عشاق ومحبى فيات 128 كل ما يخص سيارة الشعب

**ashraf_sms** · 31-07-2013 01:02 AM

المشاركة الأصلية كتبت بواسطة aw2100

انا اللى عاوز اسئل ليه عاوز تركب طرمبة بنزين كهرباء ؟
هى الميكانيكية عندك عطلانة واية مشكلة البنزين عندك بالظبط
بالنسبة لخرطوم الراجع من الكاربراتير لعوامة التانك ده مهم جدا علشان لو ضغط الطرمبة جامد بيشرق العربية فوظيفة الراجع بيرجع البنزين الزايد من الكاربراتير للتانك بدل ما يضغط على ابرة الكاربراتير ويخلية يطلع هباب او العربية تبطل وانت ماشى وترجرج وتوصيله ساهل مجرد تركب ماسوره نحاس اللى هى مواسير فريون التكييف تحت العربية لغاية التانك وتركب عليها خرطومين من الناحيتين وحتحس بفرق كبير !!

ازيك ياوليد باشا تسلم ايدك ياكبير بس حكاية التحضير اللي بتتعبني انا اساسا عندي البطارية بايظة مش حمل مناهدة لما بحمل علي المارش البطارية بتفضي مع اول تكتين تلاتة بس معلش انا عايز افهم منك حكاية الرايح والراجع ديه بظبط يعني انا افك التانك اخد منه خرطوم رايح للكربراتير هيكون طبعا في نصه الطرمبة بالفلاتر بتاعتها وبعدين اخد خرطوم الفايظ من الكربراتير للتانك بس كدة صح ولا فيه حاجة تانية انا مش واخد بالي منها وبالنسبة للعوامة اللي انت قولتلي عليها بتاعت الكربراتير انا بشوف بنزين في جناب الكربراتير من تحت كدة فهل ده عادي ولا كدة العوامة مش موجودة اصلا عشان حكاية اني لازم احضر ببقي معلش طولت عليك ياوليد باشا وشكرا مرة تانية عشان انت بصراحة مش سايب حد فينا

**alaaeldineffat** · 31-07-2013 07:48 PM

محدش يجيب الطرمبة البوش الصيني ال انا جبتها شغالة تمام بس صوتها بقي عالي عامل زي صوت التكهات بس اعلي كمان انا اجبت وحدة بتاعت لانوس من واحد صحبي ال بتتحط في التنك و هخترعلها حاجة و هركبها و محدش يقولي متنفعش مش عايز احباط

بالنسبة للطرمبة الكهربة مش هتنفع من غير خرطوم الراجع و هتبوظ الطرمبة و كمان لو الخرطوم ركب بيفرق في استهلاك البنزين بيقل

**ashraf_sms** · 31-07-2013 10:19 PM

يراجل انا روحت انهردة قبل الفطار جبتها ب 50 جنيه يلا الحمد لله ربنا يعوض علينا وان شاء الله هوصل خرطوم الفايز وربنا يكرم بإذن الله

**aw2100** · 01-08-2013 01:07 AM

المشاركة الأصلية كتبت بواسطة ashraf_sms

ازيك ياوليد باشا تسلم ايدك ياكبير بس حكاية التحضير اللي بتتعبني انا اساسا عندي البطارية بايظة مش حمل مناهدة لما بحمل علي المارش البطارية بتفضي مع اول تكتين تلاتة بس معلش انا عايز افهم منك حكاية الرايح والراجع ديه بظبط يعني انا افك التانك اخد منه خرطوم رايح للكربراتير هيكون طبعا في نصه الطرمبة بالفلاتر بتاعتها وبعدين اخد خرطوم الفايظ من الكربراتير للتانك بس كدة صح ولا فيه حاجة تانية انا مش واخد بالي منها وبالنسبة للعوامة اللي انت قولتلي عليها بتاعت الكربراتير انا بشوف بنزين في جناب الكربراتير من تحت كدة فهل ده عادي ولا كدة العوامة مش موجودة اصلا عشان حكاية اني لازم احضر ببقي معلش طولت عليك ياوليد باشا وشكرا مرة تانية عشان انت بصراحة مش سايب حد فينا

طالما فية اثار بنزين على الكاربراتير يبقى محتاج جوانات وده اللى بيخلية بيبخر البنزين من الكاربراتير وبياخر الدوارة عندك وركب كابل الهواء لو مش راكب عندك ده وظيفتة بتشدة مع اول دوارة بيخلى صوت الموتور يعلى والعربية تلقط معاك من اول تكه وخلى بالك ممكن البطارية الضعيفة تتعب فى الدوارة كمان حتقولى على مشاكل ال128ولاشكر على واجب احنا كلنا اخوات فى الله ربنا يقويك ويكرمك وتجيب حتة تجنن زى دى ؟؟
http://www.nilemotors.net/Nile/371041-teslamotors.html

**zekoooooo** · 01-08-2013 10:32 AM

السلام عليكم ورحمه الله وبركاته

اولا :- انا قريت الـ 13 صفحه كلهم النهارده وبحيكم بجد علي روح التعاون الموجودة ....

