واحد خبطلي عربيتي ... والظابط صاحبو كان عاوز يلبسني جناية وجنحة كمان هههههههه

**M.ABDOU** · 24-07-2013 02:07 PM

المشاركة الأصلية كتبت بواسطة trise2

الكلام ورا الكيبورد سهل ..مش كده? ?
سيادتك احنا هنا منتدي محترم لا سبابين ولا لاعنين عايز تشارك علي هذا الاساس فوق راسنا من فوق
غير كده مكانك مش معانا...

هوا الكلام مكانش سهل برضه وانت بتقول للعضو هنا انه لو مش قدها متركبهاااش!!!!!!!!!

وعلى فكره

انا الحمد لله مبتطلعش كلمه منى الا لما بكون حاسب حسابها وقدها

قبل ما ترمى الناس بالكلام دوقه الاول وشوف طعمه لو معجبكش يبقى مطلعوش احسن يا برنس

ولا ايه الكلام!!!!!!!!

**Mohab.Nabil** · 24-07-2013 02:35 PM

المشاركة الأصلية كتبت بواسطة trise2

بص حضرتك الناس دي بتنزل من بيتها مش عارفه هترجع لبيتها وعيالها ولا لا ...وسيادتك عامل فرح وهلله وموضوع طايح يمين وشمال علي فانوس عربيه
مش قادر علي مصاريفها متركبهاش ...ومخربتش الدنيا علي فانوس بتاع سيادتك

و لو ظباط الشرطة مش قد الشغلانة بتاعتهم و مش قادرين يحققوا الامن و الامان ميشتغلوش الشغلانة ديه برضه

الشرطة في مصر الا من رحم ربي فاكرين ان شغلتهم يفيموا العربية و يمسكوا اللي مفيم العربية

نسيوا خلاص ان محاربة البلطجة و تحقيق الامن ديه شغلتهم الاساسية .. خايف علي نفسك مكنتش دخلتها من الاول

**amr011111** · 24-07-2013 02:55 PM

اللى اعرفه ان ظابط الشرطه داخل كلية الشرطه وعارف ان شغلانته هتبقى مع الحراميه والبلطجيه وانه ممكن يموت وداخل بواسطه وفلوس علشان كده

من المضحك ان فى اواخر ايام العادلى ان لما كان ظابط بيمسك حرامى بيدوه مكافأه
طيب ما هى شغلته انه يمسك حراميه ياخد مكافأه على شغلته
معنى كده ان المفروض موظف السجل المدنى ياخد مكافأة كل لما يطلع بطاقة لمواطن

**Ahmed_Adham** · 24-07-2013 03:37 PM

وعلى فكره السواقه من غير رخصه ولا جنحه ولا جنايه الموضوع كله غرامه 50 جنيه مفيش غيرها وأنا كنت فاكر الموضوع ده اشاعه لأن السواقه بدون ترخيص المفروض تكون أكبر بكتير من 50 جنيه بس واحد قريبي ظابط مرور أكدلي انها 50 جنيه بس ولما قلتله مش منطقي قالي ماهو كده كده ناس كتير سايقه برخصه واخدينها بالوسايط ومش بيعرفو يسوقو فمش فارقه كتير.

**Ahmed_Adham** · 24-07-2013 03:38 PM

المشاركة الأصلية كتبت بواسطة windofchange

سؤال ياجماعة لما رخصة العربية تكون منتهية واتسحبت في كمين وبمشي بالعربية عادي وبقالي يجي 6 شهور مرحتش اجدد لو وقفت في كمين له حق يحجز علي العربية ؟ مش ياخد غرامة وخلاص؟

لو ممعكش رخصه العربيه خالص هتتحجز العربيه عشان احتمال تكون مسروقه ولو معاك ومنتهيه هتتسحب وممكن يبقى فيه غرامه كمان.

**Khaled Online** · 24-07-2013 03:40 PM

ألف حمدًا لله على سلامتك
بس انت برضه غلطان! تقولي ليه أقولك ليه
بتقول الموضوع حصل قبل السحور يعني بعد المغرب يعني مانتش صاااااايم! يبقى تطلع *&^%^*&$&^*%&%^$^%$#^$%#%$@#%$#@%#$@$#@%#$@^%$#@^% $#@%$#@%$#@%$#@$#@ الواد ده وشوية الـ.](&*^*^&%&%^$#^$%#@#$!@%^$#^%#$@^$%#$% اللي معاه في ساعتها.
وأحب أوجه سلامي لكل رجال القانون في جمهورية مصر العربية وكل عام والجميع بخير الحقيقة! :) ههههههههههه

