بنت الباشا بتبلطج فى الشارع بعصا كهربائيه ممنوعه قانونا

**محمد المشد** · 27-08-2008 02:11 PM

ونحن على ابواب شهر كريم عظيم ، يرغب العبد ان يتقرب فيه الى الله عز وجل ارجوكم 000 إلا تحكموا على فيديو يتهم اناس قد نكون ظالمين لهم ، وبكل الصدق الفيديو واضح انه غير صادق لا البنت شكلها بنت ولا شكلها محترم علشان تتدعى انها بنت عميد بمديرية امن الجيزة واساساً الموضوع يعطيك الاحساس انه انتقام من الشرطة وخلاص وتشوية سمعة رجال الشرطة ، مع تحفظى الكبير على البعض منهم وعلى اعمالهم الغير اخلاقية 000 إلا اننى اتحفظ على هذا الفيديو الملفق المشوة وشكلها واضح عليه لا هى بنت ولا هى بنت عميد ولا بنت عسكرى حتى !
يا جماعة لا داعى للحكم على ما لم تروة وما لم تشاهدونه فى برنامج محترم او تليفزيون نثق فيه وللاحاطة دفاعى هنا عن الاخلاق قبل اتهام الناس بالباطل مع خالص تقديرى لفتح الموضوع

**mohamed_88sk** · 27-08-2008 02:37 PM

فعلا قم لوحة سيارتها ميدلش أنها بنت رتبه
لو نفترض بنت رتبه لايمكن بالسفاله دي حيكون أبوها عنده قناعه بإن أرقام سياراته متكونش مميزة ولا إيه رأيكم ؟؟
غالبا هي بتستهبل .. يعني مثلا كتير من الناس في أي خناقه يقول متعرفش أنا مين وأبن مين وليا مين في إيه والكلام ده الخيبان إياه ...
بس المشكله هنا فعلا إن الناس أحنا المصرين عمتا بقينا نخاف لما نتهدد برتبه للأسف لكن سب الله ودينه لا نتحرك له ساكنا إلا من رحم الله ولا حول ولاقوة إلا بالله ...

**medomada** · 27-08-2008 04:40 PM

أولا أعتقد إن البنت مش بنت ظابط و لا حاجه لإن الطريقه اللى إتكلمت بيها فى التليفون مش ممكن تكون بتكلم أبوها دا يمكن حد تعرفه أو صاحب ليها كمان ليا ملاحظه تانيه :
من سياق الكلام واضح إن البنت خبطت عربيه الولد و بعدين وقفت و دفعت له تمن الإصلاحات اللى حدده هو و ده واضح من كلامها ,طبعا هى لو بنت رتبه ما كانتش عملت كده و لكن بصرف النظر فهى عملت اللى عليها و دفعت التمن و يبدو إن الولد فضل واقف يغلس عليها و ده اللى خلاها تفقد أعصابها و طبعا ده مش مبرر للكلام الخارج و سب الذات الإلاهيه و الغياذ بالله لكن كل شخص يجود بما فيه خاصه عند فقد الأعصاب.
علشان كده بالاش نظلمها فيما يخص الحادث فهى إتصرفت يمكن أحسن من كتير منا فى نفس الموقف أما عن الخروج عن الأخلاق فإلى هذا مجتمعنا ذاهب إن لم يمكن قد وصل فعلا

**mohamed2002** · 27-08-2008 05:22 PM

العربية ملاكي اسكندرية والنمر عادية جداااا ,حاسس انها بتحور وبتقلق الواد

**Migo123** · 27-08-2008 06:08 PM

علشان كده بالاش نظلمها فيما يخص الحادث فهى إتصرفت يمكن أحسن من كتير منا فى نفس الموقف أما عن الخروج عن الأخلاق فإلى هذا مجتمعنا ذاهب إن لم يمكن قد وصل فعلا

يا عم عيب متقولش كده
اتصرفت بمنتهى الانحطاط اللي مش ممكن حد يتصرف بيه
انا عمري ما كنت اتخيل بنت بتكلم بالشكل والطريقه دي

**hamedo0** · 27-08-2008 06:29 PM

دى بنت *** حتي لو الواد مش محترم مافيش بنت محترمه تشتئم الشتائم دي
استغفر الله العظيم

بس هما اكيد اختلفو ******

=========
تنبيه مشدد للعضو
بمراعاة الآداب العامة واختيار الألفاظ
مشرف القسم الاجتماعي