شاب محتار و محتاج المساعده و المشوره

**محمد عز** · 08-09-2008 08:22 AM

رينو كليو ولو معاك تزود ل 80 جيب كيا ريو

**tutankhamoun** · 08-09-2008 10:34 AM

أنا شايف أحسن أختيار في معدل الفلوس اللي معاك هي
الإسبرانزا

أنت تشوف أصحابها و تسألهم على عيوبها
و تشوف قطع غيارها
لو قطع الغيار متوفرة ........ و عيوبها بسيطة زي عيوب أي عربية تانية

أتكل على الله و هات أسبرانزا خصوصا أن وكيلها محترم .... مش معرض صغير ..... ووكيلها هو ابو الفتوح و بيجمعها في مصر كمان و هو نفسه وكيل دايو
عربية كبيرة ....... فيها كماليات ......... ثابتة على الطريق

و أرشحلك بعدها
الفيرنا ثم الأفيو ........... و الأثنين خفاف في الجري ( إتزانهم مش قد كدا ) و عن تجربة

العربيات الصغيرة زي 1100 سي سي
في الأول هاتستحمل .......... بعد كدا الموتور بيتعب من الجري الكتير والتكييف و ده عن تجربة

لذلك أبعد عن المواتير الصغيرة في السفر و المسافات الطويلة مع التكييف

**tiger_target** · 08-09-2008 01:28 PM

المشاركة الأصلية كتبت بواسطة foxarc

الافيو عربية كويسة جدا بس مشكلتها انها غالية الفول اوبشن بحوالي 79000 جم و متتخدعش باسعار الجرايد و هاف طبعا مش مرضية مع احترامي للمركات التانية بس انا شايف انها مش حلوه خالص لا تقفيل مصري و لا هندي و البيكانتو محركها ضعيف علي مشوار بعيد كل يوم مع استعمال تكييف انا رايي لو معاك فلوس الاقيو الكاملة اتوكل علي الله او هات الاسبيرانزا بجد عربية ممتعة في سواقتها

طيب ممكن تفيدني هيه مراكز الصيانه للأسبرانزا فين؟؟؟؟

**foxarc** · 08-09-2008 02:37 PM

في عندك مراكز ابو الفتوح الرئيسية في ابو رواش طريق مصر اسكندرية الصحراوي قبل البوابات و في مركز تاني بعد البوابات و في الدقي الكويت و البلاد العربية في شارع التحرير مركز معتمد و عندك تكنو سرفيس في جسر السويس و فرست كار في فيصل و تكنو سرفيس في طريق مصر الاسماعيلية

**Adham** · 08-09-2008 03:03 PM

انا لو مكانك لانوس فوراَ

**abou_ruqi** · 08-09-2008 03:07 PM

افيو طبعا احسن حاجة في اللي مكتوبين

**Ahmed Hamdy** · 08-09-2008 03:21 PM

هى ليه كل ما بتيجى سيرة فيات باليو أو سيينا محدش بيعبرهم ولا بيعلق عليهم .. بالذات السيينا ..

الراجل كان حاططهم فى المقارنة بس محدش علق عليهم خالص ولا كأنهم موجودين .. ؟؟؟؟

أنا عجبانى السيينا وشايف انها اختيار كويس فى فئة السبعينات .. الاسبيرانزا حلوة وفيها كماليات أكتر وتحسها أفخم .. بس أعتقد الفيات أضمن حتى ولو تجميع صينى .. يعنى عربية فيات بس متجمعة فى الصين .. ايه المشكلة ؟؟ المهم المكونات الأساسية من موتور وخلافه فيات .. !!

**abou_ruqi** · 08-09-2008 03:31 PM

المشاركة الأصلية كتبت بواسطة Ahmed Hamdy

هى ليه كل ما بتيجى سيرة فيات باليو أو سيينا محدش بيعبرهم ولا بيعلق عليهم .. بالذات السيينا ..

الراجل كان حاططهم فى المقارنة بس محدش علق عليهم خالص ولا كأنهم موجودين .. ؟؟؟؟

أنا عجبانى السيينا وشايف انها اختيار كويس فى فئة السبعينات .. الاسبيرانزا حلوة وفيها كماليات أكتر وتحسها أفخم .. بس أعتقد الفيات أضمن حتى ولو تجميع صينى .. يعنى عربية فيات بس متجمعة فى الصين .. ايه المشكلة ؟؟ المهم المكونات الأساسية من موتور وخلافه فيات .. !!

انا بصراحة لا احترم الموديل اللي الشركة الام لا تعرضه في موقها الرئيسي يعني بالبلدي فيات بتستعر من السيينا زي ما التويوتا بتستعر من الافانزا علشان كده استحالة احترمها انا كمستهلك

بينما مثلا الافيو رغم ان شيفورليه خادتها من دايو علي الجاهز ومش هيه اللي عاملها الا انها حطاها في الصفحة الاولي في موقعها الرئيسي

http://www.chevrolet.com/cars/