الموضوع: حادثة كبيرة بيجو 206 ارجو المساعدة

المشاركة الأصلية كتبت بواسطة falcon77

متشكر جدا لأهتمام جضراتكم بالمشكلة بتعتي.
شاسية العربية للأسف مش سليم وكمان السقف والكابينة. اللى سليم وش العربية من قدام والموتور وشنطة العربية. (العربية مقطومة من النص) لأنها مخبوطة من الجنب الأيمن بين البابين. زى ماهو فى الصورة

ايوة تمام كدة
انت عندك رقم الشاسيه هو اللى سليم مش قصدى الشاسيه ككل
الرقم بس اللى هو في الغالب بيبقى موجود في سدر العربية قدام ورا التابلوه بالظبط بس في الحوض

الرقم ده لو سليم ممكن السمكري يقطع الجزء الصاج بتاعه ويلحمه في شاسيه تاني استيراد اللى هو هيبقى عبارة عن عربية استيراد مقصوصة 3 حتت وتلحمها

وبكدة مش هيبقى عندك اي مشكلة في الورق لانك هتلزق رقم الشاسيه القديم ع الشاسيه الجديد ويبقى الشاسيه الجديد ده كأنه هو هو القديم قدام المرور

او ممكن تقطع شاسيه عربيتك من قدام (النص القدمانى عندك لو كله سليم مية في المية)
وتركبه على كابينة ونص خلفى استيراد برضه
وكدة هتوفر في الفلوس لانك هتجيب نص خلفى وقوايم وسقف فقط ومش هتقطع وتلحم عند منطقة رقم الشاسيه وهنا وضعك هيبقى اكتر قانونية شوية

مفيش صور ظاهرة على فكرة
حاول ترفع الصور تانى عشان نقدر نساعدك اكنر
وخير ان شاء الله

شوف العربية على كده تجيبلك كام الاول
وشوف العربية على حالتها الاولى كانت تجيب كام علشان تعرف الموضوع له فايدة ولا تخلص منها على حالتها احسن

المشاركة الأصلية كتبت بواسطة leitosr

علي وصفك دا متهيألي وأنها مقطومة من النص أن أفضل الحلول أنك تبيعها لبتوع الأستيراد وحوادث التأمين,
هما بيقطعوها وبيشوفو أيه سليم بينزل تاني السوق علي أنه قطع غيار أستيراد.

لأن بالشكل دا التصليح هيبقي مكلف جدً ومش هيديك نتيجة مرضية في الأخر,, ولا أمان,,,
والأحسن أنك تبيعها علي حالتها دي, واللي هتجيبه تزود عليه وتجيب حاجة تانية بدل ما تصرف عليها فلوس تصليح من غير ما تاخد نتيجة مرضية.

بيع كل الحاجات السليمة في وش العربية بأحسن سعر, وبالتمن اللي كنت قولت هتصرفة علي التصليح هات بيه عربية تانية بعد ما تزود عليه المبلغ اللي هيجي لك منها.

انا شايف كده برضه ده احسن حل و ربنا يعينك

thanksssssssssssssssssssssssss

اقتراح

ايه رأيك لو تبيع الأجزاء السليمة لأعضاء المنتدى بسعر وسط

أنا مبدئياً عندى مشكله فى عربيتى ممكن تخلينى أحتاج لوحدة الكونترول

المشاركة الأصلية كتبت بواسطة nicoblaksoon

اقتراح

ايه رأيك لو تبيع الأجزاء السليمة لأعضاء المنتدى بسعر وسط

أنا مبدئياً عندى مشكله فى عربيتى ممكن تخلينى أحتاج لوحدة الكونترول

والله فكرة بس انا الافضل ليا انى ابيعها مرة واحدة عشان اكمل علىيها واجيب حاجة تانية.
انما ابيعها بالقطعة هتاحد وقت الا اذا كان فى اكتر من واحد ومع بعض.