قوة الفرامل و علاقتها بملء الكاوتشات بالهواء او النيتروجين-مناقشة

**ENG\AHMED** · 23-05-2013 08:59 AM

عن تجربة لو عندك عيوب بسيطة ماستر معرق زيت ولا عجلة مريحة شوية .... الـ ABS هيتلاشاها

الفكترا كان فيها ماستر خلفى معرق زيت وبالتالى اضعف من اخوه اللى جنبة , كانت لو فرامل جامدة بتلف سنة من ورا والـ ABS يشتغل يظبطها تانى لأنه بيعتمد على اشارة من كل عجلة على حده

الـ ABS CONTROL MODULE بيعتمد على مقارنة سرعة العجل ببعضه و rate of decelation ودى ممكن تلاحظها ان لو على سرعة قليلة اوى ودوست فرامل جامد العجل ممكن يزحف سنة وميشتغلش ال abs فى حين لو على سرعة عالية الاستجابة هتبقى اسرع

**lanos2004** · 23-05-2013 10:42 AM

النيتروجين او هوا عن تجربه ملوش علاقه بالفرامل علي الاطلاق
انا شويه ماشي هوا وشويه ماشي نيتروجين واحيانا فردتين هوا وفردتين نيتروجين ومحستش بفرق
وبعدين فرد الكاوتش بتسخن من الاحتكاك مع الاسفلت ولا من الماتور

**hossam eldeen** · 24-05-2013 02:08 AM

والله الله ينور يا باشا علي التحليل الرائع دا ..

**MohammedAladel** · 24-05-2013 04:48 PM

فردة الكاوتش بتسخن من الاحتكاك مع الأسفلت ومن الفرملة لما تكون ماشى على سرعات عالية وبتقف وكل شوية بتفرمل بتسخن الجنط وبالتالى الكاوتش

**M.Ayman** · 03-06-2013 04:55 AM

يا جماعه انا لما امبارح لما ركبت العربيه تاني لقيت الفرامل هوت اكتر بشكل بقي مش عاجبني فرحت اخدلها هوا بقي و اجلت المشوار اللي كنت نازله ، المهم رحت لراجل في السابع قالي لا ده الماستر عايز يتغير ،،، و قالي اروح لواحد بتاع فرامل قريب منه يعمله اصلاح او حاجه من القبيل ده ، المهم انا رحت قولتله الوفلاني باعتني ليك قالي تشرفنا ايه مشكلتك قولتله معرفش شوف الفرامل هو بيقول ماستر بس ممكن يطلع كلامه غلط شيك انت عليها .... شافها قالي لا الماستر سليم و المشكله عندك من الهاند و العجلتين اللي ورا ... فك العجلتين اللي ورا و ظبطهم و خدلهم هوا و شد الهند بقي مشوار اليد اقصر من الاول و حط زيت فرامل Dot3 و العربيه بقت تمام الحمد لله ... فممكن يكون مجرد صدفه ان الفرامل تضعف مثلا او حاجه و انا حبيت اعرفكم بالمستجدات يعني :)