الموضوع: وقفة ضد عيوب الإليزيه

المشاركة الأصلية كتبت بواسطة eleanor

90 % دى مشكله كمبرسور التكيف ومحتاج يتغير لانه بيحمل جامد على المكنه وده نتيجه زيت الفريون تقيل والبلف مش بيقدر يضغطه ولازم يتغير ماينفعش فيه تصليح وده بيبقى عيب صيانه

كمبرسور التكييف ممكن يكون هو سبب المشكله بس الموضوع يتوقف هل المشكله فرديه و لا كله في مشاكل لأن لو دي مشكله عامه تغييره بواحد تاني زيه مش هيحل حاجه و ساعتها لابد من إبلاغ المشكله للمصنع اللي بيجمعها بره علشان يغيروه بموديل تاني

المشاركة الأصلية كتبت بواسطة eleanor

90 % دى مشكله كمبرسور التكيف ومحتاج يتغير لانه بيحمل جامد على المكنه وده نتيجه زيت الفريون تقيل والبلف مش بيقدر يضغطه ولازم يتغير ماينفعش فيه تصليح وده بيبقى عيب صيانه

المشكلة ان اسلام بيقول العيب ظهر فقط بعد السوفتوير الجديد ؟
يعنى ما تقدرش حتى تقول الكمبريسور هو السبب ببساطة كدة ..

حاجة تحير الصراحة

اللى انا شايفه انه الكود اللى بيدي الامر بتزويد بنزين زيادة للموتور اثناء تحميل التكييف عشان يحافظ على نفس الار بي ام (900 مثلا ) فيه خطأ معين في الاصدار الجديد من السوفتوير

ونتيجته ان الكمبيوتر مش بيحس ان التكييف اشتغل او مش بيتصرف صح لما التكييف يشتغل ، وفي كل الحالات الار بي ام بتاع المكنة هينزل والعزم هيضعف وتسمع الكركرة وتحصل الرجرجة .. الخ .. لو ما تمش زيادة كمية البنزين الداخلة للموتور على السلانسيه عشان تعوض اللود بتاع التكييف
والله اعلم

المشاركة الأصلية كتبت بواسطة islam.afifi

مهو للأسف قبل السوفت وير ما يتغير العربية كانت مكتومة و مش بتستجيب لدواسة البنزين بسرعة
و بعد السوفت وير بقت بتكركر
و فعلا حاجة تحير

سيبك اللى يحير اكتر بجد ، هو ان الـ 301 مفيهاش المشاكل دى !!
انتوا متأكدين ان الـ 301 مفيهاش نفس العيب
اصل اكتر من واحد يشتكى من الاليزيه وولا واحد يشتكى من 301 !
حاجة مش منطقية بس مخليانى لسة مطمن للـ 301 !

من كلامك الاخير نقدر نقول ان السوفتوير القديم زي ما يكون كان "مأخر الكهربة" للعربية ، فكانت العربية ما بتسحبش ، نزل السوفتوير الجديد ، الكهربة بقت مقدمة ، فالسحب اتحسن شوية ، بس ظهرت مشكلة الكركرة !

يعنى زي فكرة الاسبراتير في العربيات القديمة ، بس هنا في الـ map بتاعت الكمبيوتر ..
مش يمكن السوفتوير اللى هم نزلوه جديد معمولة الـ Map بتاعته على بنزين 95 مثلا ؟