كيا وهيونداي تعتبران الغماز ...... كماليات

**SYD** · 23-05-2013 02:10 AM

المشاركة الأصلية كتبت بواسطة s o p h o s

مظبوط
لكن المشكلة ان الكيا موجودة مثلا لكن السيات قليلة (موديلات حديثة)
تبقي بتدور علي صناعة متميزة لحد ما تتعب او تنسي

ان شاء الله هتلاقي طلبك

**SYD** · 23-05-2013 02:36 AM

المشاركة الأصلية كتبت بواسطة khaabas

قال غمازات قال

وفعلا بلاش حد يركب كورى لان الكورى اصلا حرام ههههههههع

حضرتك داخل تتهكم ولا داخل تناقش ؟؟؟

انا في البداية موضوعي بيسأل هل الغمازات كماليات ولا ضرورة ؟؟؟

عشان انا ماشوفتهاش غير في الهيونداي والكوري عموماً
فقولت يمكن ليهم وجهة نظر مختلفة عن باقي المصنعين
يمكن عدم وجود standard في الصناعة وجهة نظرهم
ازاي عربيتين من نفس الجيل - واحدة منهم بغماز والتانية من غير ؟؟؟
ازاي حاجة بتعتبر من ضروريات القيادة الأمنة مش موجودة في بعض موديلاتهم ؟؟؟

بدل ما تتريأ علي الغماز وتقول "قال غماز قال" اسأل نفسك
ليه عملوها - ايه الفايدة منها - مهمة فأيه ؟؟؟

وبالمرة اسأل نفسك
ليه لحد النهاردة مفتاح العربية بتاعتك شبه مفتاح درج المكتب ؟؟؟ مفتاح صغنون اوي بفتكره مفتاح درج كل لما اشوفه - دة يا راجل مفتاح باب الشقة النهاردة بقي كومبيوتر
ليه مافيش ايموبلايزر ؟؟؟ ولو موجود (بالطلب) ليه مش استاندارد سنة 2013 - رغم انه تجهيز اساسي من منتصف التسعينيات في الأوروبي ؟؟
ليه مفيش ايرباجز ؟؟؟

لكن مفيش داعي للتهكم علي بعض وننظر للموضوع نظرة سطحية ونمسك في الغماز ونسيب الغرض من الموضوع
وهو السؤال عن عدم الأهتمام بالضروريات كسائر المصنعين
او بشكل أخر - عدم توحيد التصميم في الجيل

عارف دة بيفكرني بأيه ؟؟
لما يكون صنايعي شغال ويجيله واحد بيه مهم يقوم يشتغل زي ما قال الكتاب
ولما يجيله واحد علي قد حاله - يكروته ويشتغل اي كلام

تحياتي

**SYD** · 23-05-2013 02:51 AM

المشاركة الأصلية كتبت بواسطة khaabas

لأ موجود فى الموديلات اللى قبل كده
بس للاسف موضوعك موش موضوعى وحيادى بالمرة :b4_592:

وفين التحيز ؟؟؟
وليه مش موضوعي ؟؟؟
هو انا بألف من دماغي ؟؟ ولا دة واقع كلنا شايفينه ؟؟
حضرتك اللي مش لاقي ردود مقنعة
مرة تتهكم عليا ومرة تقول مش موضوعي - طب ماتناقشني - الحجة بالحجة والدليل بالدليل
الناس كلها بتناقش وبتجيب صور
علي فكرة الموضوعات اللي زي كدة بتزود الوعي عند المشتري والمالك لسيارة معينة
بتعرف الناس معلومة ممكن يكون مايعرفهاش

تحياتي لحضرتك مرة تانية

**SYD** · 23-05-2013 02:52 AM

المشاركة الأصلية كتبت بواسطة mahmoud_afifi

موضوع الغمازات عشان التصميم والكلام ده كلام مالهوش اساس من الصحه لأن الهيونداي النترا hd بتنزل بره بغمازات في الرفرف سواء في الهاي لاين او البيز لاين.

دي المواصفات الي بيطلبها الوكيل الجعان بتاعنا. واضافه بسيطه ان النترا hd في مصر ابتدوا يحطوا المرايا الي بإشاره في موديل 2011 فقط ومش في اول فئه كمان !

