مشاجرة بسبب ركن سيارة مصرع شخص واصابه 11 في حلوان

**sherif222** · 18-05-2013 03:05 PM

لا حول ولا قوة الا بالله

**أحمد جودة** · 18-05-2013 03:36 PM

المشاركة الأصلية كتبت بواسطة windofchange

طالما مفيش قوانين وقواعد منظمة يبقي الدين والاخلاق وطالما مفيش دين واخلاق يبقي البلطجة والقوي علي الضعيف وقلة الادب والظلم و و و ..... ولا حول ولاقوة الا بالله العلي العظيم

فعلاً المعاملة بالدين والاخلاق
بس ولا الدين ولا الاخلاق بيقولو تسيب مكانك لواحد يركن عربيتة وانتا تركن عند الناس
وترجع من مشوارك تسيب عربيتك فى مكان مش امن معرضة للخبط والاحتكاك ولو محصلش تلاقي جارك رمالك عليها زبالة علشان متركنهاش عندو تاني

وفى النهاية فى جراجات لاي حد مش لاقي ركنة وميفرضش على حد حق مش حقه

**أحمد جودة** · 18-05-2013 03:57 PM

وعلي فكرة با جماعة الخناقات اللى زي دي مبتكونش بسبب الحاجات التافهة دي ولا حاجة دي بتبقي نتيجة تراكمات بسبب خلافات كتير وعلى مدار سنين بين العائلات
علشان انا من حلوان واسمع عن المشاكل دي

**monamize4** · 18-05-2013 07:49 PM

المشاركة الأصلية كتبت بواسطة eng_gouda2000

بصرحة أنتا عاوز الحق ولا أبن عمه

الراجل دة غلطان 100% دة لو فى حالة ملكية زميلنا للبيت

لان دة بيتك ومن باب أولي تركن عربيتك قدامه ومش منطقى يبقي سايب قدام بيتك لكل من هب ودب وتروح تدور على ركنة فى مكان تاني
أعذرني على ردي علشان بعاني من نفس المشكلة
بس أنا منطقتي كلها عرفت شكل عربيتي خلاص ومحدش يجروء يركن قدام بيتي مكان عربيتي يبقي جابو لنفسه يبقي مش هيروح شغله تاني يوم الصبح

والله بفكر اعمل حواجز حديد امام العربية وخلفها علشان الضيوف كمان اللى مش من المنطقة

تقبلو تحياتي حبيت أشارك

المشاركة الأصلية كتبت بواسطة eng_gouda2000

ايوة اخي العزيز معايا عقد ملكية علشان والدي لما اشتري الارض وبني عليها البيت كان سايب مترين بطول الواجهة فمن حقي استغلة
وأنا عند رأيي مش بمبدأ فرض الرأي بالقوة ولاكن إعمالا بروح المنطق

لما بيجي ضيف فى منطقتي عندي استعداد اخليه يركن مكاني واحنا بنعرف نكرم ضيوفنا كويس

ماهو حضرتك مجربتش ترجع بالليل متأخر ومعاك مراتك واولادك نايمين فى العربية ومعاك شنط كتير
وتلاقي واحد بارد راكن مكانك وهوة عارف أنه بيتك ومكانك

أنا بتعامل بمبدأ تحترمني أحترمك
تقل أدبك أوريك مقامك ومتنساش وخصوصاً فى المناطق الشعبية ناس كتييييييييييييير لو احترمتها مممكن تهينك ولو اديتها على دماغهم يحترموك

دة مجرد رأي وللاسف هوة دة حال بلدنا دلوقتي

وفي النهاية ربنا يستر طريقنا جميعا

انت راجل برنس و انا متفق معاك من هنا لحد الصبح ف اللى انت قولته

و فعلا الواحد بيرجع من المستشفى ف عز الضهر و الطريق واقف و ابقى نفسى ارمى العربية ف وسط الشارع و اطلع انام و رغم كدة الاقى واحد غريب عن المكان و سايب عربيته تحت البيت بمنتهى البرود

