الموضوع: تقييم وتقرير مفصل بالصور .. كيا سيراتو الجديدة 2013

المشاركة الأصلية كتبت بواسطة BuNsH_FoX

بسم الله ماشاء ولا حول ولا قوة الا بالله العلى العظيم ,, الف مبـــــــــــــــروك ياعمونـــــا وربنا يباركلك فيها يارب ويديك خيرها ويكفيك شرهــــا .. خليك حونين عليـــــها وبلاش قرص

حبيبى ياعم بنش الله يبارك فيك ياباشا , قرص مين دانا غلبان :)

المشاركة الأصلية كتبت بواسطة M7amD_7amDy

بسم الله ماشاء الله

الف الف مبروك ياحسام باشا :)

ربنا يديك خيرها ويكفيك شرها

وطبعا تقرير ممتاز جدااا وموضح جميع النقاط تقريبا عاشت ايديك بجد :)

والعربية طبعا تحفة مفيش كلام .. مع نسيبى الفئة اللى قبل الأخيرة كان جايبها أيام مكانت رخيصة هههههههههه 174 باكو :)

لما شوفتها وقعدت جواها الصراحة بقت أحلى كتير وحركة المرايات والأضائة بتاعت الأوكر حلوة عجبتنى وأتفاجئت بيها لما قربت من العربية من غير ما أفتحها :))

بس مجربتش أسوقها الحقيقة

الله يبارك فيك ياحمدى باشا , اللى معايا تعتبر زى اللى مع قريبك ماعدا السى دى والكاميرا

لو جتلك فرصه حاول تسوقها بجد هاتعجبك احساسها مختلف

المشاركة الأصلية كتبت بواسطة ابو ليلى

الف مبروك يا فنان ويارب يبارك فيها ويحفظها ويحفظك من كل سوء
مفاجاة كبيرة طبعا وخصوصا منك ولا حس ولا خبر يا قلبك القاعد تمشى بيها 3600 ك ولا تقول ماشى بس لما اشوفك .....
طبعا تقرير وافى وشامل وخصوصا انك مجرب الاتنين وانت اكتر واحد يقدر يحكم فى الفرق بينهم
قلى البنزين عندك اخباره ايه والنسب زى اللى فى مصر ولا مختلفة
عربيتك القديمة عملت فيها ايه وبعت واشتريت دى بكام
اخبار التنطيط ايه من وره فى الفواصل واكتر سرعة كانت كام
وكفاية كده دلوقتى

حبيبى الكبير اوى ابو ليلى الله يبارك فيك , بس ماتظلمنيش ياكبير :)

اولا انا كنت عايز اقولك واعمل التقرير من زمان بس انت ماتفهمش كأن الموضوع مش عايز ينزل :) مره بعد ماكتبته كله اللابتوب فصل , ومره تانيه بعد ماكتبت كله برضه وباحط الصور الصفحه هنجت وحلفت ماتفتح , طبعا كان فى فترات مابين كل محاوله والتانيه حتى المره دى كان الموضوع هايبوظ برضه بس لحقت نفسى وكنت واخده كوبى عالوورد وعدت على خير الحمد لله

ثانيا بقى انا ماجبتش العربيه زيرو انا جبتها كسر زيرو ماشيه 3500 كم , شوفت بقى انك ظالمنى وعملت التقرير على طول أهو :) دانت كبير الكياويه ومينفعش اخبى عليك حاجه , العربيه دلوقتى ماشيه 4000 وشويه

انا كنت بافكر اجيبها زيرو بس كنت متردد لان الزيرو هنا بيخسر كتير عند البيع وانا مش عارف انا قاعد هنا اد ايه فكنت مستحرم الخساره , فبالصدفه لقيت واحد عاملها اعلان عشان مضطر يسافر رحت شوفت العربيه لقيتها تعتبر زيرو لسه باكياسها وكشفت عليها لقيتها تمام وتوكلت على الله وابقى وفرت شويه من نسبة الخساره

البنزين عندى 90 و 97 وانا باحطلها 97 , الكتالوج بييقول 91 ومافوق

عربيتى القديمه بعتها ب 37 وجبت دى ب 61

مفيش تنطيط فى الفواصل لان مفيش فواصل :) الطريق يا اما نضيف ومتسفلت يا اما شوارع جانبيه مكسره فهاتمشى بالراحه , اكبر سرعه كانت 160 تقريبا واكنت مره واحده ومش عارف اجربها براحتى عشان الرادارات اللى فى كل حته , ماحدش يفكرنى بيها عشان خربت بيتى

وانا معاك ياكبير فى اى حاجه تانى

المشاركة الأصلية كتبت بواسطة hossam_elwani

الف الف مبروك عليك يا استاذ حسام

انت جبتها عشان تنزل بيها مصر ولا مش فارقه ؟؟

ولكن عايز اسألك بخصوص سير الكاتينه هو ازاى كاوتش مع العلم لن الموتور هو هو نفسه بتاع الالنترا الى السير فيها كاتينه جنزير؟؟ مش غريبه دى

والدواسات الى فى ارضيه دى جايه معاها ولا تفصيل ؟؟

الله يبارك فيك

لأ موضوع تنزيل عربيه مصر بصراحه فاشل لانك هاتبقى دافع اكتر من تمن العربيه فى مصر فملهاش لازمه , وكدا كدا انا مش المالك الأول

موضوع السير مش عارف بصراحه ياريت لو حد يعرفلنا اللى فى مصر السير بتاعها ايه

الدواسات اللى فى العربيه أصليه بس ماكنتش جايه مع العربيه انا اللى اشتريتها , موقف غريب كدا

صاحب العربيه الاول لما استلمها تقريبا حاطوله الدواسات بتاعت الشكل القديم معرفش ليه , ممكن يكونوا بيشحنوا العربيات من غير دواسات وبيجيبوا الدواسات من قسم قطع الغيار لما يبيعوها فممكن تكون ماكنتش لسه جتلهم , الله اعلم

المهم انى اخدت بالى من الحكايه دى وروحت التوكيل سألت على دواسات الشكل الجديد قاللى موجوده حاولت اخد دواسة السواق فقط قالولى لأ ماينفعش الطقم متغلف على بعضه حكيتلهم الموقف برضه رففضوا بس قالولى هانعملك تخفيض عليهم قولت مش مشكله وجبتهم وحطيت الطقم القديم فى شنطة العربيه مؤقتا ليقوم بدور فرش الشنطه :)

المشاركة الأصلية كتبت بواسطة hmotors

ماشاء الله عربية جميلة، والف مبروك ربنا يبارك.
الصراحة مجهود كبير وتفاصيل أكثر من ممتازة
السيراتو عربية بتنافس بجدارة، الواحد بدأ يقتنع بالشكل الجديد.

خالص تحياتى لحضرتك،
.

الله يبارك فيك

ويرزقك ويرزق الجميع باللى أحسن منها إن شاء الله