الموضوع: إزاى أزود ال hp لموتور 2e ؟؟

المشاركة الأصلية كتبت بواسطة lanos2004

انا كان معايا ابيزا 94 فيها مكنه 1600 كنت بقفل بيها 200
وكنت بكتب بفرك الكاوتش 11 على الارض
حضرتك عاوز تروح فين 2000 سى سى

هو انا مش فاهم يعنى إيه بكتب بفرك الكاوتش 11 ؟؟
بس انا طموحى أكتر من 200 شويه :)
بص هو الماكس سبيد إللى جبته ببورش بتاعة واحد صاحبى كان 280 .. بجد انا نفسى أوصل ل 300 .. أكيد إنت مقتنع إنى مجنون :D
بس لو تلاحظ كل إنسان عنده هوايه وبيهتم بيها مهما كانت غريبه أو خطيره
انا بقى حبى للسرعه عدى مرحلة الهوايه .. فيلم Fast السلسله كلها بوظتلى دماغى هههههههه

المشاركة الأصلية كتبت بواسطة love increaser

تسلم ياباشا عالرد الجامد ده .. هو الطرمبه بتاعة البنزين إللى عندى كهرباء .. دى مختلفه عن الطرمبه الإسبور ؟
تنصحنى بفرامل إيه كويسه وتبقى حنينه فى سعرها .. تغيير الفرامل ده يعنى تغيير الطنابير ولا التيل ولا الإتنين ؟؟
العلبه الوسطانيه انا حاططها علشان تخف صوت الديفيل شويه علشان ميبقاش عالى أوى
أما بالنسبه للرشاشات والكامتين وال chip control .. دول لازم يتجابوا مره واحده ؟ ولا ممكن أركبهم حاجه حاجه ؟؟
شكرا ياأحمد باشا ومعلش بقى لو سألتك تانى .. انا طمعان شويه فى خبرتك :)

الطرومبه الاسبور بتبقى الضخ بتاعها اقوى من العاديه

الفرامل الجنب كله بيتغير يعنى تيل و طنابير شوف انت ايه الطنابير الكبيره اللى ممكن تركب عندك

العلبه الوسطانيه لو شلتها هتحس بفرق تماماً

بالنسبه للحاجه الاخيره

لازم كله يتجاب مره واحده علشان تحس بفرق تمام خاصه فى حته التتوين و الكامتين

و ياباشا انا تحت امرك فى اى وقت

^_^

المشاركة الأصلية كتبت بواسطة karim ibiza

كلام حضرتك كله مظبوط فيما عدا حتة انه يشيل علبة النص لأن كده مش هيبقى فيه back pressure وبالتالى الـtorque هيقل
أنا معاك ان استجابة دواسة البنزين هتبقى أحسن بس مقابل ده هيكون فيه هدر كبير فى العزم

باشا مين قالك الكلام ده

انا عامل كل الكلام ده فى عربيتى

على الداينو

قبل العلب كان فيه فرق

بعد ما شلت العلب و طلعت داينو تانى فى فرق 5 حصان و 10 تورك

و استجابه البنزين احسن بكتيييير

كلام حضرتك انت اللى غلط فى الجزئيه دى

لان الطبيعى ان انت عملت فرى فلو بدون اى عوائق ازاى حضرتك هيبقى فيه تهدير فى القوه



^_^

المشاركة الأصلية كتبت بواسطة Karim Ibiza

تحت أمرك ياباشا

بالنسبة لموضوع الشكمان شوف الموضوع ده هيفيدك قوى
http://www.nilemotors.net/Nile/363404-98.html

الاسطوانة الـSport دى بتكون مختلفة عن الاسطوانات العادية وبتفرق جامد جدا وموضوع Life Time ده معناه انك هتجيبها مرة واحدة
واحد صاحبى كان جايبها فى الابيزا الـ94 الـVR6 وكانت بـ2500 جنيه

الحاجات التانية انا معرفش سعرها لأن مفيش حد أعرفه ركبهم بس ممكن ابحثلك فى الموضوع واشوفلك اسعارهم
الافضل انك تركب الحاجات كلها مع بعض عشان تحس بالفرق ويبقى كلهم عمر واحد
بس فيه حاجات ممكن تركب لوحدها ولهاش علاقة بالحاجات التانية
يعنى مثلا الـexhaust system مع فلتر الهواء والبوجيهات ده لوحده
الـagressive camshaft لوحدها
طرمبة البنزين لوحدها

تحت امرك فى اى استفسار

انا قريت موضوعك عن الشكمان .. ربنا يستر عليا إذا كنت إنت بخبرتك وإتسحلت كده أمال انا حيحصل معايا إيه ؟ :(
طيب بس انا لما جربت عربية الميكانيكى إللى فيها الموتور إللى أخدته .. بتجيب عالتانى 100 بالحرق المتوسط أو أعلى سنه من المتوسط .. لما جربتها كنت على طريق بس مطلع مش طريق مستوى يعنى .. المهم إنى لما جيت أنقل عالتالت حسيت إن العربيه هديت خالص .. يعنى إنت لو بتحرق عالتانى ونتشت التالت حتحس إن العربيه فيها سنة حرق برضه .. لكن لما جربت محصلش كده .. الواد إللى طلع معايا وانا بجرب العربيه قالى علشان ده موتور عالى وإنت مدتوش راحته عالتانى .. وإحنا راجعين عالمحل بتاع الميكانيكى كان هو إللى سايق وحرق عالتانى ونقل عالتالت بس المره دى لقيت فى عزم جامد .. إشمعنى لما انا جربت معملتش كده ؟؟ وده عيب فى الموتور ولا الشكمان بعلبه ؟
هو كده كده الشكمان ده بتاع الميكانيكى مش بتاعى بس طمنى علشان كده انا بدأت ( أتوغوش ) على رأى هانى رمزى :D
اه كيمو .. إنت قصدك بال life time إنى حاجبها مره واحده علشان معمره ولا علشان سعرها غالى ؟ :D
وإيه ال agressive camshaft دى ؟؟ إللى هى الكامات ال Sport ؟ ولا حاجه تانيه ؟
معلش ياكيمو تعبتك معايا ياباشا :)