**khalid_adel** · 19-05-2013 05:49 PM

ياجماعه انتو فهمتو الموضوع غلط
طبعا لو حد من سكان الشارع وعارف ان فلان الفلاني دي عربيته وده المكان اللي بيركن فيه خلاص يبقي عيب فعلا لو ركن مكانه وكده مش محترم جاره
لكن انا قصدي في الموقف بتاع العضو والاخ syd ده واضح تماما ان الراجل ده غريب وضيف يعني ساعه ولا اتنين وماشي وفعلا ميعرفش ان ده مكان ناس وبكل لطافه وحسن نيه بيقولك اطلع قدام ولا ارجع ورا تقوله وتتنرفز عليه ليه
انا لما بروح مكان غريب والاقي حد بيقولي كدا بقوله انا ضيف عندكو وساعه ولا اتنين وماشي قولي بقي ممكن اركن فين ولو تحب امشي خالص عادي ولا يهمك (بهزار ولطافه) بلاقيه بيقولي اتفضل وبراحتك ومنور وكلام جميل كده (الكلمه الطيبه صدقه) لو رخم بقي وقالي لا امشي من هنا اقوله ماشي ياسيدي ولا يهمك بس هو انتو بتعاملو الضيوف عندكو كده (احرجه بالذوق بقي) ساعتها ممكن يلين او يدلني علي ركنه تانيه لو مفيش فايده ولا راجل كبير خلاص حمشي اكيد مش حركن عافيه خاصه في منطقه معرفهاش
بس في الغالب الحلول او الطريقه دي بتجيبلي راكنه وكله بالحب وفعلا الكلمه الطيبه صدقه وتخلي الناس تشيلك علي راسها من فوق

**M I D O** · 19-05-2013 06:49 PM

لا حول ولا قوة الا بالله العلي العظيم احنا وصلنا للدرجة دي !! ربنا يتولانا برحمتة

**أحمد جودة** · 20-05-2013 09:26 AM

المشاركة الأصلية كتبت بواسطة aliabdo

الشارع ملك للجميع لو ليك مترين فى الارض برضو ميدكش حق انك تقفلهم عشان انت مش سايبهم بمزاجك و لو كنت تقدر تبنى فيهم كنت بنيت فالشارع برضو مش من حقك بس العرف بيقول انك اولى تركن قدام بيتك انت اولى بس لو حد ركن قدامك و هو ميعرفش متجيش تفسى له كوتش عربيته مثلا
للاسف كل الشوراع دلوقتى قدام البيوت فى حديدو قدام المحلات حطين كراسى و صفايه فاضيه عشان محدش يركن قدامه لو فى محاليات شغاله كل الزباله دى حتتشال
للاسف محدش بقى عارف ايه الى ليه و ايه الى عليها و بقت كلها ماشيه بلطجه على بعض ربنا يرحمنا

معاك يازميلي لو اللي ركن ضيف وميعرفش أشيله على دماغي واحنا كرمة جدا
اما اللي ركن يكون من المنطقة وعارف ان دة مكاني اشيله بردو على دماغي بس ارزعة فى الارض ههههههههههههه بهزر عارف بعمل معاة اية بروح حاطط عربيتي لصق فى ضهر عربيته يبقي اتقفل عليه من ورا ومن قدام واروح قافل تليفوني واطلع انام مرة ومش هيكررها تاني

والله أنا بقول كدة من غلبي
بقولك عيش الموقف دة لما تبقي راجع بالليل متأخر وتعبان من المشوار ومعاك ولادك وشنط ونفسك تركن وتطلع تنااااااااااااااااام وتلاقي واحد بارد وأبن تيييييييييييييت ناطط مكانك وعاملها استعباط واستهبال

-

الموضوع: مشاجرة بسبب ركن سيارة مصرع شخص واصابه 11 في حلوان

LinkBack

أدوات الموضوع

عرض

-

-

-

-

-

-

-

المواضيع المتشابهه

مصرع 5 واصابه عشرين بانقلاب اتوبيس بشرم الشيخ

مصرع شخص واصابه 8 في انقلاب سيارة شرطة

عاجل مصرع شابين بمترو انفاق حلوان محطة الملك الصالح وتوقف حركة القطارات

الكلمات الدلالية لهذا الموضوع

المفضلات

المفضلات

ضوابط المشاركة