الموضوع: السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

المشاركة الأصلية كتبت بواسطة mohjarr

مش فاهم ؟ قصد حضرتك أن النيسان الصنى الجديدة أكبر من أنه تتقارن بالبيجو ال 301 أم العكس
شكل البيجو يكسب
أمان البيجو يكسب
قوة ماتور البيجو يكسب
جودة تقفيل البيجو يكسب
ثبات البيجو يكسب
الحاجة الوحيدة إللى ممكن أكون مش متأكد منها لإنى لسة ماجربتهاش هى التوكيل بتاع البيجو.

مش فاهم الصراحة إزاى مش ممكن نقارن البيجو ال 301 بالنيسان الصنى

من الواضح ان حضرتك مفهمتنيش
اكيد قصدي ان الصني اقل بكتير من ان تقارن بالبيجو 301 او اي بيجو موجوده في السوق حالياً واعتفد انها اقل من ان تقارن من الصني اللي قبلها اصلاً
بصراحه انا مش فاهم هما ازاي طلعوها كده

المشاركة الأصلية كتبت بواسطة hunting_eagle

لو حضرتك عايز تجيب عربية تركبها شوية و بعدين تبيعها خليك في الصني

انما لو ها تقعدها معاك طبعا هات البيجو

بالتوفيق

حتى لو عاوز يجيب حاجه قعد معاه شويه ويبيعها يبقى مش الصني بردوا يزود شويه ويجيب ريو او على الاقل اوبترا لكن الصني بعد اللي عملوه فيها ضيعوها خالص بعد ما كانت عربيه ممتازه قللوا منها كتير بالكوالتي دي

يا جماعه انا مقصدش اضايق حد بكلامي عن الصني وبعتذر لو حد زعل من كلامي
بس انا حزين على العربيه دي عشان انا كنت بحب الصني الشكل القديم جداً وكنت شايفها عربيه ممتازه وسعرها اقل من قيمتها على الاقل 20000 جنيه لكن الموديل الجديد لما نزل اصابني بالاحباط والمساله مش مساله شكل عشان دي ازواق
لكن الموضوع موضوع كوالتي وخامات سيئه ورخيصه وتابلوه فقير لاقصى درجه وغير مريح غير ان المساحه الداخليه بقت اصغر من الاول وخاصه بالنسبه للكنبه الخلفيه وياريت بعد كل ده ثبتوا السعر لأ دول كمان زودوا سعرها وده كان قبل زياده الدولار
بس عموماً انا بعتذر لاي حد ممكن يكون كلامي عن الصني ضايقه

المشاركة الأصلية كتبت بواسطة mhkorayem

يا جماعه انا مقصدش اضايق حد بكلامي عن الصني وبعتذر لو حد زعل من كلامي
بس انا حزين على العربيه دي عشان انا كنت بحب الصني الشكل القديم جداً وكنت شايفها عربيه ممتازه وسعرها اقل من قيمتها على الاقل 20000 جنيه لكن الموديل الجديد لما نزل اصابني بالاحباط والمساله مش مساله شكل عشان دي ازواق
لكن الموضوع موضوع كوالتي وخامات سيئه ورخيصه وتابلوه فقير لاقصى درجه
التابلوة مقبول مش فقير اوى وعموما دى أزواق
وغير مريح غير ان المساحه الداخليه بقت اصغر من الاول وخاصه بالنسبه للكنبه
أكيد حضرتك بتتكلم عن عربية تانية بخصوص المساحة الداخلية لأن الصنى الجديدة أوسع عربية فى مصر
الخلفيه وياريت بعد كل ده ثبتوا السعر لأ دول كمان زودوا سعرها وده كان قبل زياده الدولار
بس عموماً انا بعتذر لاي حد ممكن يكون كلامي عن الصني ضايقه

الموضوع مش محتاج أعتذار كل عربية ليها مميزات وعيوب وبحساب العيوب قبل المميزات الصنى الجديدة صفقة رابحة مقابل الفلوس المدفوعة فيها وألا لما حققت أكبر مبيعات فى مصر خلال ال 12 شهر الماضية

