السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

**mostafa99** · 03-06-2013 03:47 PM

انا كنت عايز مقارنة بين الصنى 2013 وال بيجو 301 2014 من حيث الامكانيات لكل منهم المزايا والعيوب -السعر -مراكز الخدمة -السوق والاقبال على العربية فى حال الرغبة فى بيعها انا اخترت دوول بالذات لانهم متقاربين فى السعر ولشكى فى جودة النيسان 2013 ماكنتش متوقع كدة من نيسان نظرا لعشقى ليها لانها اول عربية اشتريها وبرضه لشكى فى جودة سوق البيجو فى مصر ولو اى حد عنده معلومات عن ميعاد اطلاق الموديل الجديد ياريت يفيدنى واستنى مافيش مشاكل

**mshmshm3** · 03-06-2013 04:57 PM

بالنسبة للشكل و الامكانيات البيجو تكسب
سهولة الصيانة الصني تكسب
توافر قطع الغيار الصني تكسب
التقفيل البيجو طبعا التقفيل الاسباني اكيد احسن من المصري
خامات العربية من جوة طبعا البيجو
تصنيف السيارة و ده رايي البيجو من وجهة نظري الاوروبي افضل من الياباني

اعادة البيع الصني تكسب بفارق بسيط
اسعار قطع الغيار متقاربة في الاجزاء الميكانيكية لكن اجزاء جسم السيارة اعتقد البيجو اغلي

**the_air_devil** · 03-06-2013 05:04 PM

من جهة السعر , البيجو أغلى بكتير

من جهة جودة التقفيل والخامات , البيجو تكسب وخصوصاً التقفيل الداخلي

من جهة الإمكانيات , متساويين

من جهة الصيانة وقطع الغيار (أسعار وجودة خدمة) النيسان تكسب

من جهة الشكل الخارجي , البيجو تكسب

من جهة إعادة البيع , النيسان تكسب

من جهة التحكم في العربية والثبات والاتزان , البيجو تكسب

من جهة توافر عوامل الأمان للركاب , النيسان تكسب

من جهة التعامل مع سلعة معمرة تعيش معاك العمر كله , الاتنين متساويين

**beshoyyy** · 03-06-2013 05:18 PM

صعب حد يدي راي في البيجو 301 علشان لسة ماحدش جربها كتير
استني شوية لحد ماتنتشر و الناس تجربها
بس النيسان ناس كتير جربتها و كلة عرف المميزات و العيوب و الموقع مليان كلام عن مميزات و عيوب النيسان
شكرا

**mhkorayem** · 03-06-2013 05:39 PM

النيسان الصني الجديده لا قارن باي شكل من الاشكال مع بيجو 301 يمكن كان ممكن تقارنها مع الصني الشكل القديم او مع التيدا لكن الشكل الجديد بعييييييييييييييد اوي عن المقارنه

**blazer** · 03-06-2013 06:16 PM

انا راى البيجو افضل كتيير
النيسان حلوه طبعا بس الصاج الورق بتاعها و ثباتها الى اقل من البيجو بسبب الكاوتش السىء و ارتفاع النيسان يخلي البيجو افضل
دا غير ان ماتور البيجو قوى جداااا ما شاء الله والعربيه شيك من جوه ومن بره

**mohjarr** · 03-06-2013 07:06 PM

المشاركة الأصلية كتبت بواسطة mhkorayem

النيسان الصني الجديده لا قارن باي شكل من الاشكال مع بيجو 301 يمكن كان ممكن تقارنها مع الصني الشكل القديم او مع التيدا لكن الشكل الجديد بعييييييييييييييد اوي عن المقارنه

مش فاهم ؟ قصد حضرتك أن النيسان الصنى الجديدة أكبر من أنه تتقارن بالبيجو ال 301 أم العكس
شكل البيجو يكسب
أمان البيجو يكسب
قوة ماتور البيجو يكسب
جودة تقفيل البيجو يكسب
ثبات البيجو يكسب
الحاجة الوحيدة إللى ممكن أكون مش متأكد منها لإنى لسة ماجربتهاش هى التوكيل بتاع البيجو.

مش فاهم الصراحة إزاى مش ممكن نقارن البيجو ال 301 بالنيسان الصنى

**mostafa99** · 03-06-2013 09:36 PM

شكرا جدا على التفاعل والردود انا حاسس بكدة فعلا ان النيسان الصنى 2013 الصراحة اضرت بمستوى النيسان فى مصر انا ركبتها وحسيت انهم مسترخصين كل حاجة بيعملوا بيها العربية عشان يحققوا اعلى مكسب ممكن هقولك على حاجة فى التفاصيل تبينلك قد اية هم مسترخصين الاكر بتاعه الابواب عاملينها بلاستيك !! للدرجة دى عايزين يوفروا دة غير عيوب الصناعة اللى تقريبا معظم اللى جابوا العربية اشتكوا منها وفعلا لاحظت الصاج لما تيجى تخبط عليه ورقة فهل استنى موديل 2014 هيحصل في العربية تغيير جذرى ولا هيكون نفس الجشع والطمع اللى حصل فى 2013 ؟؟... اما البيجو فعلا امتن بكتير لكن المشكلة فى خدمة ما بعد البيع بالنسبة للبيجو ماعرفش هتبقى عامله ازاى ومراكز الخدمة وبرضة البيجو كدة مستواها كويس ولا واطية؟؟ مش عارف لية حسيت ان الاكصدام الامامى واطي شوية والمرايات مانوال مش اوتوماتيك حاجات كدة فى النسخة ام 123 الف برضة تخليك متردد انما الصراحة بسم الله ما شاء الله من جوة مملكة :)

**Hunting_Eagle** · 03-06-2013 09:41 PM

لو حضرتك عايز تجيب عربية تركبها شوية و بعدين تبيعها خليك في الصني

انما لو ها تقعدها معاك طبعا هات البيجو

بالتوفيق

**welo77** · 03-06-2013 10:55 PM

حضرتك بتتكلم عن عربيتين الفرق ما بينهم فى السعر حوالى 20 الف جنيه الا اذا كنت بتقارن سوبرصالون مع بيجو اول فئة وساعتها هتكون فيه البيجو اغلى حوالى 6 الاف وهيكون فيه فرق الامكانيات فى صالح الصنى. لو هتقارن الفئتين المتساويتين فى الامكانيات و ميهمكش فرق السعر واسعار قطع الغيار وممكن تجرب توكيل جديد يبقى غامر وهات البيجو هى بصراحة شكلها الخارجى وتقفيلها احسن من الصنى بس لسه بدرى علشان تحكم عليها انما لو يهمك فرق السعر والتوكيل المضمون يبقى الصنى تكسب

الموضوع: السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

LinkBack

أدوات الموضوع

عرض

-

-

-

-

-

-

المواضيع المتشابهه

مقارنة بين جراند بونتو 2013 و نيسان تيدا هاتشباك 2013

السلام عليكم - عاوز مساعدة في حجز نيسان صني 2013

السلام عليكم مقارنة بجد حيادية

ارجو المساعده ولكم كل الشكر

السلام عليكم ممكن مقارنة بين الهوندا سيتي و النيسان تيدا سيدان

الكلمات الدلالية لهذا الموضوع

المفضلات

المفضلات

ضوابط المشاركة