الموضوع: اسعار السيارات بالسعودية و اعتذار واجب

فى الحققيقة انا لسة شايف الموضوع دة بس احب ان اوجة كلامى الى الاخ توت خصوصا
اعترض وارفض بشدة

السلام عليكم يا أستاذ gomha بتعترض و بشدة و بترفض كلامي ؟؟
ما شي يا سيدي ...... مفيش أي مشاكل

ان موقف الحكومة من رفع اسعار السيارات لا معنى لة غير الحفاظ على مصالح طبقة معينة وسوف ارد على كل كلام

مصر ليست الدولة الوحيدة في العالم اللي السيارات فيها عليها جمارك ........ و أعتقد إن مفيش حد بيستفيد من جمارك السيارات شخصيا ...... و الإستفادة عامة و إن كان يساء توزيعها نظرا لوجود الفساد الإداري و لكن هذا ليس موضوعنا

عمليا لايمكن لكل انسان فى مصر شراء سيارة لانك على معرفة ان دخل المصريين لايمكنة شراء تليفزيون مش سيارة ويتبع مصاريف السيارة

عمليا لو أسعار السيارات نزلت و أصبحت كمثلها في السعودية
أغلب الشعب هايشتري عربية حتى لو هايشحت مصاريف تشغيلها
تعالى عيش في مصر و شوف الخنقة اللي أحنا عايشين فيها
لا مكان بنلاقي نركن فيه ........... و الطرق الزحمة و ده راجع لعدم وجود تنظيم ....... و فساد إداري لن أخوض فيه هنا ......... و زحام شديد بدون نظام

موضوع ركوب العجل دة فأنت اكيد بتهزر يا سيدى الصينين تركوا الموضوع دة انت بتقول الاوربيين بيركبوا عجل دة فى الويك اند بس يمكن رياضة تغيير توفير مصروف السيارة ممكن لكن غير كدة صعب اتكلم فى الموضوع دة بس ارجوا من اى احد مقيم هناك ان يرد

أنا كنت مقيم في انجلترا
و أنجلترا من أقل الدول الأوربية إستخداما للدراجات
و لكن الناس بتسيب عربياتها و تركب القطارات و الدراجات لو بتشتغل في وظيفة محلية قريبة من المنزل و أنا أحيانا كنت بركب دراجتي زيي زي بقية الخلق حواليه .......... و لو عندي شغل في مكان بعيد كنت بركب القطار أو الأوتوبيس
و الأوربيين مش بيركبوا العجل في الويك أند بس زي ما أنا وضحت
و طبعا مصاريف تشغيل عربية في أوروبا عالية قوي نظرا لغلوا البنزين و مصاريف التأمين و الضرائب التي لو قيست بمصر
هاتطلع ضرائب مصر ......... و لا حاجة ......... و كلام فاضي
و الصين و شعبها مازال يعتبر شعب من شعوب العالم الثالث زينا كدا ....... يعني شعب مش متحضر قوي
و بعدين الصين كتيرة
ايه اللي ترتب عليه من زيادة أعداد السيارات للشعب الصيني اللي هو أساسا كتير جدا
زيادة إستهلاك الصين للمحروقات البترولية بنسبة عالية جدا مما ساهم في رفع أسعار الوقود عالميا ( ليس السبب الوحيد ) لأن هناك أسباب أخرى بالإضافة إلى دول أخرى أزدادت دخول أفرادها و أنتقلوا للسيارات
و أصبحت بكين من أكثر مدن العالم تلوث بسبب السيارات
سأفتح موضوع إن شاء الله مستقل عن نسب التلوث التي تنتج من السيارات و المولدات الكهربائية العملاقة التي تعمل بالوقود الحفري و أرجوا أن تتابعه

بالمناسبة
سؤال على الماشي
هو ليه الشركات الكبيرة بتحاول تبني سيارت اﻵن تعمل بالكهرباء ؟؟؟
ممكن حضرتك تجاوب على السؤال ده

الموصلات العامة دىة موضوع تم اثبات فشلة على مدار كام عام يعنى من ايام اول رئيس لمصر بالش من اول عبد ناصر ودلوقتى الحكومة بتخصص كل شئ وفكرة ان الحكوة تقوم بعمل مواصلات عامة دة موضوع انتهى اخى بلا رجعة لانه لازم تدعم وهى عايزة تلغى الدعم عن الخبز عايزها تدفع فلوس للموصلات العامة (انجلترا باعت القطار لشركة خاصة)

