الموضوع: قصتى مع كلية الشرطه

المشاركة الأصلية كتبت بواسطة magic girl

انا هاكلمك من الواقع اللي بيحصل قدامي..

1- مبقاش فيه وجود لجهاز إسمه الشرطة.. و ده باين في السرقة وحالات التحرش اللي بتحصل في عز الضهر.. بدون اي تواجد أمني..

مش فى كل المناطق ومش كل الظباط فى ناس كتير شغاله وبتقى ربنا فى شغلها وده اكيد والدليل الظباط ال عماله تموت وهى فى شغلها فى اماكن كتيره

"شهامة" ضابط مروربكفر الشيخ .. قفز من أعلي كوبري الحماد لإنقاذ أم وطفليها بعد سقوط سيارتهم في المياه

تمكن النقيب ابراهيم فايد الضابط بإدارة مرور كفرالشيخ، من إنقاذ اسرة مكونة من ام وطفلين من الموت غرقا بعد سقوط سيارة كانوا يستقلونها من أعلي كوبري الحماد أثناء وجوده علي رأس قوة كمين الطريق الدولي الساحلي بكفرالشيخ.

وقفز الضابط والقوة وسط المياه وتم انقاذ الأم هدي السيد توفيق ونجليها محمد ورغد من الموت المحقق أثناء مصارعتهم الموت وسط المياة وتم انتشالهم من المياه ونقلهم الي المستشفي.

تبين ان الأم كانت تقود السيارة واختلت عجلة القيادة بيديها وسقطت وسط المياه من فوق الكوبري وتولت النيابة التحقيق.
__________________


2- لما واحد يتصل بالشرطة و محدش يرد.. ده إسمه إيه بجد؟؟ يعني انا افهم ان مصلحة الكهربا متردش، شركة المش عارفة ايه.. انما الشرطة !! رقم الطواريء !! يا لهوي ! امال لو حصلتلي مصيبة اكلم مين؟؟
3- الشرطة فيها الكويس و فيها الوحش.. و احسبك من الناس المحترمة اللي فيها و فيه واحد قريبي عارفاه و عارفة انه من الناس المحترمة.. بس الإغلبية عايزين الحرق !!

انا دى لو اقدر اعلق عليها كنت علقت انما انا مش داخل ابرر اخطاء انا داخل احكى قصه حصلتلى واقول رأى عشان اوضح حاجات الناس مش واخده بالها منها مش داخل ابررلهم الاخطاء ال بيعملوها. وده بيحصل مع كله ان هما مبيردوش ومش فاهم ايه المغزى من كده وده الدليل تعليق ظابط هنا معانا فى المنتدى على الموضوع صــــ 5 ـــ تعليـــــ 47 ــق

المشاركة الأصلية كتبت بواسطة CaptaiN-AhmeD

بالتوفيق يا كابتن وربنا يقويك وشد حيلك ف الامتحانات اليومين دول وبأذن الله انتم الجيل الي بنتمنى يتصلح فيه كل الرؤى المكسوره وبنتمنى نشوف فيكو الي مشفناهوش في نفسنا وف الي سبقونا

وتعليقي على موضوع ليه اما بنتصل بالنجده مش بيجو
اقسم بالله العظيم انا ظابط ومن قريب حصلت معايا مشكله جنب البيت كان في حريقه ف مصنع كيماويات + خناقه حرب شوارع بين بلطجيه واتصلت وعرفتهم بنفسي واتكلمت مع المأمور شخصياً ومع المباحث لأن مكنتش عارف اروحلهم وبردو مكنش فيه استجابه وجم فعلاً الا بعد حوالي 45 دقيقه !! !

وقبل كده عالصحراوي قطعت بنزين اتصلت بيهم قفلوا السكه ف وشي وفكروني بهرج رغم ان بردو اكدتلهم اني زميلهم

دي مش مشكلة شرطه ولا جيش بعينهم دي مشكلة حكومه وثقافه حكومية متسستمه من 30 سنه واكتر على البطئ وتنفيذ الاوامر بحذافيرها بدون تفكير واجيال قديمه متربيه عالروتين الممل والكسل عشان كده طالبنا مليون مره بأن الاجهزه تتحل من اول عامل النظافه لحد موظفين الوزارات