يا باشا ماهو دة مربط الفرس
المبادئ لا تتجزء
وفين التوفير في الغاء الغماز ؟؟؟
وليه الغيه في مصر ؟؟؟
انا معاك ان السبب مالوش اي علاقة بالتصميم - لأن البديل موجود - وهو وضع اشارة في المراية
وبالعكس دي بتدي شياكة اكتر لو اتعملت صح زي أودي وفولكس وسيات وفولفو ومرسيدس
هي الفكرة في الألغاء وخلاص

شكراً علي مناقشتك الموضوعية الراقية

**mahmoud_afifi** · 23-05-2013 01:48 PM

المشاركة الأصلية كتبت بواسطة SYD

يا باشا ماهو دة مربط الفرس
المبادئ لا تتجزء
وفين التوفير في الغاء الغماز ؟؟؟
وليه الغيه في مصر ؟؟؟
انا معاك ان السبب مالوش اي علاقة بالتصميم - لأن البديل موجود - وهو وضع اشارة في المراية
وبالعكس دي بتدي شياكة اكتر لو اتعملت صح زي أودي وفولكس وسيات وفولفو ومرسيدس
هي الفكرة في الألغاء وخلاص

شكراً علي مناقشتك الموضوعية الراقية

مبدأياً الحاجات الي احنا شايفينها بسيطه ومش شايفين فيها توفير, الوكيل بيشيلها وبتحققله مكاسب حتى لو صغيره (وكيل معفن حسبي الله ).
حضرتك عارف ان لمبة الcheck engine مش موجوده ؟ قولي بقى ايه التوفير في حتة لمبه لا راحت ولا جت ومهمه زي دي ؟ (مش هكلمك عن الايرباج والabs الي مش موجودين)
صدقتني ان الناس الي بتحكم على الهيونداي الي في مصر ظالمين الماركه دي بسبب توكيل حقير ؟
وانا معاك ان وجود الغماز مهم جدا بغض النظر عن الشياكه وانا كمالك للعربيه نفسي اخرم في الرفرف واركب غماز بس الصنايعيه في مصر ممكن يبوظوا الرفرف او الغمازين مايبقوش في نفس المكان

اصل انا محسوك :)
وطبعا الاسهل اني اركب المرايا الي فيها اشاره بس غاليه وهتتكسر لا محاله في البلد الجميله دي :)

تحياتي

**SYD** · 24-05-2013 01:49 AM

المشاركة الأصلية كتبت بواسطة mahmoud_afifi

مبدأياً الحاجات الي احنا شايفينها بسيطه ومش شايفين فيها توفير, الوكيل بيشيلها وبتحققله مكاسب حتى لو صغيره (وكيل معفن حسبي الله ).
حضرتك عارف ان لمبة الcheck engine مش موجوده ؟ قولي بقى ايه التوفير في حتة لمبه لا راحت ولا جت ومهمه زي دي ؟ (مش هكلمك عن الايرباج والabs الي مش موجودين)
صدقتني ان الناس الي بتحكم على الهيونداي الي في مصر ظالمين الماركه دي بسبب توكيل حقير ؟
وانا معاك ان وجود الغماز مهم جدا بغض النظر عن الشياكه وانا كمالك للعربيه نفسي اخرم في الرفرف واركب غماز بس الصنايعيه في مصر ممكن يبوظوا الرفرف او الغمازين مايبقوش في نفس المكان

اصل انا محسوك :)
وطبعا الاسهل اني اركب المرايا الي فيها اشاره بس غاليه وهتتكسر لا محاله في البلد الجميله دي :)

تحياتي

للأسف الناس فاكرة ان لما الواحد ينتقد سيارتهم انهم بيهينوهم او بيحسروهم علي اختيارهم وشرائهم للسيارة
بس الفكرة ان لما الوعي يزيد عند الناس هيقدروا يقرروا صح
وساعتها الوكيل لازم يغير تفكيره - من انه بيتعامل مع ناس مش فاهمة المضمون ويتدور علي الشكل
لناس بتفهم وعارفة هي بتحط فلوسها فين

معظم الناس النهاردة ايقنت ان فعلا الأوروبي افضل بدون شك
وثقافة سعر قطع الغيار - والحجة اللي خلاص مالهاش وجود في 2013 ان الكوري قطع غياره ارخص طلعت باطلة والتجربة اثبتت ان الكوري 2013 قطع غياره ان لم تكن في نفس سعر الأوروبي فهي اغلي منه

