الموضوع: السلام عليكم عايز مقارنة بين نيسان صنى 2013 و بيجو 301 ولكم الشكر الجزيل :)

المشاركة الأصلية كتبت بواسطة mohjarr

مفيش أي مشاكل خالص والله علشان كده أنا كنت بأستفسر من حضرتك قصد حضرتك إيه . لأخر لحظة و قبل ظهور البيجو كنت بأفكر فى التيدا بس بعد لما شوفت البيجو غيرت رأيى و أملى إن شاء الله أن يكون وكيل بيجو جدير بالمسؤلية و على نفس مستوى توكيل النيسان.

يا باشا انا بشكر سعه صدرك
ومبروك عليك العربيه الجديده وربنا يباركلك فيها
والتيدا برضوا عربيه محترمه جداً بس انا كنت سامع انها معديتش موجوده وان الشكل الجديد نازل قريب

المشاركة الأصلية كتبت بواسطة mostafa99

والله انا بحسبها مع العيلة ومعاكوا برضة شايفين ان سعر البيجو 301 2014(126 الف) مش فارق كتير عن النيسان صنى 2013 (113 الف) الاسعار دى دلوقتى حالا ان الواحد يزود ويتلافى اشياء كتيرة ممكن يقع فيها فى الصنى 2013 هو بس النيسان لو تطلع معلومات عن الصنى 2014 ويقولوا انهم هيحسنوا العربية مش كشكل انا الشكل الجديد عاجبنى جدا والعربية عالية ودى حاجة حلوة لكن (الصاج والتابلوة وعيب تير الفرامل والصفارات دى) لو كدة الواحد يستنى اقسم بالله خصوصا ان الشكل الجديد تم اطلاقه فى نفس الوقت دة كان فى شهر يونيه برضة السنة اللى فاتت وخدمتهم حلوة انا كان معايا صنى 2011 لكن بعتها لما جالى فيها بيعه كويسه وعايز اجدد بحاجة تعيش معايا بقى واحافظ عليها انا الصراحة ميال لل301 لكن خايف اوى من التوكيل والصيانة وقطع الغيار توافرها واسعارها دى حاجات مهمة برضة ولازمة .الواحد مش بيشترى كوتش برضة دى عربية

يا باشا لو الموضوع كده يبقى جرب تسأل على النيسان التيدا لو كانت لسه موجوده (عشان انا كنت سمعت انها معديتش موجوده بس مش متأكد)
لو لقيتها تبقى كسبت مزايا الاتنين في عربيه واحده عربيه قطع غيارها متوفره ومش غاليه اوي والتوكيل انت عارفه وبالنسبه للكوالتي بسم الله ما شاء الله زي الفل
لو ملقيتهاش ممكن بقى تبص على الكيا الريو عربيه كويسه ومتقلقش من قطع الغيار وتوكيلها من احسن الوكلاء في مصر حالياً

المشاركة الأصلية كتبت بواسطة HaNo_ELBeh

طيب ياجماعه انا بقالى فتره مش عايز ارد على حد بس مادام الموضوع فى مقارنه ما بين عربيتين انا بحبهم جدا اسمحولى اقول رايى

يا باشا اتفضل البيت بيتك

المشاركة الأصلية كتبت بواسطة HaNo_ELBeh

ياباشا ربنا مايجبش زعل ابدا احنا عارفين قصدك بس فى حاجه صغيره هو ليه العربيه حققت اعلى مبيعات خلال ال 12 شهر اللى فاتوا
وكمان حجز لمده 3 شهور واوفر برايس بيوصل الى 7000 ج للاستلام الفورى انا مش عارف
وانا متفق معاك ان فى فقر فى الخامات والتابلوه اما بالنسبه لموضوع الكنبه الخلفيه اكيد حضرتك ماشاء الله طويل جدااا علشان كده حاسس ان المساحه الخلفيه مش كفايه

تحياتى..

ميرسي على زوقك وربنا يديم المحبه
اما بخصوص انها اعلى مبيعات خلال ال 12 شهر اللي فاتوا دول انا مش عارف مصدر المعلومه دي ايه بس بشكل عام انا مش بعتبر راي السوق المصري مقياس لجوده العربيه
والامثله كتيره وانا هكتفي بالمثالين دول
السوق المصري هو السوق الوحيد في العالم اللي سعر العربيه فيه بيزيد والاقبال بيرتفع على الشيب القديم بعد نزول الشيب الجديد من العربيه وده حصل مع الانسر البومه بعد نزول اللانسر الشارك
السوق المصري هو السوق اللي ممكن تلاقي الناس فيه سايبين عربيه زي سكودا رومستر كان تمنها 122.000 جنيه عشان يشتروا دايهاتسو تريوس فاضيه كانت ب 125.000 جنيه
وكفايه المثالين دول دلوقتي
اما بخصوص الكنبه الخلفيه فأنا الموضوع عندي مبحسبوش طول يا باشا انا اللي بيهمني العرض (يقطع التخن وسنينه )
كل ما في الموضوع انها مش بتاخد 3 اشخاص مستريحين في الكنبه الخلفيه على عكس سابقتها مش اكتر

المشاركة الأصلية كتبت بواسطة Sehsss

يا راجل، بقى المساحة الداخلية والكنبة الخلفية في النيو صني بقو أصغر !!!!!!!!!!!!

يا باشا انا وضحت ده في الردود السابقه
بس لو حضرتك مش شايف كلامي صح اعتبرني ولا كانني قلتها خالص
يا باشا احنا هنخسر الناس الحلوه دي عشان كنبه (لا يا باشا مش اقل من انتريه )
تاكل فشار

المشاركة الأصلية كتبت بواسطة the_air_devil

ياراجل؟؟ تصدق انا معايا العربية من سنة ... وماخدتش بالي خالص انها ضاقت .. يمكن الغسيل ممكن يخليها تكش

يا باشا تكش ايه بس بقى ده كلام
حضرتك بس اللي مليت شويه ههههههههه (بضحك معاك يا باشا)
تاكل فشار

المشاركة الأصلية كتبت بواسطة Dr_MaTrix

لا ما دام الموضوع وصل لضيق الكنبة الخلفية يمكن زى ما الاستاذ احمد عصام قال بتكش فانا اقترح ان احنا نحط للعربية قالب بليل يمكن توسع شوية وما حدش بقى يغسلها من جوا خالص ممكن دراى كلين بلاش ميه

حلوه منك دي يا بوب ..... بس مش كنا اشترينا المقاس مظبوط من الاول احسن

انا شايف العملية قلبت استظراف وفشار وبتاع , هو في ايه ما كل واحد مقتنع بعربيتع وخلاص مش لازم الاصرار الفظيع ده من ناس مش راكبة العربية اساسا انها تسوء في سمعة العربية