الموضوع: إيفو ولا سيفيك معدله ؟

المشاركة الأصلية كتبت بواسطة nesr6060

هتسيب الابيزااا علشان شدايه ينفع كدا والله حرااام

وبعدين هما مش قالولك فى القسم انك ممكن تسقط موتور كوبراا وساعتها ال hp بتاعك هيبقى اعلى بكتير طيب ما تجرب كدا تسقط موتور الكوبرااا بدل ما تنقل وعمر ما التكلفه هتوصل ل 100 الف ابداا ساعتها

حبيب قلبى كل سنه وإنت طيب :)
انا مش حسيب الإبيزا أصلا .. حتفضل موجوده بس حسيبها لوالدتى
وبعدين انا عايز أغير علشان السرعه والتسارع بشكل عام مش علشان خاطر شدايه واحده :)
لو سقطت موتو الكوبرا التكلفه الإجماليه بالمصاريف إللى صرفتها Already حتبقى تقريبا 80 ألف جنيه .. وفى المقابل حيبقى معايا موتور 1800 CC و 180 HP لكن بتكلفة 100 ألف يعنى زياده 20 ألف بس حيبقى معايا موتور 1800 CC و 290 HP فرق جبار طبعا .. ده غير إن مبلغ ال 100 ألف ده شامل التظبيط الخارجى كامل .. انا الإبيزا مش متظبطه خارجى عندى .. يعنى لو فكرت أظبطها ححط مش أقل من 20 كمان لزوم جنوط وكاوتشات نضيفه نضيفه بقى وسمكره ودوكو .. فالنتيجه حتبقى برضه قفلت ال 100 ألف بس ده شامل إللى انا صرفته خلاص عليها .. والفرق حيبقى 110 HP تقريبا .. بذمتك مش فرق مغرى لواحد مجنون سرعه وتسارع ؟ :)

المشاركة الأصلية كتبت بواسطة ahkahkahk

100 ميزانيه تركبك bmw e36 وتعدلها كامله m3 او تحطلها 18is وتربنه ولو انت غاوى جري وشد شوف e30 بيتعمل فيها ايه وبتعمل ايه هتدفع 100 الف فى حاجه يباني يقوم جاي واد بعربيه e21 مسقطلها سستم عالى ومتربنه بجننك

انا معلوماتى فى ال bmw على قدى زيها زى الإفوهات :)
ممكن تعرفنى التعديل إللى بتتكلم عنه ده حيخلى التورك والسى سى والهورس باور قد إيه ؟
وياريت لو عندك معلومات عن الإيفو تعرفنى
تسلم ياباشا وألف شكر على إهتمامك :)

المشاركة الأصلية كتبت بواسطة ahkahkahk

انا ماليش فى الايفو خالص هو الموتور بيبقى 1800is 140hp stock وبيعلي عن كده بكتيير بالتربو بس انا معرفش بيوصل لكام بالظبط اما الموتور بتاع m3 بيبقى نوعين نوع 3000cc 286hp stock
3200cc 321hp stock
وانت فى حالة الجديه هتدخل تعمل موضوع في قسم البي ام وهيظبطوك هناك تكلفه وكده لو هتجيب عربيه 18is وتربنها هتدور عليها ستوك فى السوق مش هتزيد عن 70 الف والتربنه بعشرين مثلا وفل على كده لو هتسقط سستم m3 يبقي هتدور على عربيه عايزه تظبيط بتعمل من 55 لحد 60 كده وهتجيب عربيه m3 كامله نصين وتفضى اللى فيها عندك

حدخل أسألهم عن ال BMW بس إيه ال 18is ؟؟
وبعدين انا مش حتربن علشان التيربو مشاكله كتيره أوى وصيانته مكلفه كل شهر .. انا ممكن أعمل كل التعديلات بس بعيد عن التيربو
تسلم ياباشا :)

المشاركة الأصلية كتبت بواسطة nesr6060

معرفشى انت بتقول لو سقط موتور كوبراا هيكلفك 80 الف ازااى ليه هو الموتور ده بكام معتقدشى انه هيبقى بالسعر ده خالص

وعلى فكره انا مع راى عشاق البى ام لو انت عاوز تجرى وهتسيب الابيزاا يبقى متنزلشى للهونداا عندك البى ام خرااااااااافه و وانا الصراحه بعشقهاا بس عيبها سعر قطع غيارها واسكسوارتها الغاليه
انا شايف احسن بى ام ه ال موديل 92++ اللى بيقولوا عليها دبانه وبالنسبه للموتور ال m3 انا اسمع انه جبااار بس عاوز اعرف انت بتقول الهوندا هتبقى 290 hp ممكن افهم ازااى هو فى موتور من غير تربو يدى 290 و 1800 سىسى معتقدشى حتى لو كانت 16 صباب مستحيل اعتقد انما لو كانت بتربو يبقى خليك فى الابيزا وركب موتور كوبراا وركبله تربو عالى ياما تروح على البى ام فعلاا لا يعلى عليهاا

حبيب قلبى انا مقولتش إن الموتور حيكلفنى 80 ألف .. إنت مقرتش الرساله بتاعتى كويس بس :)
انا قولت إن التكلفه الإجماليه حتوصل ل 100 ألف .. ده شامل التعديلات والتظبيتات إللى انا Already عملتها .. اما موتور الهوندا ال GSR فهو Stock بيبقى 190 HP مع تعديلات معينه يوصل ل 290 HP من غير تيربو .. لو تربنت ساعتها ممكن أوصله ل 550 HP بس انا ضد فكرة التيربو علشان مصاريفه Over أوى
ال BMW جميله طبعا مفيش كلام .. بس علشان أعمل BMW بالموتور إللى انا عايزه يبقى حكسر سقف ال 100 ألف بكتير