ركنت عربيتي و غطيتها...حسبي الله ونعم الوكيل

**zangry** · 09-06-2013 11:47 PM

المشاركة الأصلية كتبت بواسطة sameh_fouad

انا بقالى اربع ايام مش عارف امون العربية , وخلاص مافضلش فيها غير 15 لتر بس وكل مااروح بنزينة مالقيش فيها بنزين , ويقولى فية 95 ( 5.85 قرش ) هما يعنى بيجبرونا اننا نمون 95 ولا اية ؟؟؟؟؟؟؟؟؟؟؟ انا حاسس بكدة مش عارف لية

يعنى انا عربيتى بتاخد اصلا 95 , بس اكيد مش هفول تانك عربيتى ب250 جنية , وامشى بالبنزين الجميل دة ( اذا ماكنش مضروب ومغشوش ) وفى الاخر اضيعلى التفويلة فى الزحمة الجميلة بتاعة البلد , يعنى بنزين مغشوش وفلوس فى الارض

الواحد مش عارف يقول اية والله ( ربنا يعديها على خير )

لو الدائري قريب منك روح فول من البنزينات اللى هناك

**p r i n c e** · 09-06-2013 11:48 PM

المشاركة الأصلية كتبت بواسطة ahmed12345678

وانا كمان مش اخوان.................... ههههههههههههههههههههههههه ههههههههه

متغيروا الاسطوانه بقى ........... خلاص بقت مشروخة

هوا مش اخوان بس بيحترمهم متظلمهوش :-d

**ahmedalaahosny** · 10-06-2013 12:41 AM

مشكلة الاخوان انهم من الاخر مالهمش خبرة سياسية يعني ابسط مثال ازمة اثوبيا اعمل مجلس ادارة ازمات ونجيب السيسي ونقعد نرتب صح مش تقولي نشيع ان عندنا ولا نقضيها فوتوشوب بالمرة نجيب مرسي متصور ورا مفاعل مثلا حاجة تحرق الدم وف الاخر تصدقوا ماخدناش بالنا انه مذاع يااخي ده انت لو رئيس مراجيح مولد النبي كنت هتقول كلام احسن من لعب العيال ده مشكلتهم الخبره والكراسي لا وجايين يتعلموا ويجربوا ف ظروف البلد واقعه اقتصاديا وامنيا واخرتها ايه الله اعلم انا بحترم الاخ المحترم اللي قال اللي مش عارف يشتغل من الاخر يروح بلدهم البلد بتغرق كل يوم عن اللي قبله فالحين بس يطبلوا لمرسي والحكومة وعلي راسهم باسم عوده المشكلة ان باسم عوده حاشر نفسه ف اللي مالوش فيه مرة مع المية ومرة مع الكهربا وشوية مع البنزين هو انت مسكت مكان قنديل وانا مش واخد بالي !

**Terrible_DaRsH** · 10-06-2013 12:54 AM

المشاركة الأصلية كتبت بواسطة m.ayman

لا حول ولا قوة الا بالله

طب الأمن و الداخليه في ايد مين ؟

الاعلام المضلل و الفاشل ده بيجيب حاجه من بيتهم ولا تصوير و كاميرات مباشره ؟ و يعني عاجبك مصر ٢٥ و الحافظ هما دول اللي مش مضللين ؟

مين اللي المفروض يدور علي حلول لأزمات المياه و المحروقات و الكهرباء و كارثة حصتنا من النيل ؟ مين اللي المفروض يقدر يمنع و يأمن المنتجات من السرقه ؟ مين اللي في ايده يحط ضوابط لمنع الحراميه ؟ طب مين اللي عين هؤلاء المسئولين في مناصب هم غير جديرين بيها ولا حتي عارفين عنها حاجه من بابها !!!!

مش بنكر ان ممكن يبقي في محاولات بس اللي يتلام اللي ماسك البلد مش الكلاب اللي بتنح في الطريق !!!!

طيب ان شاء الله ربنا يرزقنا برئيس يصلح كل ده فى شهر :)

**Ahmed_Adham** · 10-06-2013 01:07 AM

المشاركة الأصلية كتبت بواسطة windofchange

حاسس ان اللي حاصل ده مفتعل علشان اسقاط الرئيس يوم 30/6

رئيس اخواني ورئيس وزرا اخواني ووزير تموين اخواني ووزير بترول اخواني. فين الحجه؟

المشاركة الأصلية كتبت بواسطة أحمد كمال

على فكرة استهلاك غزة اول عن اخر لا يتجاوز 1 على 1200 من استهلاك مصر

يعني لو نفترض ان فعلا كهربتنا منورة غزة و احنا مفيش سبب تاني للقطع و كهربتنا على قدنا احنا بس

كان زمان الكهرباء قطعت 1 على 1200 من اليوم بس

يعني 1.2 دقيقة يوميا !

كون الكهرباء بتقطع ساعات و ساعات ده معناه ان فيه مشكلة حقيقية

غزة ما تجيش قد مدينة مصرية صغيرة اساسا

و مفيهاش مصانع و لا احمال ثقيلة اساسا

اللي بيروح غزه بنزين وسولار عشان بيتخزنو واستخداماتهم متعدده هتولد بيهم كهربا وهتشغل بيهم عربيات ومصانع انما الكهربا مش بتتخزن.

