ركنت عربيتي و غطيتها...حسبي الله ونعم الوكيل

**M.Ayman** · 09-06-2013 08:21 PM

المشاركة الأصلية كتبت بواسطة windofchange

حاسس ان اللي حاصل ده مفتعل علشان اسقاط الرئيس يوم 30/6

هههههههههههههه مفتعل ازاي ياباشا الكلام ده في ايد الحكومه مش المعارضه !!!! و انا عن نفسي خلاص زهقت من التحليل و المناقشات و ده حصل ليه و حله ايه لان محدش بيسمع التاني و حتي لو احنا كلنا فرضا اتفقنا علي حل مبيتنفذش كالعاده فايه لزومه ان الواحد يهري في نفسه

**mahmoud85** · 09-06-2013 08:23 PM

بصو حوار الكهربا ده ممكن اوضحه لاني شغال في انتاج الكهربا
مشكله الكهربا بدات للاسف في 2010 ومكانش فيه اي تخطيط من وقتها لحد دلوقتي ازاي هنعوض العجز ونوفر الزياده المتوقعه السنويه
للاسف في فساد شديد في الكهربا
بالاضافه لان الناس كلها تقريبا ركبت تكييفات ده غير المباني المخالفه والسرقات واللعب في العدادات ده غير كل اللي بنو علي الارض الزراعيه بهبل
ولحد دلوقتي مافيش اي محطات جديده هتتبنا او سمعنا انها هتتبني

طبعا مرسي بعد سنه مالوش اي عذر انه مش قادر يوقف النزيف اللي حاصل في حياه المواطن
يارب يفوق قبل فوات الاوان والا الثوره هتضيع وترجع للفلول

**Terrible_DaRsH** · 09-06-2013 08:24 PM

المشاركة الأصلية كتبت بواسطة eng f3lix

انتو تاني؟!

الكلام ده بيفكرني بابناء مبارك لما كانو بيقولو ان دي مؤامرة على سيادة الرئيس مبارك

امال راح فين كلام الانشا اللي كان بيقولو مرسي وسوف نضرب بقبضة من حديد والشعل الفاكس ده !!!!

كل حاجة تجيبو اللوم على الطرف المضاد مع انه مش في ايده يعمل كل اللي بيحصل ده وفي نفس الوقت عارفين ان اللي في ايده الحل هو سلة الفشل مرسي ورجالته وعشيرته

و متنكروش ان نسبة كبيرة جدا من مواردنا بتروح لغزة وبلوشي اكيد

البلطجية فى ايد مين ؟

سرقة البنزين فى ايد مين ؟

الاعلام المضلل والفاشل فى ايد مين ؟

اعمال التخريب فى ايد مين ؟

مرسي ؟

**M.Ayman** · 09-06-2013 08:29 PM

المشاركة الأصلية كتبت بواسطة smartech

للاسف الموضوع تطور من 80 و سولار لل 92 ، يعنى البلد تقف و الناس اقعد فى بيوتها ،
نقعد فى بيوتنا نلاقى الكهربا تقطع ، لما الكهربا بتقطع يبقى اكيد الميه بتقطع ،
كل ده ومش عايزين الناس تنزل تعترض ولا تقطع شوارع ولا تعمل تمرد

لكى الله يا مصر

**ahmedhilmy** · 09-06-2013 08:46 PM

حسبي الله و نعم الوكيل

**M.Ayman** · 09-06-2013 08:50 PM

المشاركة الأصلية كتبت بواسطة terrible_darsh

البلطجية فى ايد مين ؟

سرقة البنزين فى ايد مين ؟

الاعلام المضلل والفاشل فى ايد مين ؟

اعمال التخريب فى ايد مين ؟

مرسي ؟

لا حول ولا قوة الا بالله

طب الأمن و الداخليه في ايد مين ؟

الاعلام المضلل و الفاشل ده بيجيب حاجه من بيتهم ولا تصوير و كاميرات مباشره ؟ و يعني عاجبك مصر ٢٥ و الحافظ هما دول اللي مش مضللين ؟

مين اللي المفروض يدور علي حلول لأزمات المياه و المحروقات و الكهرباء و كارثة حصتنا من النيل ؟ مين اللي المفروض يقدر يمنع و يأمن المنتجات من السرقه ؟ مين اللي في ايده يحط ضوابط لمنع الحراميه ؟ طب مين اللي عين هؤلاء المسئولين في مناصب هم غير جديرين بيها ولا حتي عارفين عنها حاجه من بابها !!!!

مش بنكر ان ممكن يبقي في محاولات بس اللي يتلام اللي ماسك البلد مش الكلاب اللي بتنح في الطريق !!!!

