مشكله فى الشغل

**#MAAM#** · 02-09-2013 03:46 PM

المشاركة الأصلية كتبت بواسطة أبو صلاح

ياباشا محدش جاب سيرة العيب
ده انا بتمنى نكون زيهم في ارتباطهم ببعض

بس كان في زميلنا مصري ساكن في عمارة عوائل وجاره المقابل ليه سوادني كان كل خميس تقريبا بيجمع سودانيين المنطقة بزوجاتهم وعيالهم وبيقلبوا البيت بالسطح مهرجان عالمي
كان زميلي ده بيطفش من البيت يوم الخميس

على فكرة برضه في ماليزيا (نقلا من خالد ابو رقية) بيرفضوا يأجرو الشقق لسودانيين بسبب التجمعات الرهيبة بتاعتهم

والله الجو ده الواحد مفتقده هنا في السعودية

**amrezzat82** · 02-09-2013 11:45 PM

يا هندسة الشغل فى مجال الهندسة كده فى مصر و بره مصر أنا لسه ياما حتشوف
انا اتعاملت مع جنسيات كتيرة جدا (اكثر من 20 جنسية) و مش المصريين بس هما اللى بيتعاملوا مع بعض كده. أنصحك بأنك تاخد موقف و تفكر : عايز تبقى صح بس حتتعب جدا حتى تصل - أو زي ما الناس كتيرة بتقول يا عم كل عيش و ملاكش دعوة
نصيحة ما تتكلمش عن حد - كل واحد فيه لسان - العمال و المشرفين بيبقوا عبيد للشغل و المديرين و يبيعوك فى ثانية عشان لقمة العيش

أنا دافعت عن الحق كتييييير جدا و لسه بدافع عنه و بطرق مختلفة - بس بيبقى طريق صعب جدا جدااااا وأوعي تتكسر و لازم تعلم نفسك كويس و ربنا بيكرم و بيوفق

نصيحة ما دخلش نفسك فى موضوع الزيادة ده و تأخير المرتبات و أي حاجة ليها علاقة بأي حد غير نفسك .
و خلي بالك ان المشاكل فى الشغل مش كده بس- ده ممكن يلبسوك حاجات و يحاولوا يمضوك على حاجات غلط و يدوك معلومات غلط و ألبس بقى يا عم . ده فى ناس تتفنن ازاي تخليك قذر زيهم - بس طالما انت نيتك كويسة و ناصح فى شغلك و تجتهد حتلاقي ربنا بيوقف جنبك أو على الناس تخاف أنها تأزيك .

تمنياتي بالتوفيق و ابعتلي سي في بتاعتك او ايملك و اشوفلك حاجة أحسن و انا بدور .

عذرا للأخطاء الإملائية إن وجدت

**ams** · 03-09-2013 05:54 PM

يا هتفضل تحاول تبقى كويس و تتعب و يطلع عينك و تيجي على نفسك و مصلحتك
يا هتستسلم و تلاقى الف حجة و حجة عشان "تريح" نفسك و تبقى زىهم سواء الظالم او الخانع للظلم
حياتك ..... اختيارك

(بَلِ الْأِنْسَانُ عَلَى نَفْسِهِ بَصِيرَةٌ وَلَوْ أَلْقَى مَعَاذِيرَهُ)