ممكن حجة قطع الغيار دي تنطبق علي لانوس 99 او اكسنت 95

وكل يوم يطلع حد يقولك انا ندمان اني بيعت عربيتي الأوروبي المستعملة وجبت اسيوي جديد

شكرا علي المناقشة الراقية

تحياتي

**mahmoud_afifi** · 24-05-2013 02:32 AM

المشاركة الأصلية كتبت بواسطة SYD

للأسف الناس فاكرة ان لما الواحد ينتقد سيارتهم انهم بيهينوهم او بيحسروهم علي اختيارهم وشرائهم للسيارة
بس الفكرة ان لما الوعي يزيد عند الناس هيقدروا يقرروا صح
وساعتها الوكيل لازم يغير تفكيره - من انه بيتعامل مع ناس مش فاهمة المضمون ويتدور علي الشكل
لناس بتفهم وعارفة هي بتحط فلوسها فين

معظم الناس النهاردة ايقنت ان فعلا الأوروبي افضل بدون شك
وثقافة سعر قطع الغيار - والحجة اللي خلاص مالهاش وجود في 2013 ان الكوري قطع غياره ارخص طلعت باطلة والتجربة اثبتت ان الكوري 2013 قطع غياره ان لم تكن في نفس سعر الأوروبي فهي اغلي منه

ممكن حجة قطع الغيار دي تنطبق علي لانوس 99 او اكسنت 95

وكل يوم يطلع حد يقولك انا ندمان اني بيعت عربيتي الأوروبي المستعملة وجبت اسيوي جديد

شكرا علي المناقشة الراقية

تحياتي

معاك حق. انا عن نفسي مش بدافع عن باطل. والجديد كله سعره غالي وسعر قطع الغيار اغلى من ماركات تانيه اوروبي.
وانا مثلا لما جيت اشتري كنت بشوف حاجه تناسب الميزانيه مش بدور على المواصفات لأني ساعتها الوعي بالنسبه للحاجات دي ماكنش زي دلوقتي. ومتهيألي نفس الوضع لناس كتير زيي لذلك التوكيلات هيجي عليها وقت وهتفلس لأن ثقافة الناس ابتدت تتغير تدريجيا والناس بقت تدور على الامان مش بس الشكل. بس برضه الكوري مش سئ للدرجه المهوله الي في ناس كتير متخيلاها !!
يعني مش مقلب قوي
وفي الاخر مفيش حد بيتعلم ببلاش

وشكرا لحضرتك على المناقشه مع اننا روحنا بعيد عن الغمازات

**SYD** · 24-05-2013 03:23 AM

المشاركة الأصلية كتبت بواسطة mahmoud_afifi

معاك حق. انا عن نفسي مش بدافع عن باطل. والجديد كله سعره غالي وسعر قطع الغيار اغلى من ماركات تانيه اوروبي.
وانا مثلا لما جيت اشتري كنت بشوف حاجه تناسب الميزانيه مش بدور على المواصفات لأني ساعتها الوعي بالنسبه للحاجات دي ماكنش زي دلوقتي. ومتهيألي نفس الوضع لناس كتير زيي لذلك التوكيلات هيجي عليها وقت وهتفلس لأن ثقافة الناس ابتدت تتغير تدريجيا والناس بقت تدور على الامان مش بس الشكل. بس برضه الكوري مش سئ للدرجه المهوله الي في ناس كتير متخيلاها !!
يعني مش مقلب قوي
وفي الاخر مفيش حد بيتعلم ببلاش

وشكرا لحضرتك على المناقشه مع اننا روحنا بعيد عن الغمازات

انا كمان متهيألي كدة
أما احترام العميل وتغيير الثقافة - أما الأستثمار في اي دولة تانية مافيهاش نايل موتورز

تعرف ان مصر من اكبر الدول الجاذبة لمصنعي السيارات من نوعية هيونداي
لأن الزبون مش فاهم حاجة وبيقيم العربية بأسس غريبة

