الموضوع: تجربه قياده bmw 328 f30

[youtube]http://www.youtube.com/watch?v=rhiUVeXe0hY[/youtube]

المشاركة الأصلية كتبت بواسطة s o p h o s

ما شاء الله
مشكورر عالفيديو ..

العفو يا زعيم

المشاركة الأصلية كتبت بواسطة massoh

شكرا على اللنك كنت باحاول امبارح اتفرج عليه ومكانش شغال معى .... كان نفسى يعمل التقرير على 320 علشان خير الأمور الوسط بس اهو الحمد لله على كل شئ 316 بعد الأسعار والغلو اللى فى اسعار السيارات ده رضا ونعمة وفضل من الله

شريف باشا لى كام سؤال لو كنت رحت الصيانة وطلبت الحاجات دى ولا لأ ....
تعديل ال auto start/stop الى last driver setting
تعديل التكييف الى last driver setting
تفعيل الاوامر الصوتية
تعديل البلوتوث الى enhanced bluetooth usb codingوبه تقدر ترى صورة ألبوم الأغانى على الشاشة
تحديث السوفتوير idrive

العفو يا زعيم
للاسف لسه معملتش اول صيانه لسه
بس الحاجات اللي انت بتسال عليها دي حد اتعملت و لا انت بتسال اذا كان ممكن عملها و لا لا

المشاركة الأصلية كتبت بواسطة MohssenRashed

مشكور

العفو

المشاركة الأصلية كتبت بواسطة Ahmed_Adham

لسه فاتح الفيديو. مش ده الواد اللي كان سايق الماستنج اللي كانت جايه من قطر؟

ايوه هو
و دي ال channel بتاعتة البرنامج اللي بيعمله

المشاركة الأصلية كتبت بواسطة Ahmed_Adham

أيوه هوه. وعلى ما أتذكر الزياده في 328 عن 320 تيون الموتور أعلى جايبه 245 حصان مقابل 187 في ال 320 بنفس الموتور وفيها تسارع ثانيه أقل وكمان شيفتات ورا التاره وباركينج سينسور أمامي ومسند الكونصول متحرك وفرق السعر 80 ألف. طبعا أوفر بكتير عن ال e90 330 في الضريبه السنويه بس مازالت 316 و 320 نجوم البي ام في مصر.

اعتقد كمان فيها التكيف ال 4 زون
و هي اول فئه بتزل بالاوبشن بتاع السبورت + و الباكيدج بتاعته في ال i drive
اللي بتجيبلك التورك و الهورس باور
انا شخصيا مش شايفها بديل ال 330 لان ال 335 هي البديل الحقيقي
ال 328 هي بديل ال 325 و دي مكنتش بتنزل مصر تقريبا
و اكيد ال 316 و ال 320 تحديدا اكتر مبيعات ال 3

المشاركة الأصلية كتبت بواسطة massoh

لا يا باشا .... ده سؤال لانى عارف انك فاهم كويس فى عربيتك وعاوز استفيد من معلوماتك والأصدقاء فى المنتدى ......وأنا عاوز أعمل الحاجات دى ومش عاوز انتظر لغاية اول صيانة لانها بالنسبة لى الصيانة بعيدة قوى وعاوز اشوف حد فعلا عمل اى حاجة منها لان الحاجات دى طبيعى تتعمل فى اى دولة فى ثوانى غير مصر المحروسة لما طلبت اعمل تعديل ال Auto Start/Stop قبل الاستلام قالولى حيأخر التسليم والواحد تعب لغاية ما العربية جت غير انهم ممكن يقعودوا يتنكوا كانك بتطلب خدمة وياسلام لو طلبوا فلوس حيسمعوا احلى كلام لان الكلام ده كله بيتم مجانا بره ... عموما انا حاتصل بخدمة العملاء احاول احجز اعمل الحاجات دى بعد العيد واشوف حيقولوا ايه... غالبا حيعتبرونى مجنون
وبالمرة حاسأل عن نظام تركيب الجي بى اس تراكر اللى المفروض شركات المحمول حتشتغل فيه والنظام الوحيد الواضح ومسعر لغاية دلوقتى اتصالات وهل التوكيل بيركبه عنده ويستمر ضمان الكهربا ولا ايه النظام
آسف على الإطالة
تحياتى

انا كمان للاسف لسه قدامي فتره لحد اول صيانه لاني مش بستخدم العربيه علي طول
و التعديلات دي انا مسمعتش عنها بصراحه بس طالما بتتعمل بره يبقي هيعملوها هنا عادي بس اعمل حسابك في يوم لانهم بيطولوا في الحاجات دي
و طالما هتروح يبقي قول لي هتوصل لايه

المشاركة الأصلية كتبت بواسطة 2CODE

مين قال لك ان التعديلات دي هتتعمل ببلاش ؟ اللي قال الكلام ده ليك يبقى كداب او مجنون بصراحة يعني التوكيل هيقول لك اللي قال لك ده مجنون مش هيقول عليك انت المجنون

انا علشان طالب العربية فيها مرايات ضم مغيرها بـ9000 جنية حضرتك بتتكلم ازاي ان التعديلات ببلاش

جرب كلمهم وشوف بس بلاش تتعصب عليهم لانهم هيتعصبوا عليك - انت عايز تغير للـSmart Key ببلاش ؟؟؟؟؟؟؟؟ ده كفاية انه هيفك الكونسول كله وهيغير الكونتاكت كله دي شغلانه طويله اقل شئ هياخد فيها 6 الاف جنية وهتشوف دي BMW يا باشا

انا طالب كاميرا HD عارف يا فندم بكام ؟؟؟؟؟ 12 الف جنية !!!!!!!!!!
وبلاش اصدمك بالباقي كده كويس

لا يا زعيم الوضع مختلف
انت طالب تعديلات في العربية نفسها hardware
لكن احنا بنتكلم في تعديلات software مش اكتر تقدر تقول updates يعني
و المفروض التعديلات دي بتتعمل ببلاش في كل حته بس زي ما احنا عارفين مصر غير