**M.Ayman** · 09-06-2013 09:02 PM

المشاركة الأصلية كتبت بواسطة windofchange

يارجالة انا مش اخوان علي فكرة لكن البلد دي واخدها ميراث 30 سنة فساد وفعلا في قيادات وناس كبيرة فالبلد مش متعاونة معاه وبتحاربه...مش قدها يسيبها طيب وليه منصبرش هو اي مشكلة نشيل الرئيس! يقضي ال4 سنين بتوعه ونجيب غيره لكن تمرد وغيره وسلاح مع الشباب الكلام ده بيؤدي لفتنة اكبر احنا في غني عنها

يا جدعان هي تمرد شغلااااكوا قوي كده ليه كل الاخوان ملهمش سيره الا تمرد و اننا هننزل نحطمهم يوم ٣٠/٦ اللي انا بقول من الاول اهو ان كل ضحايا اليوم ده هتبقي علي عاتق الاخوان و ان البادي اظلم لما تبقي عارف ان في ناس نازله اليوم ده و تقرر انك نازلهم يبقي انت نازل تقلبها حرب !!! ،،،، تمرد ليها ما ليها و عليها ما عليها انما الهاله الضخمه اللي عليها و التحفز العجيب ده يخليني لو مش مؤيد لتمرد هأيدها و احس فيها بتغيير

بالنسبه لقصة الفلول دي معلش خلاص مبقاش في اي قياده سياديه في البلد الا و ماسكها اخواني فمبقاش ده عذر متاح يتقال ان الفلول مانعينا

بالنسبه لقصة نصبر ال ٤ سنين

كنا شفنا ايه يصبرنا ؟ يعني شايفينه بيتحرك و بيحل ولا شايفين سلسله طويله من السلبيه و عدم المحاوله حتي في ايجاد حلول مفيش اي سمع للطرف الاخر يعني الاعلام المضلل ده لو حد بيقعد يسمعه هتلاقوا حلول مقترحه كتير مفيش حد حتي بيناقشها و يبين غلطها من عدمه لو يجيب مسئولين فعلا يملوا اماكنهم و يبتدوا في ايجاد حلول مبتكره لحل ازماتنا

الجيش هو المنظمه الوحيده في البلد اللي شايفه شغلها -مع انه اصلا مش شغلها- بس مرسي مستغلهم في الطرق و حل الازمات المروريه و حلولهم غير تقليديه و مبتكره !! ياريت كان في زيهم في باقي المناصب

تحياتي

**SAMEH_FOUAD** · 09-06-2013 11:29 PM

انا بقالى اربع ايام مش عارف امون العربية , وخلاص مافضلش فيها غير 15 لتر بس وكل مااروح بنزينة مالقيش فيها بنزين , ويقولى فية 95 ( 5.85 قرش ) هما يعنى بيجبرونا اننا نمون 95 ولا اية ؟؟؟؟؟؟؟؟؟؟؟ انا حاسس بكدة مش عارف لية

يعنى انا عربيتى بتاخد اصلا 95 , بس اكيد مش هفول تانك عربيتى ب250 جنية , وامشى بالبنزين الجميل دة ( اذا ماكنش مضروب ومغشوش ) وفى الاخر اضيعلى التفويلة فى الزحمة الجميلة بتاعة البلد , يعنى بنزين مغشوش وفلوس فى الارض

الواحد مش عارف يقول اية والله ( ربنا يعديها على خير )

**p r i n c e** · 09-06-2013 11:46 PM

المشاركة الأصلية كتبت بواسطة M.Ayman

لا حول ولا قوة الا بالله

طب الأمن و الداخليه في ايد مين ؟

الاعلام المضلل و الفاشل ده بيجيب حاجه من بيتهم ولا تصوير و كاميرات مباشره ؟ و يعني عاجبك مصر ٢٥ و الحافظ هما دول اللي مش مضللين ؟

مين اللي المفروض يدور علي حلول لأزمات المياه و المحروقات و الكهرباء و كارثة حصتنا من النيل ؟ مين اللي المفروض يقدر يمنع و يأمن المنتجات من السرقه ؟ مين اللي في ايده يحط ضوابط لمنع الحراميه ؟ طب مين اللي عين هؤلاء المسئولين في مناصب هم غير جديرين بيها ولا حتي عارفين عنها حاجه من بابها !!!!

مش بنكر ان ممكن يبقي في محاولات بس اللي يتلام اللي ماسك البلد مش الكلاب اللي بتنح في الطريق !!!!

-

الموضوع: ركنت عربيتي و غطيتها...حسبي الله ونعم الوكيل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

حسبي الله ونعم الوكيل ..عربيتي اتخبطط

حسبي الله ونعم الوكيل في إللي عمل في عربيتي كدة

حسبي الله ونعم الوكيل ( نزلت لقيت عربيتي مخبوطة )

عربيتي تدمرت بسبب حفره حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة