الموضوع: مشاجرة بسبب ركن سيارة مصرع شخص واصابه 11 في حلوان

وانت عرفت نية الناس يا مهندس جوده! انه راكنها رخامة ولا تعب وركنها في الشاررع مش في جراج بيتك...المفروض نلتمس العذر للناس كما اوصانا الحبيب صلي الله عليه وسلم

المشاركة الأصلية كتبت بواسطة eng_gouda2000

بصرحة أنتا عاوز الحق ولا أبن عمه

الراجل دة غلطان 100% دة لو فى حالة ملكية زميلنا للبيت

لان دة بيتك ومن باب أولي تركن عربيتك قدامه ومش منطقى يبقي سايب قدام بيتك لكل من هب ودب وتروح تدور على ركنة فى مكان تاني
أعذرني على ردي علشان بعاني من نفس المشكلة
بس أنا منطقتي كلها عرفت شكل عربيتي خلاص ومحدش يجروء يركن قدام بيتي مكان عربيتي يبقي جابو لنفسه يبقي مش هيروح شغله تاني يوم الصبح

والله بفكر اعمل حواجز حديد امام العربية وخلفها علشان الضيوف كمان اللى مش من المنطقة

تقبلو تحياتي حبيت أشارك

الشارع ده ملكيه عامه مش بيتباع مع البيت سعاتك وبعدين هو حضرتك لما بتروح الشغل مش بتركن في الشارع قدام بيوت ناس تانيه ولا بتاخد ركنتك معاك ولما بتروح تشتري حاجه من اي حته ولا رايح تزور حد بتعمل ايه بتلم العربيه وتحطها في جيبك ولا بتسبها قدام بيتك وبتاخدها مواصلات
يارب الناس تفهم يعني ايه ملكيه عامه
حضرتك لو كل واحد هيركن عربيته قدام بيته بس يبقى كلنا مش هنتحرك بالعربيات اصلا وهنقضيها مواصلات

اللي فاقعني مش الناس الي ماتت و هتقابل ربنا رفعت سلاح علي مسلمين زيهم الي هيجنني الناس الي بتحلل لنفسها ملكيه عامه الشارع اتعمل عشان كل الناس كونك ساكن هنا ميدكش الحق في سرقه مال عام و تخصيصه لنفسك منفعه شخصيه و لو بنتكلم من منطلق ديني مفيش دين بيستبيح تحويل المنفعه العامه لشخصيه.

انا بدعي ربنا ياخد حق الناس من كل مغتصب

المشاركة الأصلية كتبت بواسطة mazagangee

طيب و اللي بيركن في مدخل جراج و يسيب عربيته لتاني يوم الصبح ... اعمل فيه ايه ؟

اما كرهت مدينة نصر بسبب الركنة مع ان عندي مكان في الجراج

لا يا باشا اللي عاوز يركن في اي مكان حقه ومحدش يقدر يمنعوا
لكن الل يركن قدام مدخل جراج ولا يقف صف تاني ويقفل عليك ده بقى لازم تعمل معاه الواجب وتتوصى كمان عشان ده بني ادم بارد ولازم يتظبط عشان ميعملش كده تاني ويعرف ان كده تعدوا على حقوق الناس

المشاركة الأصلية كتبت بواسطة ahmed.ali

اللي فاقعني مش الناس الي ماتت و هتقابل ربنا رفعت سلاح علي مسلمين زيهم الي هيجنني الناس الي بتحلل لنفسها ملكيه عامه الشارع اتعمل عشان كل الناس كونك ساكن هنا ميدكش الحق في سرقه مال عام و تخصيصه لنفسك منفعه شخصيه و لو بنتكلم من منطلق ديني مفيش دين بيستبيح تحويل المنفعه العامه لشخصيه.

انا بدعي ربنا ياخد حق الناس من كل مغتصب

امين
يا يهديهم يا ياخدهم عشان الواحد يستريح