راحو الكوريين ولاد الجنية اول لما فهموا كدة - قالك خد عندك يا معلم
اول مانزل - نزل بالاكسيل
وخلي قطع غيارها ببلاش (ماهي ناس متعودة علي ال31 واللادا وال504)
وراح مديك كماليات ماتحلمش بيها (وقتها طبعا كان اقصي كماليات التكييف والزجاج الكهرباء) وكان مستوي تجهيزها لا يختلف عن الياباني (الكورولا اللواءات والنيسان صني) وبسعر منافس جدا
خلصت الاكسيل - نزل بالاكسنت - يااا بووووووووووي دي عربية حكاية
بعدها نزلت اللانوس - سنة 97 - كانت منافس قوي لمحتكر السوق هيونداي
حتي كيا سيفيا 1 ماعرفتش تسد قصاد اجتياح هيونداي وماحققتش بيع زي اكسيل 95-96
ولما نزلت سيفيا 2 - بدل ماتكحلها عميتها - خامات اسوء واشتهرت بانها عربية بتجري ومابتوقفش - لسوء فراملها
بس الشوما 99 ظبطت الأداء - ودة اكبر دليل علي عدم وعي المصري الغلبان
لأن الشوما ما هي الا سيفيا في ثوب جديد
رغم انها باينة اوي لغير المتخصص

هيونداي استعادت نشاطها مجدداً بالحصان الرابح حتي 2013 - الفيرنا المعجزة
بتتباع في مصر من 2003 لحد 2013
أشي خيال يا ناس

عايز وكيل يغير ثقافته في بلد شعبها ثقافته فيها مشكلة
طب قولي اعمل ليه ايموبلايزر في بلد كل ما عربية تتسرق مبيعاتها تزيد
تعالي لمبيعات سيراتو 2010 - 2011 - 2012
هتلاقي مبيعات بعد الثورة اكتر من مبيعات قبل الثورة
حصلتها اختها الغير شقيقة النترا ومع ذلك الحجوزات الله ينور
حد فكر يقترب من رينو ولا بيجو ولا فولكس ولا فورد ولا ولا ولا
ربنا يحميهم اجمعين

فعلا الموضوع خرج عن الغمازات - بس بيدور في نفس الفلك - نقص الضروريات والأهتمام بالكماليات

تحياتي

**SYD** · 24-05-2013 03:31 AM

وعارف ليه الوكيل بيعمل كدة في عربياته
هو مش عايز يخليها اقل من غيرها - ولا نفسه اننا نقول الكلام دة ونعمل تقارير وموضوعات بتتكلم عن فقر الكوري في الضروريات
بس للأسف انه لو عمل زي الأوروبي وصنع بنفس الكوالتي ونفس مستوي التجهيزات وعوامل الأمان
هتبقي عربيته اغلي من الأوروبي
التكنولوجيا مش ببلاش
لكن الكاسيت التاتش والبلوتوث ارخص وشكله اجمل وهو اللي باين للزبون - لكن حساس abs مستخبي ومش ظاهر ولونه مش ازرق فضائي

وساعة لما الكوري يبقي بثمن الأوروبي - كل واحد هيدور علي معشوقته الي ماعرفش يوصلها ولكنه قدر يجيب المسخ بتاعها بسعر اقل
وساعتها المبيعات هتتأثر بشكل خيالي ودة هينعكس علي السوق لأن وقتها ناس كتير مش هتقدر تركب زيرو

لكن هو مبسوط كدة
وبيقنع نفسه ان عربيته حققت معادلة اصعب من الأوروبي
رغم انه لو حب يركب عوامل الأمان بتاعة الأوروبي في الكوري هيلاقي نفسه كلف عربيته اكتر من الأوروبي

مش عارف وصلتك وجهة نظري وتحليلي ولا لاء

-

الموضوع: كيا وهيونداي تعتبران الغماز ...... كماليات

LinkBack

أدوات الموضوع

عرض

-

-

-

-

-

-

-

المواضيع المتشابهه

علاقه كيا وهيونداي

هوندا سيتي وهيونداي النتراوشيفروليه كروز

مقارنة هامة للمتخصصين في كيا وهيونداي

مقابلة فيات وهيونداي

مقارنة ساخنة بين سكودا وهيونداي

الكلمات الدلالية لهذا الموضوع

المفضلات

المفضلات

ضوابط المشاركة