واحب ان انضم لكم انا اسمي رضا من الهرم

انا معايا 128 موديل 79

ثانيا :- في اخ كان بيسال علي اللمبه الي تحت الولاعه في الطابلوة لزمتها ايه

اللمبه دي بتاعه فرامل اليد ( مرفوعه ولا لا ) وممكن توصلها بكل سهولة لو مش واصلة
في زرار تحت فرامل اليد بتوصلها بيها ......

ثالثا بالنسبة للاخ الي كان بيسأل علي ان الدوار بتغيب الصبح ....
انا كان عندي نفس المشكله دي وحلها كان جوان في الكربيراتير والجوان ده كان بسببه البنزين المخزن في الكاربيراتير كان بيطير ......

مع خالص تحيااااااااااااتي

:) :) :) :) :)

**Abo-Yousef** · 01-08-2013 11:49 AM

المشاركة الأصلية كتبت بواسطة alaaeldineffat

شوف ترس الزيت الراكب في طرمبة الزيت و المناول و الاسبراتير ممكن يكون هو مفوت من تحت و لو الطرمبة خلاص هية البيظة و انت متئكد لما تغيرها غير الترس ده هو كله ب15جنيه علشان لو سن الطرمة القديمة السن بتعها كان بايظ هياكل سن الترس فلما تركب الجديدة هيبوظها

دلوقتى طيب حصل حاجة وخايف من اللى فى بالى .... لمبة الزيت من ساعتها منورتش تانى والدنيا تمام .... وانا خلاص لبست واتخيطت فى طرمبة جديدة استعجلت وجبتها خلاص ومش عارف هل الطرمبة القديمة سليمة ولا بايظة ... خايف يكون لمبة الزيت لما كانت بتنور يكون مشاكل فى الكهرباء بس مش اكتر .... طب والعمل ... اعرف منين ان الطرمبة القديمة سليمة ولا بايظة ولما لمبة الزيت كانت بتنور كده كانت بتنور ليه !!!! ولو الطرمبة القديمة سليمة ياراب اعرف ارجع الجديدة اللى اشتريتها بقى

**Abo-Yousef** · 01-08-2013 12:39 PM

عاوز اظبط الكربيراتير عندى مش عارف اوديه لمين ؟؟ وعاوز اركب سلك بتاع الشفاط ده لان اللى عندى مقطوع اللى بيعلى البنزين

**ashraf_sms** · 01-08-2013 03:38 PM

المشاركة الأصلية كتبت بواسطة aw2100

طالما فية اثار بنزين على الكاربراتير يبقى محتاج جوانات وده اللى بيخلية بيبخر البنزين من الكاربراتير وبياخر الدوارة عندك وركب كابل الهواء لو مش راكب عندك ده وظيفتة بتشدة مع اول دوارة بيخلى صوت الموتور يعلى والعربية تلقط معاك من اول تكه وخلى بالك ممكن البطارية الضعيفة تتعب فى الدوارة كمان حتقولى على مشاكل ال128ولاشكر على واجب احنا كلنا اخوات فى الله ربنا يقويك ويكرمك وتجيب حتة تجنن زى دى ؟؟
http://www.nilemotors.net/nile/371041-teslamotors.html

الف شكر ياوليد بس بصراحة فديو يعقد بصراحة
بس ايه كابل الهواء ده انا مش عندي حاجة راكبة خالص خاصة بالكربراتير لا سلك شفاط اركبهم ازاي دول

المشاركة الأصلية كتبت بواسطة alaaeldineffat

انا اسف ولاهي بس هية اول لما عملت صوت روحت قولت علي طول بس شغالة تمام انا بقول علي الصوت انا والله كونت جايب بيها امبارح 132km\hو مكنتش دايس جامد بس انا مردتش اقرص القديمة كانت بتيجي عند ال90km\h تروح مقطعة و تطفي انا اسف بعتزرلك تاني يا رب تشتغل المعاك تمام

بس هية نفس النوع ولا نوع تاني و اسف تاني

ولا يهمك يا علاء انت مش زنبك حاجة انت اول اما عرفت قولت وعداك العيب بصراحة وبعدين فداك ياكبير

المشاركة الأصلية كتبت بواسطة zekoooooo

السلام عليكم ورحمه الله وبركاته

اولا :- انا قريت الـ 13 صفحه كلهم النهارده وبحيكم بجد علي روح التعاون الموجودة ....

