هل ده عيب فى بيجو 508

**Haitham G** · 20-08-2013 12:42 AM

المشاركة الأصلية كتبت بواسطة leitosr

الشكر لله, وأنا ناوي أجربهم المرة اللي جاية إن شاء الله,
بس الفترة اللي أنا أشتريت فيها مكنش فيه ميشلان في السوق, والبريدجستون كان مضروب والكونتيننتال ممتاز طبعاً ومريح جداً بس كان أغلي منهم التلاتة ومش بيعيش كتير زي البريدجستون والكومهو ومكنش عندي أستعداد أشتريه غالي وأغيرة بدري,
خصوصاً أني بسافر علي طرق وحشة كتير زي الزراعي وطرق تانية مش متسفلته, فكان هيتبهدل بسرعة ومكنتش هحس براحتة أو أستفاد بيه.

وأنت لو عندك العجليتين اللي قدام متبهدلين زي ما بتقول أنقلهم لورا بكرة وهات اللي ورا قدام,
وشوف هيفرقو معاك ولا لأ, وأبقي عرفني النتيجة برضه.

انشاء الله هعمل كده وابلغك بس فيه حاجة استغربتها الكونتيننتال لقيته اغلى من الميشلان هو اه غالى بس مش اكتر من الميشلان يمكن بقى المقاس ولا ايه

**nofal010011229** · 20-08-2013 12:48 AM

المشاركة الأصلية كتبت بواسطة eleanor

السلام عليكم
انا احترت بصراحه فى صوت الفرامل عندى ومابقتش عارف ده عيب ولا هى كده
العربيه بطلع صفاره جامده لما باجى اهدى ولو ماشى على السلانسيه بدون مالمس الفرامل وصفاره مزعجه جدا لدرجه انها ملفته
وساعات بتعمل صوت احتكاك زى مايكون التيل خلصان وحديد فى حديد
مع العلم ان العربيه ماشيه 3700 كيلو فقط
نصايحكو ايه يا جماعه اطلع على الضمان واخرب الدنيا ولا ده طبيعى

اخي الكريم موضوع الصفارة ده موجود وسالت قالو لازم تنظيف لكن الصفارة ماكنتش مزعجة بالدرجة اللي بتوصفها انت
فعليك بالتوكيل يكشفو عليه وبلاضافة لصوت الاحتكاك برضه موجود مع السلانسىه بس راح من عندي الان وانا تقريا عامل 3500 كم تقريبا فياريت لو وصلت لشيء بلغنا للعلم

**Ahmed Amin** · 20-08-2013 02:44 AM

المشاركة الأصلية كتبت بواسطة Haitham G

إن شاء الله هعمل كده وابلغك بس فيه حاجة استغربتها الكونتيننتال لقيته اغلى من الميشلان هو اه غالى بس مش اكتر من الميشلان يمكن بقى المقاس ولا ايه

لا مالهاش دعوة بالمقاس, هيا الشركة بتنزل الكاوتش غالي عشان بتعمل الكاوتش أولاً للشركات الكبيرة زي BMW و أودي ومرسيدس وبنلتي وكل العربيات العالية بتنزل بكاوتش كونتيننتال,,
عشان كدا ال Price tag بتاعه أعلي, دي حاجة,

والحاجة التانية إن المطاط اللي داخل فيه وباقي المواد من أعلي الأنواع علي كلامهم ,
ودي حقيقة عشان كدا هوا مريح فعلاً عن أي فردة تانية,, بس مع ميزة الراحة دي عيبة أنو بيتاكل بسرعة جدااا عن أي فردة عادية,,

فاهو هوا مش غالي عشان المقاس,, مانت ممكن تجيب نفس مقاس الفردة بتاعت الكونتيننتال اللي كانت ب 1200 لما كنت بشتري في البريدجستون ب 900 أو 1000 يعني أقل في السعر 200 إلي 300 جنيه,,
أو تجيب نفس المقاس في كومهو أقل 700 جنيه في الفردة.

ودا اللي أنا عملته, لما توفر في كل فردة 700 جنيه, ومكنش أسترخاص أنا مش هخاطر بالكاوتش وهيا العربية كلها ماشية عليه, أنا دخلت قريت ريفيوهات كتير عنه, وناس هنا في المنتدي شكرت لي فيه,,
وحسبتها من ناحية إن كدا كدا شوراعنا زفت والكاوتش هيتخرم وهينزل في حفر وبلاعات ونقر, يبقي أنا أخلي الفرق دا معايا طالما مش هستمتع ولا أرتاح بالكاوتش عشان طرق بلدنا, وعشان لو حصل حاجة للكاوتش يبقي معايا فلوس أجيب فردة أو أجوز تاني,
ومعيطش جنب الفردة الكونتيننتال كا ما تتخرم أو تبوظ مني.

