الموضوع: حساس الاكسجين (الشكمان)

المشاركة الأصلية كتبت بواسطة mtsaber

السلام عليكم

احب في الاول اني اشكر جميع اعضاء المنتدى اللي بيشاركوا مشاركات فعالة فعلا بنستفيد منها كلنا .
المشكلة اللي عندي اني لما بشغل العربية سواء كان الموتور سخن او بارد ان الار بي ام بعد التشغيل بحوالي نص دقيقة بينزل كأن العربية هتطفي وبعد كده يرجع تاني عادي واول ما امشي احس ان العربية مكتومة لمدة دقيقة وبعد كده تكمل المشوار عادي والسحب كويس ، قلت اروح افحصها بالكمبيوتر لقيت الراجل بيقولي ان حساس الاكسجين(الشكمان) بايظ وان العربية فيها حساسين ولازم يتغيروا الاتنين مع بعض فهل الكلام ده صح ولا لأ والحساسين دول بكام؟ وهل في خطر اني امشي بالعربية كده ولا لازم يتغيروا؟
وشكرا

الكلام ده مش صح المفروض يحدد اي الحساسين الى فيه المشكله وممكن تكون المشكله من علبة البيئة Catalytic Converter

اعراض تلف علبة البيئة حاجتين
1-ممكن تكتم الموتور (في حالة حدوث سدد بداخلها يحول دون خروج العادم بشكل طبيعي)
2- ممكن تعمل صوت رنة مع دوسة البنزين (لو الفحم الموجود جواها اتكسر)

اما بالنسبة للحساسات عندنا في الميجان 2 حساس اكسجين واحد قبل العلبة وده وظيفته قياس نسبة الاكسجين في العادم الخارج من الموتور مباشرة وقراءته بتروح للكنترول عشان تحسين عمليه الأحتراق الداخلي والحساس التاني راكب بعد العلبة وده وظيفته التأكد من ان العلبة بتعمل بكفاءة وبرضه بكمل دور اخوه الى قبل العلبة Helper
خلاصه الكلام السابق ان الحساس الى قبل العلبة هو الأهم ودائماً هوه الى بيعطل لآنه معرض اكتر للسخونه وللعادم والى بعد العلبة ده مساعد مش اكتر ..
كمان عاوز اضيف ان تلف الحساسات ديه ليه حالتين .
الأولى ان الحساس يكون قاطع خالص وفي الحالة ديه هتنور لمبة الأعطال في التابلوه (عطل صريح)
الثانيه ان الحساس يكون شغال بس مش بكفاءة او بمعنى اخر القراءه الى بتروح للكنترول خاطئة وفي الحالة ديه ممكن تنور لمبة الأعطال وممكن لأ (عطل خبيث ويحتاج فني ماهر يكون عارف قراءة الحساسات في Normal Case عشان يقدر يحدد الحساس الي قرايته مش Within Range

علبة البيئة فى بداية تلفها .... عند عدد لفات موتر 3000 كدا أ 2800 لفة هتحس بصوت زى جرس كدا
لما بتبوظ
ممكن تكتم العربية فعلا وممكن الفحم يبتدى يتكسر جواها وبعدين هتحس بشحللة هتبان قوى على السلانيسيه وهتسمعها وانت طالع وصوت الشكمان هيبقى أعلى

رائحة العادم هتبقى غريبة شوية ... معرفش هل دا عشان عدم ااحتراق جيد بسبب قراءات خاطئة من الحاسس اللى بعد العلبة ولا إيه بالظبط

بالنسبة للى يساعد فى تلفها بسرعة أو ممكن يبوظها ... لو عندك كويل ضرب ومشيت بالعربية مسافة هنا ممكن تبوظ

غيره دلوقت ... جرب تفكه وتنضفه الأول