المشاركة الأصلية كتبت بواسطة Mostafa.Ismail
هو بغض النظر عن مشكلتك ... بس النيتروجين دة افتكاسة بيضحكوا بيها على الناس.
مش عارف والله بس هي بتفرق يعني مشكلتي انها غالبا للاسوأ
المشاركة الأصلية كتبت بواسطة crazydeepman
الراجل ده بيقول كلام زي الفل
ماشي ياباشا تشكر :)
المشاركة الأصلية كتبت بواسطة MMamdouh
مفيش تفسير منطقى لكدة الا انك بتفخ الكاوتش بضغط اقل من اللازم (اقل من المكتوب فى كتالوج العربية)
لما بتنفخ نيتروجين معدل تمدد النيتروجين مع الحرارة قليل فا الضغط مش بيزيد جامد بالتالى الفردة بتفضل ضغطها اقل من الصح و دة بيفرق فى تماسك العجلة مع الطريق و بالتالى قوة الفرامل
لما بتنفخ هوا و تمشى بالعربية الهوا بيتمدد اكتر بكتير فا الضغط بيزيد فى الفردة بشكل ملحوظ و بيوصل للضغط الصح و هنا تماسك العجلة مع الطريق بيبفى فى احسن حالاتة و دة بينعكس على اداء الفرامل
MMamdouh
هو الكاوتش في الحالتين كان منفوخ زياده عن الطبيعي بتاعه في العربيه مكتوب انها قدام تبقي ٢٩ او ٢٨ -مش فاكر بالظبط و هتأكد لما انزل تاني ان شاء الله - و الراجل اللي نفخها هوا نفخها علي ٣٠ و التاني بتاع النيتروجين نفخها برضه علي ٣٠ يعني المفروض مفيش فرق ...... و ده يجرني لسؤال تاني هو الضغط المكتوب في العربيه ده اعمل زيه نيتروجين ولا النيتروجين المفروض اعمله ضغط مختلف ؟ ، و شكرا لافادة حضرتك
المشاركة الأصلية كتبت بواسطة MMamdouh
الضغط داخل الاطار بيفرق فى مساحة سطح الكاوتش اللى ملامس للارض... و للعلم زيادة او نقصان الضغط عن الضغط الصحيح بيقلل تماسك الكاوتش بالارض يعنى الزيادة و النقصان الاتنين وحشين
MMamdouh
المشاركة الأصلية كتبت بواسطة No Comment
الله ينور عليك يا بشمهندس م.ممدوح ... كنت هقول نفس الكلام ولكن بطريقة اخرى
أحب اوضح بس حاجة كمان ... ان مش زى ما بيقول زميلنا هنا ان الفردة لو مريحة شوية هيكون السطح الملامس للارض اكبر فبالتالى تماسك اكتر اثناء الفرملة
دى معلومة خطاً ... المفروض ان يكون الكاوتش مظبوط على حاجة من اتنين علشان يكون التماسك والفرامل تمام
- المكتوب على كارتيرة العجل او كتالوج العربية (الرسمى يعنى)
- المتفق عليه كضغط اطار فى البلد على حسب الوزن المحمل و طبيعة الجو من حرارة وبرودة وطبعاً مع الاخد فى الاعتبار الحد الاقصى لتحمل الاطار لضغطه بالهواء
هنا فى مصر الدرجات المناسبة تتراوح ما بين 28 Psi و 33 Psi تقريباً
شكرا جدا يا فندم علي رد حضرتك و علي تصحيح المعلومه :) و في الحالتين كانوا علي ٣٠ اللي مكتوب علي القايم ٢٩ او ٢٨ مش متذكر بالظبط للاسف
المفضلات