كيا وهيونداي تعتبران الغماز ...... كماليات

**Ahmed_Adham** · 22-05-2013 06:10 PM

المشاركة الأصلية كتبت بواسطة syd

انهي واحدة فيهم ؟؟؟

أنا بتكلم بشكل عام عن أي عربيه بس عندي في المرايه.

**Samir Elshahawy** · 22-05-2013 06:14 PM

أخي العزيز سيد :

تصميم العربيات لازم يكون فيها أضائة جانبية و التصميمات الحديثة فيها و لكنها مدمجة مع الانوار الامامية و الخلفية

لو تلاحظ مثلا أنوار كل من :
- الكورولا
- الفلوينس
- الفور
- الالنترا
- السيراتو

هتلاحظ أن النور الخلفي و الامامي ممتد علي جانبي السيارة و بالتالي أثناء اضائته ليلا بيكون محدد أطراف العربية من الجانب و ده المطلوب أن اللي جاي من الجنب يشوف نور العربية

و الصورة بتوضح اللي اقصده و الالنترا كمثال (طبعا لأني منسق هيونداي - ههههههههه)

**khmshry** · 22-05-2013 06:37 PM

انا معايا نيواكسنت وعندي غمازأت وعربيتي مانيوال 2010

**S O P H O S** · 22-05-2013 07:11 PM

مظبوط
لكن المشكلة ان الكيا موجودة مثلا لكن السيات قليلة (موديلات حديثة)
تبقي بتدور علي صناعة متميزة لحد ما تتعب او تنسي

**ahmed_h_g** · 22-05-2013 07:15 PM

المشاركة الأصلية كتبت بواسطة syd

أزيك يا احمد بيه

فعلا التصميم هو الأساس
لو انا عامل حسابها في الرفرف - مش هتضطر انزلها في المراية وكأنها cover صيني من ابو 15 جنيه زي اللي بينزل في الألنترا

بس معلش ليا تحفظ علي الأستخدام المزدوج لفانوس الأشارة الأمامي
طب ماهو معظم العربيات الفانوس الأشارة الأمامي واخد دوران الرفرف وبيبان من الجنب - بس هذا لا يمنع وجود غماز
دي معايير يا باشا - ما ينفعش اضحك عليهم واقول ماهو باين اهو
لازم وجود فانوس اشارة (غماز) حتي لو الأشارة الأمامية باينة من الجنب

بص يا باشا
انا مقتنع 100% ان الشركات الكورية بالذات (اليابان والصين مش بدرجة كوريا) خالفت جميع الأعراف والمعايير في مقابل الشكل وتقليل التكلفة

طب يعملوا حتي زي الساجا
حتة دايرة (حتي لو صغيرة) بس يغزوا بيها عين الشيطان

تحياتي

الكورى دايما" بيتسرع ومش بيحسبها صح علشان يلحق يحرق تصميم بتصميم جديد ومبيعملش أختبارات جامده زى الشركات العاليه بيصمم ويرمى علينا وأحنا نشترى وبس

**khaabas** · 23-05-2013 12:38 AM

المشاركة الأصلية كتبت بواسطة matantawy

يا باشا ولا يهمك، اصلا الكورى حرام ... محدش يجيب كورى بقى
فينك يا Khabbas ناخد وقف سوا هههههههع

شبيك لبيك Khabbas بين ايديك ههههههههههههههههههههههههع
يا باشا ولا تهتم لو كانت الموضوعات دى بتجيب نتيجة مكنش حد فى مصر ركب معشوقتنا هيونداى
أحبيبتى يا هيونداى

قال غمازات قال

وفعلا بلاش حد يركب كورى لان الكورى اصلا حرام ههههههههع

**khaabas** · 23-05-2013 12:42 AM

المشاركة الأصلية كتبت بواسطة syd

ياااااااه
اخيراً فاقوا في 2013 ؟؟
وعشان طبعاً تكاليف الأنتاج ماتأثرش علي هامش الربحية حطوها في المراية كحل ارخص

لأ موجود فى الموديلات اللى قبل كده
بس للاسف موضوعك موش موضوعى وحيادى بالمرة :b4_592:

**mahmoud_afifi** · 23-05-2013 12:49 AM

موضوع الغمازات عشان التصميم والكلام ده كلام مالهوش اساس من الصحه لأن الهيونداي النترا HD بتنزل بره بغمازات في الرفرف سواء في الهاي لاين او البيز لاين.

دي المواصفات الي بيطلبها الوكيل الجعان بتاعنا. واضافه بسيطه ان النترا HD في مصر ابتدوا يحطوا المرايا الي بإشاره في موديل 2011 فقط ومش في اول فئه كمان !

**SYD** · 23-05-2013 02:06 AM

المشاركة الأصلية كتبت بواسطة Samir Elshahawy

أخي العزيز سيد :

تصميم العربيات لازم يكون فيها أضائة جانبية و التصميمات الحديثة فيها و لكنها مدمجة مع الانوار الامامية و الخلفية

لو تلاحظ مثلا أنوار كل من :
- الكورولا
- الفلوينس
- الفور
- الالنترا
- السيراتو

هتلاحظ أن النور الخلفي و الامامي ممتد علي جانبي السيارة و بالتالي أثناء اضائته ليلا بيكون محدد أطراف العربية من الجانب و ده المطلوب أن اللي جاي من الجنب يشوف نور العربية

و الصورة بتوضح اللي اقصده و الالنترا كمثال (طبعا لأني منسق هيونداي - ههههههههه)

بشمهندس سمير
أزي حضرتك
انا والله كنت متردد وانا بعمل الموضوع وخايف تفهمني غلط وان تعتبره هجوم علي هيونداي
بس الحق أحق ان يتبع
والنقد طالما في حدود اللياقة مافيهوش زعل

حضرتك بتتكلم عن موديلات أقدم واحدة فيهم موديل 2010-2011

العجيب ان دي السياسة من موديلات التسعينيات

شوف الصور دي
كلها موديلات 94

دة بالنسبة لهيونداي

اما عن كيا
بردو موديلات 94

2002

من خلال بحثي عن الصور
وجدت ان بعض الموديلات لنفس السيارات فيها غماز والبعض الأخر (ودة اللي انا حاطط صورته) بدون غماز

السؤال
ليه ؟؟؟؟

وبص هنا
الفانوس بردو ممتد لأطراف السيارة
ومع ذلك يوجد غماز

عندك شك ان مصنعي العربيات دي بيعملوا حاجة مالهاش لازمة ؟؟؟؟