الموضوع: تنظيف الصدأ من دوره التبريد ؟؟؟ ايه الحل

المشاركة الأصلية كتبت بواسطة leitosr

طيب تعرف يا محمد باشا ان المية الخضراء دي مش بتاعت عربياتنا وغلط علي عربياتنا وعلي العربيات الياباني حتي التويوتا والميتسوبيشي..

وأن الصح ان الميه الحمراء بتاعت الياباني وأحنا المية بتاعتنا برتقاني في الفرنساوي.
والموضوع مش باللون ولكن بالأضافات اللي موجودة علي مياة التبريد.

وإن كل مياة التبريد شفافة في الأصل ويضاف إليها اللون لكشف التسريب فقط عشان لما يكون فيه تسريب يبان منين, وإن المادة خاصة بالتبريد أسمها *إيثلين جليكول* وبتبقي مخلوطة مع الماء بنسبة 50/50 او 70/30 والباقي أضافات لتزيت طرمبة المية وموانع صدأ..

المية الخضراء اللي موجودة في بنزينات موبل فيها silicate ودي غلط جداً علي طرمبة المية عندنا وممكن تهلكها,
أحنا المية بتاعتنا المفروض يبقي فيها oat
والمية الخضراء دي بتستخدم للمواتير اللي تم أنتاجها لحد أخر التسعينات فقط ومع الرادياتير النحاس القديم وليس الألومونيوم زي اللي في الجديد. والكلام دا مكتوب بالمناسبة علي الأستيكر الخاص بعبوة مياة التبريد الخضراء اللي بتتباع ف بنزينة موبيل نفسها..

فيه مية خضراء علي زرقاء للعربيات الجديدة اللي تمشي مع الرادياتير الألمونيوم وفيه برتقاني وفيه صفرا وفيه حمراء ولكن كل واحدة لنوع مواتير معينة, ولازم تعرف الكود بتاعها قبل ما تحطها ف عربيتك.

عندك حق.... بس هو بس لفظ المياه الخضراء بقى لفظ دارج

بس أحنا ممكن نخصص الكلام أكتر ونقول تحط مياه حسب ما الكتالوج بيوصى

الغريب جدا أن مياه الرادياتير بتاع المصنع فى ميجان 2007 مياه خضراء !!

يعنى هو موضوع نسب ومكونات مش موضوع مياه خضراء على مياه زرقاء

ويبقى أكيد جركن موبيل المنتشر فى السوق اللى هو انت تقصده ... لأنه بينفع لكل أنواع العربيات ... وإلا موبيل كانت ملت الأسواق بالأحمر والأخضر وجميع الألوان ههههههه