**ابو لؤى** · 24-07-2013 03:54 PM

اكتر شاهد عجبنى بتاع البيبسى الصاروخ ده هههههههههههههه الرايق

**Elawany13** · 24-07-2013 05:42 PM

المشاركة الأصلية كتبت بواسطة ahmed_adham

وعلى فكره السواقه من غير رخصه ولا جنحه ولا جنايه الموضوع كله غرامه 50 جنيه مفيش غيرها وأنا كنت فاكر الموضوع ده اشاعه لأن السواقه بدون ترخيص المفروض تكون أكبر بكتير من 50 جنيه بس واحد قريبي ظابط مرور أكدلي انها 50 جنيه بس ولما قلتله مش منطقي قالي ماهو كده كده ناس كتير سايقه برخصه واخدينها بالوسايط ومش بيعرفو يسوقو فمش فارقه كتير.

فى عام 2004 مرة وقفت فى كمين بالموتوسيكل طبعا مرخص وعليه نمر ورخصته سارية ... بس كانت رخصة القيادة بتاعتى منتهية نفس حاله اخونا محمد الرفاعى ... وكنت قابلها رجلى فى الجبس ومكنتش بسوقه من شهور وده كان أول مشوار ليا بعد فك الجبس وكنت ناوى تانى يوم اروح المرور اجددها
المهم رخصتى اتسحبت وروحت نيابة المرور واترزعت مخالفة 100 جنيه
وديه كانت أول مخالفة ادفعها فى حياتى ومن يومها وانا اتعلمت الأدب واتعلمت الإلتزام بالقانون مهما كانت الظروف واستشعرت اهميته بالنسبة ليا كمان
ونفس المخالفة ديه بردو هى آخر مخالفة فى حياتى
كل شهادات مخالفاتى من يومها نظيف تماماً والحمد لله سواء العربية أو الموتوسيكل

**Ahmed_Adham** · 24-07-2013 06:02 PM

المشاركة الأصلية كتبت بواسطة elawany13

فى عام 2004 مرة وقفت فى كمين بالموتوسيكل طبعا مرخص وعليه نمر ورخصته سارية ... بس كانت رخصة القيادة بتاعتى منتهية نفس حاله اخونا محمد الرفاعى ... وكنت قابلها رجلى فى الجبس ومكنتش بسوقه من شهور وده كان أول مشوار ليا بعد فك الجبس وكنت ناوى تانى يوم اروح المرور اجددها
المهم رخصتى اتسحبت وروحت نيابة المرور واترزعت مخالفة 100 جنيه
وديه كانت أول مخالفة ادفعها فى حياتى ومن يومها وانا اتعلمت الأدب واتعلمت الإلتزام بالقانون مهما كانت الظروف واستشعرت اهميته بالنسبة ليا كمان
ونفس المخالفة ديه بردو هى آخر مخالفة فى حياتى
كل شهادات مخالفاتى من يومها نظيف تماماً والحمد لله سواء العربية أو الموتوسيكل

طبعا الالتزام حلو وعلى رأي المثل امشي عدل يحتار عدوك فيه ومفيش اوحش من انك تبقى في موقف ضعيف وتحتاج تعتذر عشان غلطان وبالرغم من ان الاعتذار في وقت الخطأ كويس بس الاحسن منه ان الواحد ميحطش نفسه في الموقف ده من الاساس. بس ساعات الواحد من استعجاله مثلا ينسى الرخصه لأي سبب وساعتها تبقى تحت رحمه الظابط لو قدر موقفك عشان شكلك محترم بتفرق عن انه يوقف واحد يلاقي وشه كله مظاوي وممعاهوش رخصه ولو برضه اتمسك بحقه ونفذ القانون عليك بالرغم من ان شكلك محترم وممكن تكون نسيت الرخصه للاستعجال منقدرش نلومه.

أنا عشان كده حاطط الفلوس والبطاقه والرخص في محفظه واحده ولو هخرج اجيب حاجه من محل جنب البيت على رجلي حتى باخدها معايا عشان ممكن حد يتصل بيك مثلا تروح مشوار تجيب اي حاجه فتاخد العربيه وتطلع وانت ناسي انك مش معاك الرخص.

-

الموضوع: واحد خبطلي عربيتي ... والظابط صاحبو كان عاوز يلبسني جناية وجنحة كمان هههههههه

LinkBack

أدوات الموضوع

عرض

-

-

-

-

-

-

-

-

المواضيع المتشابهه

وعندك كمان واحد ساجا اف ال اكس Saga FLX

وانا كمان عربيتي بتسخن و بتبطل

وعندك كمان واحد تيجو 2010

بركووووووولى و عندك واحد سيراتو كمان

شوروا عليا قبل ما ارتكب جناية

الكلمات الدلالية لهذا الموضوع

المفضلات

المفضلات

ضوابط المشاركة