع الغيار يعنى اغلى خوالى من 10 الى 15 جنيه.

بالنسبة للكهربائى:

كان عندى مشكلة فى عداد السرعة و قاللى هات سلك سرعة (كيلة متر جديد)
اشتريته ب 55 جنيه و ركبه و بعدين ماشتغلش.
فضل يقولى يا باشا دة عيب عداد و مش عارف ايه المهم قولت لنفسى فكك منه.
وكمان عوامة البنزين ماعرفش يعملها.
يعنى زى ما روحتله زى ما رجعت
على فكرة هو فى المحل اللى جنب جميل.
و يا جماعة ارجو انكم تكونو استفادتم من التجربة دى و لو حد عاوز اى حاجة يبعتلى تليفونه او سؤاله على الميل دة

shadweck@hotmail.com

**ahmedghalwash** · 22-10-2009 01:02 AM

السلام عليكم-للعلم هذا المحرك يجب ان يزود بمروحة تعمل بسرعتين او يتم تركيب مروحة صغيرة امامية للتبريد مع التكييف-----لانه في وضع تشغيل التكييف يرتفع الضغط في دائرة التكييف يستوجب معه زيادة في كفاءة التبريد....وفي كل السيارات الحديثة يتم عمل المروحة بنظام السرعتين....اما في الموديلات المعدلة يفضل تركيب مروحة امام سربنتينة التكييف....تعمل مع التكييف فقط....امل الافادة
م-احمد غلوش

**Ahmoud87** · 27-10-2009 08:00 PM

السلام عليكم ....
يا جماعة انا معايا سيتروين 1360cc AX
المشكلة عندي في عداد السرعة ..... مش بيدي السرعة صح ( بيأخر )
الميكانيكي قالي العيب في الامبير نفسو ( العداد ) لأنو فحص السلك و جرب يغيرو كمان ... دا غير اصلا ان العداد بيرعش كدا و مش ثابت ...
عايز اعرف اجيبو منين العداد دا و بكام ؟

**megoghanem** · 31-10-2009 06:17 PM

يا جماعة أنا فعلا زهقت ومش عارف اعمل ايه في السخونة دي، العربية كل مرة يطلع فيها حجاة جديدة (من سبيل الصدفة) تتعلق بالسخونة، مرة طلمبة المياه ومرة خرطوم الرايداتير ومش عارف بصراحة هي مالها، المرة دي العربية شكلها فيها تانية عايزة تتغير، لأنها بتسخن برضه، والجديد ان مروحة الريداتير مش عايزة تشتغل، يبقى من إيه؟

**azkol2005** · 07-11-2009 03:30 PM

المشاركة الأصلية كتبت بواسطة megoghanem

يا جماعة أنا فعلا زهقت ومش عارف اعمل ايه في السخونة دي، العربية كل مرة يطلع فيها حجاة جديدة (من سبيل الصدفة) تتعلق بالسخونة، مرة طلمبة المياه ومرة خرطوم الرايداتير ومش عارف بصراحة هي مالها، المرة دي العربية شكلها فيها تانية عايزة تتغير، لأنها بتسخن برضه، والجديد ان مروحة الريداتير مش عايزة تشتغل، يبقى من إيه؟

أكيد اهم مشكله في الاستعانه بصنيعيه تعبانين

راجع فني ريداتير وكهربائي محترم وخبره ، واسال مجربين التوبك عن الفنيين الاكفأ

**tarekmomo** · 19-11-2009 03:19 PM

شكووووووووووووووور على المعلومات الهامة دى انا كنت هشترى واحدة من سنة والناس اعدت تخوفنى منها

**azkol2005** · 21-11-2009 10:58 AM

ماستر فرامل خافي 60ج جديد من التوفيقيه

سرفو وماستر عمومي استيراد من بورسعيد 100 ج

**h_zahra** · 06-01-2010 02:06 AM

اسعار ax 1400 ايه دلوقتى يا رجاله

**azkol2005** · 07-01-2010 09:55 AM

دسك واسطوانه وبليه
تركي 275
فرنساوي 320
ايطالي 420

احسنهم الايطالي والباقي له مساكل
الطقم الايطالي حتهواحده راكب مع بعضه في نفس العلبه

لكن الباقي كل حاجه لوحدها وانت وحظك لما تجمعهم