انا بصراحة مش فاهم ليه كل واحد عايز يشتري عربية لازم يجرح في العربيات التانية اللي هو كان بيفكر يشتريها , هو للدرجة دي الناس مش عارفة تفكر في اللي هي عايزاه وبس , المسألة في عملية الشراء مسالة اذواق وقدرات مالية واقتناع بالقيمة مقابل المنفعة , وبعدين في ناس بتتكلم عن العربيات سواء بالتجريح او بالتمجيد من غير ما كون عندهم عربيات اساسا , فتلاقي واحد يقولك العربية محترمة وجميلة ورهيبة والتوكيل جامد والعربية لسة اساسا مفيش منها في السوق غير 50 و 60 عربية بيكتير ولو عايز تشوفها في الشارع بتنتظر كتير اوي لحد متلاقي عربية منها ماشية , مع العلم ان هي ممكن تكون فعلا عربية كويسة بس المشكلة في الناس اللي بتفتي من غير علم , وفي الاخر فالواحد طالما مقتنع بعربية فمش لازم يقتنع انها هي الوحيدة اللي ناجحة وكويسة وان كل الباقي تعبان , كل عربية ليها مميزاتها وعيوبها وانت اللي بتتقبل العيوب وبيتقبل المميزات

المشاركة الأصلية كتبت بواسطة saint2011

يا باشا متزعلش قوى كده هو يقصد ياسيدى أن الصنى الجديدة أقل فى المقارنة من البيجو 301 ولو عايز تقارنها قارنها بالصنى الشكل القديم أو التيدا أنا عارف أن حضرتك اول واحد أستلم البيجو 301 فى المنتدى وألف مبرووك وربنا يباركلك فيها ويديك خيرها ويكفيك شرها عموما فى ناس كتير واخده موقف من الصنى الجديدة عشان شكلها وصاجها خفيف ودى حاجة فى كل الجديد ذى الكورى ولا مقارنة مع الأوروبى طبعا ولكن أحب أقول لحضرتك أنها أكبر مبيعات فى مصر خلال 12 شهر الأخيرة وأستلامها بيكون خلال 3 أو 4 شهور من الوكيل او أوفر برايس 6000 جنية لو أستلام فورى ووكيلها محترم جدا ومصاريف صيانتها معقولة جدا وأنتشارها رهيب وسعر أعادة البيع حدث ولا حرج وأفضل من الكورى ففى المجمل بحساب العيوب قبل المميزات هى صفقة رابحة مقابل الفلوس المدفوعة فيها

وبعدين حضرتك بتكلم فى فرق سعر 107000 جنية صنى أول فئه أتو والبيجو 123000 جنية أول فئه أتو

وأخيرا أتمنى من وكيل بيجو يكون على مستوى المسئولية لنجاح هذة السيارة وميكونش حظها زى موديلات البيجو السابقة ويعود الأسد الفرنسى لسابق عرشة فى مصر ونورت قسم نيسان

يا باشا أنا مش زعلان من حاجه أنا كنت بأستفسر منه هوه كان قصده إيه . و بعدين أنا مش ممكن أعيب فى الصنى علشان معايا صنى 2010 بجانب البيجو وعارف أد إيه هيه كانت قيمة جيداً مقابل ثمنها فى ذلك الوقت و أيضاً أعترف حتى الأن أن توكيل نيسان من أقوى التوكيلات فى مصر.
بالنسبة للحجوزات فيوجد حجوزات للبيجو لأكثر من 3 شهور الأن مع وجود أوفر برايس للإستلام الفورى5 ألاف جنية للفئة الأولى أوتو وأكثر من 7 ألاف للفئة الهاى لاين إذا وجدت و أخيراً أتمنى أن ينتهز كلاً من توكيلا بيجو و سيتروين الفرصة لإكتساب ثقة العملاء لأن فى رايى نجاح هاذين السيارتين سيؤثر تأثير جيد جداً على أسعار الكثير من شركات السيارات المغالية فى ثمنها هذه الأيام.