واسف ف اللفظ وربنا يخلي والدي ووالدكم الي ربونا وخلونا احسن من غيرنا...هما جزء من المنظومه دي ولازم يغيروا فكرتهم او ندي فرصه للشباب ونعملهم اقصاء ....انا جنبي ف القسم امين شرطه عنده اكتر من 60 سنه وشغال نظام وماسك سلاح وبينزل بلاغات !
طيب قولولي اما واحد في سن جدي لسه مشيلينه المسؤوليه وحاطينه في مركز زي دا ازاي مثلا يقوم بدوره الي المفروض يعمله ؟

ليه منديش فرصه للشباب يحلوا اماكن من سبقونا بالخبره والعمل

أمثلة : سايقة في الشارع واحد أمين كل مهمته في الحياة انه يشوح بإيده عشان العربيات تعدي "كأن من غيره هانقف مش عارفين نعمل إيه" .. و كنت سايقة بشويش اصلاً ففيه ناس عايزة تعدي الشارع فوقفتلهم يعدوا.. راح الباشا جيه يتخانق معايا !!

معرفش ايه ملابسات القصه جايز هو غلطان عشان الطريق كان فاضى وانتى وقفتى تعدى الناس وجايز انتى كنتى غلطانه عشان وقوفك هيعطل الطريق

بعدين معلش انا اكتر ناس بتصعب عليا عساكر وامناء المرور واقف فى الحر وطلعان عنيه والناس كلها مروحه بيتها وهو كل يوم على الحال ده صيف وشتاء وفى رمضان وفى الاعياء وفى المناسبات بجد ربنا يكون فى عونهم والله بعذرهم انا امبارح لسه فى امين مزعق فيا عشان الاشاره فتحت وماخدتش بالى والله ضحكتله وقولتله اسف حقك عليا.

مثال تاني: و انا راجعة من المطار جيه 2 مالهومش لازمة من شرطة المطار يفتشوا الشنطة الكبيرة.. ماشي مفيش مشكلة.. الجميل في الموضوع انه فتحها و بص فيها و سابها مفتوحة " و اصلاً و الله العظيم لو كنت مهربة فيها 2 كيلو هيروين مكانش عرف !!" و بعدين قال لصاحبه بالنص " خلاص خليها تعدي شكلها بنت ناس !" انا سبحان من سكتني عليه اصلاً ساعتها عشان كنت ملخومة باقفل الشنطة تاني.. و بعدين بحاول اشيلها احطها على العربية اللي بجرها عليها و شكلي اصلاً مش عارفة اشيلها.. الاقيه بيقوله " ساعدها مش عيب يعني" رحت طحت فيه و قولتله هو ايه اللي عيب !! انتوا اصلاً لازمتكم ايه غير انكم تساعدوا الناس !! و طبعاً انا اللي كنت شلت الشنطة و مشيت

اولاً : حمدالله على السلامه من المشوار ^^
ثانياً : حتة ملهمش لازمه دى غلطه كبيره لان لو حضرتك شايفاهم ملهمش لازمه فهما شايفين حضرتك ملكيش لازمه بردو زهتفضلو تتعاملو على الاساس ده على طوول واستحاله العلاقه تتثصلح بين الطرفين طول ما كل طرف مش مقدر التانى
ثالثاً : غلطته انه لما حب يفتش فتش بطريقه غير واقعيه بالمره ان فتح الشنطه ومدورش فيها ومعلش اهمال متوقع من اى موظف مصرى ( مبررش انا قصدى ان هو غلطان ).
رابعاً : مش شايف ان هو غلطان انه مشالش الشنطه مش دوره ان هو يشيل الشنطه لو شالها يبئا زوق ومحترم ونتمنى كله يبئا زوق ومحترم مشلهاش مش غلطان ومش دروه ان هو يشيلها ولما قال على حضرتك " بنت ناس " او " ساعدها مش عيب يعنى " مش شايف ان هو قال حاجه تزعل حضرتك
ومساعدة الناس مش اننا نشيلهم الشنط فى ناس بتعمل كده فى محطات القطر والمطارات وظيفة الشرطه هناك تأمين للمطار والحمدلله مسمعتش عن مطار انفجر ولا طيارة افجرت ولا حاجه من دول شغالين كويس هناك الحمدلله

المغزى من القصة.. معظم الظباط و الأمناء مش عارفين يعني ايه تعامل مع المواطنين.. فيه قلة منهم كويسين و محترمين بس للأسف الباقي................. !!

برده مش تبرير فى ناس قليله جداً اساساً ال زوق ومحترمين فى الشارع الحمدلله الشارع بئا ماليان شمامين وبطجيه فبيدخل العاطل فى الباطل وده غلط كبير جداً لان المفروض يتم التمييز بين الناس مين كويس ومين مش كويس وربنا يسترها