الموضوع: عيوب الإنفى

المشاركة الأصلية كتبت بواسطة m i d o

المحرك ال 1600 بيخرج 117 حصان و المحرك ال 1500 بيخرج 109 حصان وحجم الانفي من الداخل اصغر من ال 516 لاكن اصبحت اعرض حاجة بسيطة و اطول حاجة بسيطة و الطول في الكبوت قدام و الشنطة ورا وضيقو المساحة الداخلية للكبينة شوية ومحرك الانفي بكامة علوية واحدة ودة معناة محرك اقتصادي جدا في البنزين لاكن معا حجم العربية في اعتقادي الشخصي ممكن يكون استهلاكة زي المحرك القديم 7 لتر * 100 كيلو

يعنى سحب ضعيف و مش هيبقى اقتصادى اوى بالدرجه اللى كل الناس متخيلاها
يعنى كده فيها نفس المشكله بتاعة السحب اللى فى الإمجراند يعنى أى مطلع هيبقى السحب فيه ضعيف ولو حبيت أشد مع حد أعتقد هتشد بس مش بسرعه

المشاركة الأصلية كتبت بواسطة khmt1970

تحياتى لحضرتك لردك المحترم ولتعديلك صيغه السؤال ربنا يوفقك الى ما فيه الخير اما الرد على سؤالك فانا مثلك محتار ما بين الانفى وال m11 ومنتظر الاجابه على سؤالك من الاعضاء الاعزاء لاحدد موقفى

ان شاء الله نعرف نوصل للأحسن :) خليك بس متابع الموضوع وان شاء الله هنوصل لعيوب الإنفى

المشاركة الأصلية كتبت بواسطة hugan

انامستغرب من رد الاخ صدام
ازاي يعني مش هايلاقي قطع غيار لل ام 11

هي العربيه بتزيد ولا بتقل

هو للأسف فعلا زى ما ميدو قال أبو الفتوح مش عاملها دعايه كويسه مع إنها عربيه ممتازه وقويه جدا وادائها ممتاز فلو استمر على كده اكيد المبيعات هتقل وقطع الغيار سعرها هيزيد انا مش هلاقيها دى ممكن يكون قصده عند الحرفيين لكن هتبقى موجوده فى التكويل طبعا بس بسعر عالى مع إنها فى رأيى أحسن عربيه اسبيرانزا عملتها بعد التيجو الجديده طبعا واللى الكل بيشكر فيها