المشاركة الأصلية كتبت بواسطة 4fun14

؟عندك بلد زى الصين شعبها بيشتغل شغل الجمال ومع ذلك حتى هذه اللحظه معدل دخل الفرد اقل من مصر رغم نموهم السريع جدا فى الفتره الاخيره لدرجه انهم سنوا قوانين من 15 سنه تقريبا بمنع الانجاب

تصحيح لنقطه بسيطه. نصيب الفرد من الدخل القومي في الصين $9,100 وفي مصر $6,600 والاتنين أرقام 2012

المشاركة الأصلية كتبت بواسطة ahmedalaahosny

مشكلة الاخوان انهم من الاخر مالهمش خبرة سياسية يعني ابسط مثال ازمة اثوبيا اعمل مجلس ادارة ازمات ونجيب السيسي ونقعد نرتب صح مش تقولي نشيع ان عندنا ولا نقضيها فوتوشوب بالمرة نجيب مرسي متصور ورا مفاعل مثلا حاجة تحرق الدم وف الاخر تصدقوا ماخدناش بالنا انه مذاع يااخي ده انت لو رئيس مراجيح مولد النبي كنت هتقول كلام احسن من لعب العيال ده مشكلتهم الخبره والكراسي لا وجايين يتعلموا ويجربوا ف ظروف البلد واقعه اقتصاديا وامنيا واخرتها ايه الله اعلم انا بحترم الاخ المحترم اللي قال اللي مش عارف يشتغل من الاخر يروح بلدهم البلد بتغرق كل يوم عن اللي قبله

لا كمان فوق كده تلاقيهم كله دكاتره. مفيش ولا واحد منهم الا وتلاقي قبله لقب دكتور. ده بليه بتاع ورشه الاسطى حسن بيفهم أكتر منهم.

فالحين بس يطبلوا لمرسي والحكومة وعلي راسهم باسم عوده المشكلة ان باسم عوده حاشر نفسه ف اللي مالوش فيه مرة مع المية ومرة مع الكهربا وشوية مع البنزين هو انت مسكت مكان قنديل وانا مش واخد بالي !

أه واللهي باسم عوده ده عايز حلقه لوحده. مش عارف بيتصور ليه في غيطان القمح مع ان شغل وزاره التموين مش الانتاج ولكن الطحن والتوزيع وده كمان بيتم بمساهمه كبيره من مطاحن وصوامع القطاع الخاص يعني وزاره التموين ملهمش أي فضل في الزراعه ده حتى وزاره الزراعه أصلا مبتزرعش ولكنها بتساعد الفلاح بتوفير البذور والاسمده والمبيدات والفلاح هوه اللي بيزرع على مسؤوليته ولو الزرعه باظت محدش بيديله حاجه.

**4fun14** · 10-06-2013 01:23 AM

المشاركة الأصلية كتبت بواسطة ahmed_adham

تصحيح لنقطه بسيطه. نصيب الفرد من الدخل القومي في الصين $9,100 وفي مصر $6,600 والاتنين أرقام 2012

مظبوط يا باشا..اعتذر عن الخطأ ده

**p r i n c e** · 10-06-2013 02:37 AM

المشكلة مش فالأزمات (ازمة البنزين و السولار و الماية و الكهربا) لا دي المشكلة ان لسة في ناس بتبرر و راضية باللي احنا فيه و بيقولوا نصبر
فعلا احنا طالعين من ثورة و البلد كانت منهوبة ولازم نصبر
بس الواحد هيصبر لما يلاقي أي مؤشرات لبداية الاصلاح و التغيير و دا طبعا عكس اللي بلد فيه تماما
احنا من سيئ إلى أسوأ

**basimrefat** · 10-06-2013 02:45 AM

البلد ليست في احتياج الي رئيس جمهورية
كل واحد فينا ممكن يبقي رئيس الجمهورية

المطلوب

شخص حكيم و عنده ضمير لوضع الشخص المناسب في المكان المناسب

مش اضع اناس معندهمش خبرة ولا يفهموا اي حاجه في اي حاجه
ووضعهم فقط لأنهم من الحاشية الفاسدة

**bmya** · 10-06-2013 03:06 AM

ياراجل بقه الكهربه مبدأتش تقطع غير اليومين دول وايام مبارك ماكانتش بتقطع حضرتك كنت مسافر ولا ايه

-

الموضوع: ركنت عربيتي و غطيتها...حسبي الله ونعم الوكيل

LinkBack

أدوات الموضوع

عرض

-

-

-

-

المواضيع المتشابهه

حسبي الله ونعم الوكيل ..عربيتي اتخبطط

حسبي الله ونعم الوكيل في إللي عمل في عربيتي كدة

حسبي الله ونعم الوكيل ( نزلت لقيت عربيتي مخبوطة )

عربيتي تدمرت بسبب حفره حسبي الله ونعم الوكيل

الكلمات الدلالية لهذا الموضوع

المفضلات

المفضلات

ضوابط المشاركة