السيارات الصينى حتغرق السوق المصرى

**فادى** · 23-08-2008 04:26 PM

المشاركة الأصلية كتبت بواسطة ams

كلام جميل
طيب
انا عاوز مقارنه بين
الشاهين2008 1400 cc
و الاسبيرانز ايه 516 (شيرى ايه5) 2008 1600cc
من كل الجوانب الممكنه عشان يبقى كلامنا موضوعى

اخترت العربيتين دول اولا عشان تقارب السعر و كل واحده تمثل شىء مهم بالنسبه للمصرى

تعالى نقارن و ماله مع اننى ارفض أن يتم مقارنة سيارة عريقة و قوية مثل الشاهين بسيارة مقلدة و مغشوشة مثل الاسبيرانزا,
الشاهين دفع خلفى, توزيع وزن مدروس, و رغم ارتفاعها عن الأرض, الا أنها تقدم ثباتا مرضيا فى المنحنيات بفضل قسوة التعليق و ذكاء التصميم,
المحرك قادم من فيات احدى أفضل الشركات التى تصنع المحركات فى أوروبا, و هى بلا منازع و كما اشتهر عنها, أفضل من يصنع محركات التربو ديزل فى أوروبا, و من أفضل الشركات التى تصنع محركات البنزين.
المحرك مرن و متجاوب مثل كل المحركات الايطالية, و مرتفع الصوت أيضا, لتعزيز الطابع الرياضى.
عيوبها الافتقاد للتجهيزات و الراحة بعض الشىء.
الاعتمادية معروفة عن هذه السيارة و قوة احتمالها ليست محل جدال.

الاسبيرانزا :
تصميم سىء يتضح بمجرد النظر اليها, محرك مجهول المصدر لا نعرف هو مسروق من أى سيارة, شاسيه قد لا يصمد أمام الطرق المصرية, محرك ضعيف كما سمعت من العديد من ملاكها, و تعانى دائما عند صعود الكبارى, و هى السيارة الوحيدة التى ستعلمك تجنب استخدام الكبارى و غيرها من منجزات البنية التحتية, و سوف تضطر الى السير فى الميادين و الطرق الفرعية للوصول الى وجهتك, و طبعا سوف تدعى ربك ألا يضع فى طريقك مطب ما أو غير ذلك من العوائق التى لن تستطيع تجاوزها بسهولة,
غالبا سوف تحتاج السيارة الى تغيير معظم مكوناتها بعد فترة قصيرة, و سوف تجد نفسك فى سيارة قديمة بعد ال20 ألف الأولى, كما أن قطع الغيار الأصلية "صينى".
و بعد 5 سنين سوف تضطر الى تكهين السيارة(غالبا لن تجد من يشتريها منك), و سوف تقوم ساعتها بشراء شاهين 1400 فاضية مستعملة, أو 128 استعمال طبيب, أو لادا زيرو!

**yrkl** · 26-08-2008 03:37 PM

نصيحة ، لا تشتروا السيارات الصينى ،
هل فكر أحدكم لماذا لا توجد السيارات الصينية الصنع فى أوروبا وأمريكا؟
السبب بكل بساطة أنها غير مطابقة لأى مواصفات للسلامة والأمان فى هذه الدول التى تحترم آدمية الإنسان.
لقد بحثت عن سبب عدم وجود أى من الماركات الصينى الموجودة فى مصر بالأسواق الأوروبية والأمريكية حتى عثرت على موقع خاص بنادى السيارات الألمانى ADAC وقد هالنى ما قرأت فيه عن نتائج إختبارات التصادم فى ألمانيا للسيارة البريليانس جالينا والتى تعتبر من أفخم وأكبر وأقوى وأغلى السيارات الصينية بالسوق المصرى ، وفقد رسبت السيارة فى هذا الاختبار بجدارة وكان عنوان المقال بالإنجليزية كالآتى:
Brilliance BS6 failed misirably in German crash test
وقد أرسلت اللينك لكل الجرائد الحكومية محذراً ولكنهم تجاهلوا نشر التحذير لكونهم مستفيدين من الإعلانات ولا عزاء لمستخدمى هذه السيارات.
أكرر تحذيرى وربنا يرحمنا جميعاً

**yrkl** · 26-08-2008 03:45 PM

إلى من يهمه الأمر
هذا هو اللينك الذى تحدثت عنه فى مداخلتى السابقة:
http://www.autoblog.com/2007/06/22/b...-anything-but/

