عشاق ومحبى فيات 128 كل ما يخص سيارة الشعب

**aw2100** · 26-01-2014 10:14 PM

المشاركة الأصلية كتبت بواسطة ahmedesmat1987

بسم الله ما شاء الله انا بحس من ردودك انك فاهم جدا فى العربيات ومفيش سؤال ملوش عندك جواب هو حضرتك شغال فى المجال دا ولا مجرد هوايه واستاذن حضرتك انك تشترك معانا فى الرابطه لاننا محتاجينك تفيدنا كتير

https://www.facebook.com/groups/708800399137300/

الله يبارك فيك
بالنسبة لل128 زاستافا عشرة 14 سنه حفظت فيها ترس ترس وكانت مع والدى عربية من سنة 1981 فيات 1100 وانا متخصص فى الالكترونيات والتحكم الالى وبعشق الميكانيكا والأعمال اليدوية وبشتغل فى الفليشيا وقبل منها ال128 بايدى وخصوصا فى الكهرباء وصيانات الميكانيكا البسيطة تيل فرامل -تربيط عفشة
وباتبع مبدء ان الأنسان يجب ان يكون متخصص بمعنى بيعرف كل شئ عن شئ ومثقف بمعنى يعرف شئ عن كل شئ وفية مثل ماليزى بيقول اكثر من الحرف تنجوا من الفقر وسبعة صنايع والحمد لله وان شاء الله حكون فى رابطة الفيس بوك خدمة لزبائن الدكاترة -الميكانيكية - اللى بقوا بيفتوا ويقلبوا الزبائن لوجه الله
تحياتى !!!

**mohamed5353** · 05-02-2014 03:47 PM

1-كنت عاوز اعرف افضل نوع لزيت الفتيس وتكلفه كام وازاى اعرف هل العربيه تحتاج تغير الزيت ولا لا .
2-واستفسار اخر بسمع صوت دربكه وانا ماشى فى شارع مكسر شويا ده يكون سببه ايه وكيف اعالجه .
3- كنت عاوز اركب شداد هل هو عملى وسعر الشداد كام الى بيركب على البطاحة من فوق وياريت لو حد يعرف حد فى اسكندرية يكون عنده .
واشكر مروركم الكريم .

**aw2100** · 05-02-2014 09:21 PM

المشاركة الأصلية كتبت بواسطة mohamed5353

1-كنت عاوز اعرف افضل نوع لزيت الفتيس وتكلفه كام وازاى اعرف هل العربيه تحتاج تغير الزيت ولا لا .
2-واستفسار اخر بسمع صوت دربكه وانا ماشى فى شارع مكسر شويا ده يكون سببه ايه وكيف اعالجه .
3- كنت عاوز اركب شداد هل هو عملى وسعر الشداد كام الى بيركب على البطاحة من فوق وياريت لو حد يعرف حد فى اسكندرية يكون عنده .
واشكر مروركم الكريم .

افضل نوع لزيت الفتيس لل 128 زيت شل 140 او اى زيت فتيس 140 اهم حاجة تجيبة من البنزينة ويكون جركن مبرشم بلاش الزيت السايب والزيت لما يقدم بتلاقى فية عضة فى الغيار وصوت ونه فى التروس وممكن تربط العفشة والمقصات والأسكترا علشان الصوت
بالنسبة للشداد اللى بين البطاحتين فى ال128 ممكن يكسر لك الشاسية لو اخدت مطب جامد مانصحكش بتركيبه علشان بيبقى مكتف الشاسية وال 128 الشاسية ضعيف !!

**merolala** · 04-11-2014 08:53 PM

محتاج جنوط حديد 128 تكون نضيفه

**alaaeldineffat** · 01-02-2014 11:20 PM

بقلكو يا رجالة انا اتصلت بالشيخ بتاع قطع الغيار الفي الهرم حاجته رخيصة قوي حد جاب منه حاجة انا سالت علي كربيراتير 2 باب بتاع الريجاتا بالمنافولد ب 300 هل هيفرق لو ركبته مكان ال واحد باب بتاع ال128 هي العربية 128

**sohagnet** · 14-03-2014 09:58 AM

الف مليوووووووووووووووووووووو وووووووووووووووووووون شكر

**wael.elsherief** · 20-03-2014 01:07 PM

ارجو الافاده علما باني لسه اول مره اجيب عربيه وخبرتي علي قدي وبتعلم سواقه علي العربيه كمان
انا لسه جايب عربيه 128 موديل 88
العربيه المساعدين اللي قدام نافشين شويه هل لازم اغريهم ولو هاغيرهم بكام ؟
الفحص في شهر 7 اللي جاي تكاليفها كام تقريبا ؟

**Abo-Yousef** · 20-03-2014 07:10 PM

المشاركة الأصلية كتبت بواسطة wael.elsherief

ارجو الافاده علما باني لسه اول مره اجيب عربيه وخبرتي علي قدي وبتعلم سواقه علي العربيه كمان
انا لسه جايب عربيه 128 موديل 88
العربيه المساعدين اللي قدام نافشين شويه هل لازم اغريهم ولو هاغيرهم بكام ؟
الفحص في شهر 7 اللي جاي تكاليفها كام تقريبا ؟

العافشة الامامية بالذات لازم تكون كويسة عشان حمل الموتور وكمان عشان الشاسيه ميفتحش ولا يتكسر

اسعار العافشة الامامية بالكامل كالتالى :

جوز مساعدين المانى جداد 430 جنيه

جوز مساعدين صينى جداد 280 جنيه

ملحوظة : سعر المساعدين الامامى والخلفى واحد

جوز بطاحات المساعدين تركى 40 جنيه

2 فبرة مساعد امامى 4 جنيه

علبة دريكسيون ايطالى 240 جيه

بارات علبة الدريكسيون ايطالى 80 جنيه

جوز مقصات تركى 135 جنيه

جلب مقصات تركى 18 جنيه

جوز كبالن صينى 120 جنيه ( تقريباً ) لانى مغيرتش بصراحة فا مش متأكد من السعر بس هوا تقريبى

جوز كبالن ايطالى 290 جنيه ( تقريباً )

جوز كبالن المانى 350 جنيه ( تقريباً )

كاوتشة كوبلن زيت 18 جنيه

كاوتشة كوبلن شحم 9 جنيه

دى العفشة كلها الامامية وطبعاً مصنعية الصنايعية بتختلف بس التقريبى ان تركيب جوز المساعدين من 50 ل 60 جنيه وتركيب علبة الدركسيون ب 50 والمقصات 30 ..

بالنسبة للفحص ونقل الملكية والتجديد

مصاريف رخصة العربية

ورق فحص ونقل ملكية 25 جنيه
عامل بصمة الماتور 5 اكرامية
شهادة البيانات 5 جنيه
طفاية حريق 111 جنيه استبدال القديمة لو منتهية الصلاحية
شنطة اسعافات 40 جنيه
مثلث 20 جنيه
عامل شباك المرور 20 اكرامية ( من تحت لتحت يعنى عشان يمشى الورق مع ان خسارة فى امه :d )
دمغة 20 جنيه
ضريبة سنة بالدمغة 200 جنيه
تأمين اجبارى 110 جنيه

جمع انت بقى ياباشا وربنا معاك :d وأى خدمة