صوت تيل الفرامل لانسر بومه عند الركن فقط . ياترى إيه السبب ؟

**MITSUKERO** · 08-06-2013 12:02 PM

المشاركة الأصلية كتبت بواسطة halika76

ممكن فعلاً يكون ده السبب ... وأنا بركبهم سألت الصنايعى إيه رأيك فى السوست بتوع التيل قالى زى الفل ... مش عارف بقى هما زى الفل فعلاً ولا الصنايعي هو إللى زى الفل مييييح :)

شوف حد تاني يبص عليهم او اشتريهم و ياريت تجيبهم اصلي و روح قولة ركب دول

**halika76** · 16-06-2013 05:15 PM

المشاركة الأصلية كتبت بواسطة mitsukero

شوف حد تاني يبص عليهم او اشتريهم و ياريت تجيبهم اصلي و روح قولة ركب دول

شكرا على الرد .. ومتشكر لكل الأعضاء :b4_095:

**sherif zayed** · 06-01-2014 08:05 PM

يا جماعة انا عندى نفس مشكلة التيل بردة بيصفر مع انى مغيرة فى توكيل البرقان انترناشونال فى المنصورة. ودافع فية 600 جنية واتصلت عليهم فالولى دة عايز يتصنفر بس انا مش مقتنع باكلام دة وفى نفس الوقت بشوف سواد غير عادى على العجلتين اللى قدام , ياريت اسمع ارائكم لانى خايف يكون التيل بياكل فى الطنابير. مع العلم انى عربيتى بومة سوبر اكشن 2013 وانا مغير التيل عند 17 الف ودلوقتى العربية ماشية حوالى 20 الف. وشكرا

**محمد سمير حسين** · 08-01-2014 09:14 AM

المشاركة الأصلية كتبت بواسطة halika76

السلام عليكم ورحمة الله وبركاته ... بعد التحية لإعضاء المنتدى الكرام

لسه مغيير تيل الفرامل لانسر بومه من شهر وجبته من التوكيل 550 جنية وركبتهم بره والحمد لله كان فى صوت عند أى فرمله وراح لإن التيل القديم كان ع الحديدة والحمد لله لحقت الطنابر

المشكلة بقى بعد شهر بقيت بسمع صوت التزييق بتاع التيل وأنا بركن فقط ... يعني أنا بضغط فرامل وبرجع أو أطلع للأمام والعجل متجه يمين أو شمال عند الركن ...

يا ترى إيه المشكلة ؟

بص يا باشا والله اعلم لاني الحمد لله ربنا كرمني وجبت شارك 2014 وجيت في مرة كدة وانا بركن وكل ماجي استخدم الفرامل كنت بسمع صوت احتكاك اول ما بدوس علي الفرامل وبالصدفة وانا واقف في الجراج لاقيت واحد بيركن عربيته فسالته علي الصوت ده وانا كنت فاكر ان التيل مضروب المهم سالته راح داخل العربية معايا وجرب الفرامل وبالفعل سمع الصوت وقالي ماتقلقش الصوت ده بسبب وجود تراب او مياه بتراب ما بين التيل والطنابير وقالي ان هو عند نفس الصوت بيحصل وراح التوكيل علشانه مرتين وقالوله ان هو ده السبب وقالي الصوت ده هيروح لما التراب ده يشال وبيوقع لوحده وبالفعل هو ده اللي حصل وانا في اليوم ده كنت ماشي في مياه وطينة