واحب ان انضم لكم انا اسمي رضا من الهرم

انا معايا 128 موديل 79

ثانيا :- في اخ كان بيسال علي اللمبه الي تحت الولاعه في الطابلوة لزمتها ايه

اللمبه دي بتاعه فرامل اليد ( مرفوعه ولا لا ) وممكن توصلها بكل سهولة لو مش واصلة
في زرار تحت فرامل اليد بتوصلها بيها ......

ثالثا بالنسبة للاخ الي كان بيسأل علي ان الدوار بتغيب الصبح ....
انا كان عندي نفس المشكله دي وحلها كان جوان في الكربيراتير والجوان ده كان بسببه البنزين المخزن في الكاربيراتير كان بيطير ......

مع خالص تحيااااااااااااتي

:) :) :) :) :)

تسلم ايدك يا رضا وانا من فيصل جانبيك عند كلية التربية ونورت الرابطة ياكبير وتسلم علي المعلومات اللي انت قولتها

المشاركة الأصلية كتبت بواسطة sam4ever2010

دلوقتى طيب حصل حاجة وخايف من اللى فى بالى .... لمبة الزيت من ساعتها منورتش تانى والدنيا تمام .... وانا خلاص لبست واتخيطت فى طرمبة جديدة استعجلت وجبتها خلاص ومش عارف هل الطرمبة القديمة سليمة ولا بايظة ... خايف يكون لمبة الزيت لما كانت بتنور يكون مشاكل فى الكهرباء بس مش اكتر .... طب والعمل ... اعرف منين ان الطرمبة القديمة سليمة ولا بايظة ولما لمبة الزيت كانت بتنور كده كانت بتنور ليه !!!! ولو الطرمبة القديمة سليمة ياراب اعرف ارجع الجديدة اللى اشتريتها بقى

هو بصراحة مش عارف بس عشان تتاكد تقريبا مش اكيد لو مشيت بالعربية شوية اركن وبص علي مقاس الزيت لو لقيته كله متغرق زيت يبقي كدة تقريبا حلو وبيقلب الزيت

المشاركة الأصلية كتبت بواسطة sam4ever2010

عاوز اظبط الكربيراتير عندى مش عارف اوديه لمين ؟؟ وعاوز اركب سلك بتاع الشفاط ده لان اللى عندى مقطوع اللى بيعلى البنزين

هو في ناس كتير في المظلات بعد معهد ناصر بشوية كدة بتخش يمين بس مش فاكر فين بظبط وفيه واحد عندنا في فيصل في شارع العشرين ده ظبط عنده الكربراتير بتاع الشاهين في مرة كان شغله كويس وبالنسبة للشفاط لو مهم ياريت حد يقولنا نركبه ازاي

**zekoooooo** · 01-08-2013 08:22 PM

دا نورك يا اشرف وان شاء الله نفيد ونستفيد
سلك الشفاط حتي لو مش مهم وفي امكانية انك تركبه يبقي متركبوش ليه

والسلك ده ساعات بتبقي مفيده .....

يعني مثلا عايز تسخن العربيه وانت مش دايس بنزين لانك مثلا بتزود مياه او واقف بره العربيه بتبص علي حاجه وبالاخص في الشتاء ..... ساعتها بتشغل الشفاط

وانا مره العربيه كانت بتبطل مني كل ما اشيل رجلي من علي البنزين فشديت الشفاط سنه صغيرة علشان متبطلش مني وانا ماشي لحد ما رحت وظبتها .....

وبالنسبه لتركيب السلك بتاع الشفاط انا الميكانيكي بتاعي هو الي بيركبه وهو كمان الي بيظبت الكربيراتير ...... ولو عايز حد متخصص كربيراتير قووووي موجود عند محطه مترو فيصل .....

-

الموضوع: عشاق ومحبى فيات 128 كل ما يخص سيارة الشعب

LinkBack

أدوات الموضوع

عرض

-

-

-

-

-

-

المواضيع المتشابهه

رابطة سيارة الشعب الأصيلة ( فيات 128 )

رابطة عشاق و مالكى فيات نوفا بونتو

مساعدة من عشاق فيات 127

((((( مجموعة عشاق و ملاك فيات اونو fiat uno )))))

الكلمات الدلالية لهذا الموضوع

المفضلات

المفضلات

ضوابط المشاركة