مشاجرة بسبب ركن سيارة مصرع شخص واصابه 11 في حلوان

**Land_Cruiser** · 18-05-2013 10:36 AM

لا حول و لاقوه إلا بالله .. حرب اهليه علشان ركن عربيه

**أحمد جودة** · 18-05-2013 10:48 AM

المشاركة الأصلية كتبت بواسطة mhkorayem

عاوز الحق ولا ابن عمه
بصراحه انت اللي غلطان لانه راكن في الشارع وده ملكيه عامه لأي حد مش جراج خاص وبصراحه حظك حلو انه مش راجل رخم لان عشان في ناس في الحاجات دي (زي حالاتي) مبيتفاهموش

بصرحة أنتا عاوز الحق ولا أبن عمه

الراجل دة غلطان 100% دة لو فى حالة ملكية زميلنا للبيت

لان دة بيتك ومن باب أولي تركن عربيتك قدامه ومش منطقى يبقي سايب قدام بيتك لكل من هب ودب وتروح تدور على ركنة فى مكان تاني
أعذرني على ردي علشان بعاني من نفس المشكلة
بس أنا منطقتي كلها عرفت شكل عربيتي خلاص ومحدش يجروء يركن قدام بيتي مكان عربيتي يبقي جابو لنفسه يبقي مش هيروح شغله تاني يوم الصبح

والله بفكر اعمل حواجز حديد امام العربية وخلفها علشان الضيوف كمان اللى مش من المنطقة

تقبلو تحياتي حبيت أشارك

**abdulhafeez** · 18-05-2013 11:30 AM

لا حول ولا قوة الا بالله

**Elawany13** · 18-05-2013 11:42 AM

خلاص بقينا كلنا بلطجيه
مش بتوع التوكوتوك بس
ولا بتوع الميكروباصات بس
الشعب كله بقى بلطجيه وكله معاه اسلحة نارية واسلحة بيضاء
حسبنا الله ونعم الوكيل
اللهم ارفع عنا البلاء
اللهم ارفع مقتك وغضبك عنا

**أحمد جودة** · 18-05-2013 12:49 PM

المشاركة الأصلية كتبت بواسطة amr011111

ياخى قول كلام غير ده
انت معاك عقد ملكيه بالمنطقه اللى قدام بيتك
طيب ممكن تقولى لما انت بتروح ضيف عند حد بتركن عربيتك فين

ايوة اخي العزيز معايا عقد ملكية علشان والدي لما اشتري الارض وبني عليها البيت كان سايب مترين بطول الواجهة فمن حقي استغلة
وأنا عند رأيي مش بمبدأ فرض الرأي بالقوة ولاكن إعمالا بروح المنطق

لما بيجي ضيف فى منطقتي عندي استعداد اخليه يركن مكاني واحنا بنعرف نكرم ضيوفنا كويس

ماهو حضرتك مجربتش ترجع بالليل متأخر ومعاك مراتك واولادك نايمين فى العربية ومعاك شنط كتير
وتلاقي واحد بارد راكن مكانك وهوة عارف أنه بيتك ومكانك

أنا بتعامل بمبدأ تحترمني أحترمك
تقل أدبك أوريك مقامك ومتنساش وخصوصاً فى المناطق الشعبية ناس كتييييييييييييير لو احترمتها مممكن تهينك ولو اديتها على دماغهم يحترموك

دة مجرد رأي وللاسف هوة دة حال بلدنا دلوقتي

وفي النهاية ربنا يستر طريقنا جميعا

**أحمد جودة** · 18-05-2013 01:56 PM

المشاركة الأصلية كتبت بواسطة windofchange

اه منطقي انك تركن تحت بيتك لكن الشارع ملكية عاااااااامة بس كده..وحوار حديد والبلطجة ديه ده يتعمل بس في حالة انك مضطر وان كل اللي حواليك عملوا كده وانك ملكش مكان بس ده مش صح ومش طبيعي امال كنا بنركن السنين اللي فاتت ازااي يااخواننا وحتي لو لك مترين زي ناس كتيربس دول فالشارع ملكية عامة برضه

معاك فى كلامك استاذي العزيز

والله قبل ماجيب عربيتي كانت ناس بتركن تحت البيت عندي والله العظيم كنت بشدد على أولادي ميدخلوش البلكونة لحسن تقع اللعب بتاعتهم على العربيات تحت وحد يتضرر من كدة

بس بعد ماجبت عربية أنا أولي بالمكان ودة صوت العقل والمنطق

الشارع ملكية عامة أنا معاك

بس لما تكون حضرتك صاحب البيت اديني عقلك هتسيب حد يركن مكانك وانتا تروح تركن قدام محل او بيت

والله مرة عملت كدة واحرجت اجيب صاحب العربية الى راكنة مكاني يشيلها
ورحت الشغل ورجعت لقيت الجيران راميين عليها زبالة وقشر لب
يعنب م الاخر متركنش هنا تاني

بالله عليك لو مكاني هتعمل اية

أنا شخصيا بحب المعاملة بالادب والاحترام

بس زي ماقولت قبل كدة في ناس بعقليه غريبة لو شاف منك الاحترام هيعتبرو ضعف وخوف منك
وهيمرمط بكرامتك الارض

وفي النهاية أرجو السلامة للجميع

تقبلوا فائق إحترامي وتحياتي

-

-

الموضوع: مشاجرة بسبب ركن سيارة مصرع شخص واصابه 11 في حلوان

LinkBack

أدوات الموضوع

عرض

-

-

-

-

المواضيع المتشابهه

مصرع 5 واصابه عشرين بانقلاب اتوبيس بشرم الشيخ

مصرع شخص واصابه 8 في انقلاب سيارة شرطة

عاجل مصرع شابين بمترو انفاق حلوان محطة الملك الصالح وتوقف حركة القطارات

الكلمات الدلالية لهذا الموضوع

المفضلات

المفضلات

ضوابط المشاركة