الموضوع: عشاق ومحبى فيات 128 كل ما يخص سيارة الشعب

[QUOTE=ahmedesmat1987;3875272623]ربنا يوفقك


1..طقم ال mapa انضف طقم فى السوق حاليا لل128
2..الموبينه جديده وش بدون تفكير اسمع منى موبينه الكترونى افضلك فى حدود 80 جنيه
3.. دينامو الشاهين الفرق بينه وبين ال128 الكتاوت الداخلى وبس لو الدينامو بتاعك كويس وانت لسه مظبتو يبقى تمام هيعيش متقلقش

شكرا والى الامام[/QU
اولا :مشكور على ردك و اهتمامك
ثانيا : طقم الmapa الاقية عند مين فى التوفيقية و بكام و الدينامو بتاعى كويس بس الكهربائى قالى أجيب شاهين عشان الأمبير عالى و كمان ححط لمب 260/220 مع الكاسيت

المشاركة الأصلية كتبت بواسطة abo-yousef

هل حد يعرف ماتور اللانشيا هل ينفع يركب على ال128 ويبقى كويس وايه التعديلات اللى ممكن تتعمل ؟؟

انا ممكن ارصلك قائمه مليانه مواتير تركب على ال128 من اول 60 حصان لحد 210 حصان وهديك نبذه بسيطه

اونو 1050 سى سى 55 حصان
اونو 1200 سىسى 65 حصان
اونو 1200 سىسى توربو 120 حصان
اونو1400 سىسى توربو 170 حصان
اونو 1600 سىسى توربو 210 حصان
لانشيا 1400 سىسى
لانشيا 1600 سىسى حوالى 90 حصان
لانشيا 1800سىسى حوالى 106 حصان
ريجاتا 1300 سىسى 65 حصان
ريجاتا 1500 سىسى انجكشن او كربيراتير
تمبرا 1600 سىسى 90 حصان انجكشن

ولسه بقى مواتير الابارث لو فتحنا فيهم مش هنخلص الخلاصه:

جميع المواتير اللى فاتت كلها ما عدا او موتورين بيتعملها تقويات وشدادات للحوض والعفشه عشان متبهدلش العربيه وكل موتور حسب قوته بيتعدله عفشه وفرامل وساعات تعديل بسيط فى القواعد

اما الانشيا 1400 سى سى هيحتاج بس سمكرى يبصلك على العربيه كلها ويشوفها لو فيها شغل يعمله لو سليمه هتحتاج بعد ما تسقطه تعمل بار حوض فقط عشان العلب متفتحش.

شكرا والى الامام

المشاركة الأصلية كتبت بواسطة abo-yousef

تسلم يا كبير عالمجهود

انا تحت امر اى حد فيكم ويارب دايما ابقى عند حسن الظن

شكرا والى الامام

ياجماعة فيه ناس بتغير لون العربية بس مش عن طريق تغيير البوية بتاعتها
بيكون عن طريق حاجة كده بتتلزق ع الصاج بتاع العربية بيكون لونها مطفى كده انا مش عارف اسمها ايه الصراحة بس بفكر اعمل ده فى عربيتى ال 128 عشان اغير لونها الاحمر اللى مش عاجبنى ده

حد يقولى ده اسمه ايه واعمله فيه بالظبط وهيكلفنى كام وهل هيحتاج تصريح من المرور ولا لا !!!؟؟؟

سؤال كمان يا جماعة
قربة المياه بتاعت الرادياتير عندى كانت مكسورة ومش متوصلة المهم جبت واحدة جديدة وركبتها مكان القديمة وجبت خرطوم مايه عادى من بتاع الحنفية ده ووصلت القربة بالمخرج بتاع الرادياتير وجمدت ع الطرفين بقافيز زى بتاع خراطيم البوتاجاز كده

المهم السؤال دلوقتى مبدئيا لما مليت القربة المياه اتحركت فى الخرطوم لكن موصلتش لاخره او بمعنى اصح مدخلتش الرادياتير ملحوظة نهاية الخرطوم اعلى فى المستوى طبعا من بدايته ( اكيد انتوا متخيلين الوضع لانه نفس الوضع فى عربياتكم اكيد )
هل ده عادى ولا ايه ؟؟
والمفروض انى املى مياة الرادياتير ع الاخر قبل ما اوصل الخرطوم ولا ايه ؟
والقربة املاها مياه للاخر برضه ولا نصها ولا قد ايه بالظبط

انا مليتها لحد قبل الاخر بحاجة بسيطة ولما دورت العربية بعد ما كانت بتنتر مياه قبل ما اوصل الخرطوم من فتحة الرادياتير مفيش مياه اتحركت فى الخرطوم وسبت العربية سخنت شوية لاحظت انه فيه نقط مياه بتنقط من تحت غطا الرادياتير لكن برضه مفيش مياه بتتحرك فى الخرطوم

افيدووووني انا خايف اكون عامل حاجة غلط ولما العربية تسخن والمياه تغلى اكون انا كده مش مخليها تنفس فالضغط يرفع الغطا بتاع الرادياتير النحاس ويعمل مشكلة

افيدووووني