مع تحياتى وتقديرى

**Ramy.Gamal** · 26-08-2008 04:10 PM

كفايه سرقه التصميمات وردائه صناعتهم فى كل المنتجات حتى فى الطائرات الحربيه صناعتهم رديئه وكأنهم يستخسروا ان يضعوا فى اى صناعه مواد خام محترمه ونظريه ان عندهم درجات جوده لكل بلد فى كل المنتجات مش هتنفع فى السيارات لانها من الصناعات الثقيله مثل صناعه الدبابات والطائرات التى لا ينفع معها نظريه على اد فلوسك هنبعتلك جوده وفعلا كل اختبارات التصادم بتاعت البريليانس اللى هى اقوى واحسن عربيه فى الصينى على اليوتيوب كاتبين الكارثه الصينيه فما بالكم بالانواع التانيه

**MOHAMED ABD EL SHAFY** · 27-08-2008 11:40 AM

المشاركة الأصلية كتبت بواسطة sab3aawy

هحكيلكم حكاية بسيطة جدا حصلت لى من كام شهر

راح باعتلى شدادين صينى وقال لى ان حسابهم 75 جنيه، رجعت له صبى الميكانيكى تانى وقلت له قول له ان الحاجة دى رايحة لباشمهندس خالد، عيب تبعت له قطع غيار صينى انت عارف هو بيشترى انهى قطع غيار. راح تاجر قطع الغيار مرجعه بشدادين اوكاب ايطالى ب 80 جنيه، يعنى بيبيع الصينى اقل ب 5 جنيه فقط من الأيطالى، طب هل ده معقول

ليا مداخلة بسيطة بالنسبة لقطع الغيار الصينى وتجربة واقعية من احد التجار بنفسة (راجل امين جدا ومحترم ) حكالى ان بعض الشركات الاوربية الكبرى فى قطع الغيار فتحت مصانع لها فى الصين لتقليل التكلفة وتنتج قطع غيار باسمها وتصدرها تانى لاوربا وورانى فعلا قطعتين مكتوب (تفتكروا كانت ايه )
كانت فولكس واجن واودى ونفس الشكل فعلا (ونفس العلبة) وكل حاجة وبفارق سعر يصل الى حوالى 40% طبعا لصالح القطع المصنعة فى اوربا
والراجل من امانتة بيحطلك القطعتين على البنك ويقولك دى اصلى اوروبى ودى صينى - اوربى

فالموضوع دا بسبب الشركات المنتجة برده انها سمحت للصين بالتصنيع

يعنى اكيد فيه حاجة اسمها موافقة من الشركة الام للتصنيع والا كانت خربت بيت الشركة الصينية

**wawoo** · 27-08-2008 09:45 PM

المشاركة الأصلية كتبت بواسطة yrkl

Brilliance BS6 failed misirably in German crash test
وقد أرسلت اللينك لكل الجرائد الحكومية محذراً ولكنهم تجاهلوا نشر التحذير لكونهم مستفيدين من الإعلانات ولا عزاء لمستخدمى هذه السيارات.
أكرر تحذيرى وربنا يرحمنا جميعاً

هو احقاقا للحق البريلينيس دى فعلا فشلت فى اختبار التصادم السنة اللى فاتت , بس هى السيارة الحقيقة نزلت السوق الالمانى و الشركة وعدت انها تعمل تعديلات فى الموديل دة لزيادة قوة تحمل التصادم و السيارة حاليا بتباع فى السوق الالمانية ,
بس المودلات اللى بتنزل مصر دى عموما لا محل لها من الاعراب و خطر جدا على المستهلك فى حالة اى حادث لا قدر الله , غير ان الموكونات الصينى مش حتعمر كتير للاسف مع الشوارع المصرية , و السيارة حتفقد كتير فى اعادة البيع ,
الحقيقة انا بحمل الجمارك مشكلة الصينى دى لان لولا الجمارك لما اقبل الناس مرغمين على شراء هذة المودلات الرخيصة .

انا كان غرضى من الموضوع دة اننا نتعامل مع السيارت الصينى على قدر حجمها بعيدا عن الدعاية و التهويل اللى بيتعمل فى السوق لمصلحة الوكلاء . اهم حاجة ان اللى بيشترى الصينى يكون عارف هوة بيشترى اية , و مينخدعش باى اقاويل او وعود من الوكلاء هذة المودلات

**M_HaFeZ** · 28-08-2008 12:59 PM

حرام والله العربيات دى تتباع
مفيش امان فيها والضحك على موضوع ال ABS - EBD طيب ماهو دول فيهم معايير كتير
سرقة علنى للتصميمات ولا ال BYD اللى سرقت (شكل) المرسيدس ال C class
وكمان زى ماهو معروف الصين بتقدم كل الامكانيات لصناعه اى منتج حتى ربع تمنه فى اليابانى مثلا
يقولك عندى زى اليابانى بالظبط ونفس الجوده اليابانى ب 120 وانا هاديلك اعلى جوده ب 90
ويقولك اوصل للمنتج ب 40 بس ... طبعا التاجر المصرى يقوله مينفعش ب 30