أنا قعدت أسبوع علي مواقع مقارنات الكواتش قبل ما أقرر أشتري,
ودا أحسن موقع ممكن تقرأ من ريفيوهات للكاوتش قبل ما تشتري,
دا كان ريفيو الكاوتش الKumho Ecsta KU 31 اللي عندي
Kumho Ecsta KU31 | the Kumho Ecsta KU31 reviewed and rated | the online tyre guide

ودا مثلا ريفيو لفردة Continental Sport ....... 2
Continental Sport ....... 2 | the Continental Sport ....... 2 reviewed and rated | the online tyre guide

فيه ريفيو عنها مكتوب دلوقتي بتاريخ on June 3, 2013
سابع ريفيو في الصفحة, كاتب

Wear too quickly - need changed at 10,000 miles

يزمتك دا يرضي ربنا ؟

أشتري 4 كاوتشات ب 4800 جنيه, عشان يخلصو علي 16 ألف كيلو,,

لما ممكن أشتري 4 كاوتشات ب 2100 جنيه تقريبا وبقالهم 40 ألف كيلو معايا لدلوقتي وزي الفل.

**Ahmed Amin** · 20-08-2013 02:49 AM

المنتدي هنا بيرفض يكتب كلمو كونتاكت بالأنجليزي,
فأخدت لك صورة من الموقع عشان تاخد اللنك أنت,

في ناس هنا بتقول أنو مزعج بس عمل كيلو متر معقول, مش عالي ومش قليل,,

وفي بقي باقي الناس دي اللي أكدت أنو مش بيعيش كفاية,,
وساعتها صرفت نظر عنه لأني مش هجرب أدفع فلوس في أغلي نوع كاوتش في السوق وفي الأخر ميعيش ولا أحس بالراحتة بتاعته بسبب شوراعنا.

**Ahmed Amin** · 20-08-2013 03:23 AM

المشاركة الأصلية كتبت بواسطة Haitham G

انا معاك فى اللى بتقوله ان المقاس ملوش دعوة انا بتكلم عن المقاس عندك وعندى بس انا عندى كونتيننتال المانى هو اصلا نازل فى العربية و سعره عامل دلوقتى 850 جنيه و الميشلان تقريبا 1000 جنيه علما ان المقاس 205/55 r 16

أنا لما جيت أشتريه من سنتين كان الكونتينتال أغلي من الميشلان, وكانت معدية ال 1000 جنية
والميشلان كانت ب 900 وشوية,
وأنا عندي المقاس 205/55R16
ولما جبت العربية كان نازل فيها Good Year في موديلات وموديلات تانية بيريللي,
وهما اللي مكتوبين علي قايم الباب أنهم مفضلين ليها بالنقشة اللي محددينها, ولما دورت علي الفردتين دول ملقتهمش عند حد,,

من أول ال 308 نزلت بقو ينزلو في العربية كونتيننتال وميشلان.

**eleanor** · 20-08-2013 09:02 AM

المشاركة الأصلية كتبت بواسطة unendlich

هي المادة اللي اتشالت من التيل اسمها asbestos, و ده مش بس كان في الفرامل ده كان دي أطقم الدبرياج و الجوانات كمان
أهم أعراض غيابها قصر عمر التيل و ال brake dust الكتييير (أغلب العربيات الجديدة بتهبب الجنوط/الطاسات)

أستاذ eleanor, لو عايز تنضف التيل صح يبقى تجيب brake cleaner, ولا مية ولا وجع دماغ. طبعا مية على تيل و طنابير مولعة بعد مشوار زحمة في درجة حرارة فوق ال 40 ده يجيبلك أجلهم, دي مفيهاش كلام
ال brake cleaner علبة ال spray مش هتكلفك 25-30 جنيه و تقعد معاك 5 مرات و ممكن أكتر (يعني المرة بـ 5-6 جنيه, يا بلاش)
حضرتك تروح لبتاع عجل , يرفع العربية من قدام و يفك العجلتين, تديهم رشة كويسة و تستني 5 دقايق أما ينشف و شكرا (عشان ممنوع ييجي على الكاوتش)
لو بعد كده مبطلش صوت تروح على التوكيل تغيره في الضمان و مفيش داعي للقلق إن شاء الله

فعلا بيهبب الجنط جامد بس انا مش بغسل العربيه غير لما تكون بايته وفى الجراج مش فى الشمس
هادور على الاسبراى ده واشوفه

**eleanor** · 20-08-2013 09:06 AM

المشاركة الأصلية كتبت بواسطة haitham g

انا بعمل الكلام ده فعلا انى ابدل العجل والعجل مظبوط على 30 نيتروجين بس هو حقيقى العجلتين اللى قدام شكلهم متبهدل شوية حشوف الموضوع ده بس انصحك جرب كونتيننتال او يفضل ميشلان اجمد انواع الاطارات فعلا عن تجربة البريدجستون دى اى كلام جرب وحتدعيلى بغض النظر عن سعرهم هو طبعا غالى وشكرا لاهتمامك .

على فكره انا كنت بعمل كده وكان عندى نفس المشكله فى الاخر لاقيت مكتوب على الكوتش ماكس 55 بى اس اى فاخليت الضغط على 40 راح الصوت
وخلى بالك فى نقشه معينه بتعمل صوت دائم