الموضوع: واحد خبطلي عربيتي ... والظابط صاحبو كان عاوز يلبسني جناية وجنحة كمان هههههههه

للأسف موضوع الرخصه المنتهيه ده ضيعلك حقك القانوني وان صاحبك اللي كان سايق ده ضيعلك حقك في التأمين بس طبعا انت ممكن تصلح تبع التأمين بدون ما تعمل محضر خصوصا ان التكلفه بسيطه. ولو كانت الرخصه ساريه (متهيألي رخصه القياده ملهاش 30 يوم سماح زي رخصه العربيه) كان ممكن تعمل المحضر بيها لأن البطاقه وجواز السفر ورخصه القياده كلهم اثباتات شخصيه صادره عن وزاره الداخليه بس هوه نصيبك كده واعتبرها الخبطه اللي لازم تاخدها أي عربيه جديده معلشي ولاد الحرام مخلوش لولاد الحلال حاجه وبعدين انت ايه بس اللي خلاك ترجع من السعوديه :p

بص بقى لو كان موقفك سليم كنت هقولك اشتكي في تفتيش مديريه الامن وده ممكن تعمله بالتليفون وحمايا عمل كده أكتر من مره في كذا موقف وبيحققو في الموضوع وبنسبه كبيره بتاخد حقك وتخيل هوه الوحيد في مصر تقريبا اللي معاه رخصه (مش تصريح) وملف عربيته مش موجود في المرور اللي طلعت منه الرخصه بسبب انه اتمسك بحقه انه ميفضلش رايح جاي على المرور كل 3 شهور وعرضو عليه ياخد 6 شهور أو سنه ورفض وصمم ياخد رخصه تنتهي بنهايه الترخيص لأنه بيجدد 3 سنين دايما عشان ميروحش المرور ولما الظابط رفض قام مشتكيه وفضل ورا الشكوى بالتليفون اسبوعين لحد ما اتصلو بيه وقالوله فيه تعليمات في المرور انك تستلم رخصه وفعلا راح عملوهاله. ودي بتبقى مفاجأه زي بالظبط كده لما جهاز حمايه المستهلك بيفاجىء ناس ويجيبلها حقها بس انت دايما اعمل اللي عليك و ادي المسؤول فرصه انه يعمل اللي عليه لأن في أي مكان لازم تلاقي حد عنده ضمير بيعمل شغله بذمه لكن لما انت تسكت بتفوت الفرصه على نفسك.

المشاركة الأصلية كتبت بواسطة trise2

بص حضرتك الناس دي بتنزل من بيتها مش عارفه هترجع لبيتها وعيالها ولا لا ...وسيادتك عامل فرح وهلله وموضوع طايح يمين وشمال علي فانوس عربيه
مش قادر علي مصاريفها متركبهاش ...ومخربتش الدنيا علي فانوس بتاع سيادتك

ايه ارد المستفز ده!!!!!!!!!!!!!!!!!!

تصدق بالله

انا لو صاحب العربيه وسمعت البؤقين دوول وانت بتكلمنى وش لوش كنت حطيتك مكان الفانوس علشان تعرف ان الدنيا خربت ولا لا

يلا مستنى ايقاف اهوا الواحد بقالوا كتير متوقفش

حاجه تقرف