المواصلات العامة موضوع فاشل !!!!!!!!!!!!!!!!!!!
دي مصر اللي فاشلة مش المواصلات العامة اللي فاشلة
اللي فاشل اللي مش قادر ينظم و يخطط و يعمل مواصلات عامة
أنجلترا بتعتمد إعتماد أساسي على المواصلات العامة و اﻵن دخول المدن الكبرى بسيارة صعب و مكلف جدا و بيجبروك تستخدم المواصلات العامة
أنا مقلتش الحكومة تدفع فلوس للمواصلات
و الدعم ده من أسباب فشل الإقتصاد كمان
و على فكرة في انجلترا كل شئ تم تخصيصه لزيادة و رفع كفاءة التشغيل
على فكرة القطار مش متباع في انجلترا و لا حاجة
هو فيه نظام زي التأجير أو ما يشابه ......
شركة تأجر خطوط القطار لتشغيل الجرارات عليها
مش بيع كامل ...

موضوع السعودية عندها بترول والسكان قليل انا اسف اقول ان دة تحليل سطحى

شكرا جزيلا ........... على وصفك لتحليلي البسيط بأنه تحليل سطحي

طيب تعالى ندخل في تفاصيل أكتر علشان ميبقاش تحليل سطحي من وجهة نظر حضرتك

أكبر منتج للبترول في العالم تقريبا هي السعودية
و عدد سكان قليل
و بلد مساحتها كبيرة
و الدخل القومي كبير

و عايز تقارن بلد بمواصفات زي دي من ناحية الطاقة ببلد تانية
إنتاجها للبترول لا يكفيها و تقوم بإستيراد جزء منه من دول الجوار
عدد سكان كبير و بيتزايد بأرقام كبيرة بدون أن يقابله زيادة في الإنتاج الفعلي للمنتجات و الغذاء
و الدخل القومي أو موارده أقل
يبقى مصر بتعوض قلة الدخل ........... بالضرائب و الجمارك زيها زي أي بلد طبيعية في العالم و أولهم دول أوروبا و أمريكا

الان ان سياسة الدولة هنا هى سرعة دوران المال داخل السوق
السعودية تمهد الطرق ولا تقدم دعم الى الموصلات التلوث ياتى من السيارات التى مر على عمرها اكثر من عغشر سنوات وليس بسب السيارات الكثيرة او الجديدة مش معنى ان السعودية عندهعا بترول يعنى مش عايزة فلوس من الجمارك ولكن السعودية تتبع التطور الامريكى وتحاول اخذ الموفيد منة وعايز اقول حاجة تانية الحكومة بنت المدن الجديدة من كام سنة اذهب وشوف حد عايش فيها غير من عندة سيارة باتالى يوجد وسيلة مواصلات خاصة تقدر تعيش خارج المدن المزدحمة ولن تعيش داخلها النك تقدر تروح وتذهب اى وقت انت عايزة

سرعة دوران المال ........ يعني منتجات محلية و بتتباع و يلف المال و يدور في الإقتصاد
إنما السعودية مش بتنتج سيارات ......... و لا مصر بتنتج سيارات إلا ما رحم ربي

يعني المال مش بيلف و يدور زي ما أنت بتقول
فلوس السعودية المصروفة على السيارات ......... بتطلع برة السعودية و مش بتلف في إقتصادها
فلوسها أساسا بتروح أمريكا و اليابان لشراء سيارات و منتجات أخرى

و البلاد اللي بينتطبق عليهم كلامك من ناحية إن الفلوس بتلف و تدور في الإقتصاد
أمريكا مثلا ........ اليابان ......... أوروبا..... كوريا ....... ماليزيا مثلا
علشان دي دول منتجى لكل شئ مش السيارات بس
و دي اللي فلوسها بتلف و تدور

التلوث صادر عن جميع أنواع السيارات وأصبحت بكين بسيارتها الحديثة جدا ......... من أكبر مدن العالم تلوث و القاهرة أيضا و نيو يورك و لوس أنجلوس و طوكيو
مين قالك إن السيارات الحديثة مش بتلوث البيئة ؟؟؟؟؟؟؟
بتلوث البيئة بنسبة أقل من القديمة .......... إنما أي شئ يستخدم بترول في إنتاج طاقة
ملوث جدا للبئية .......... مهما كانت حداثته

السعودية تفرض جمارك أو لا
دي دولة لها ظروف مختلفة ......... و حكومتها لها الحق في ادارة البلاد بما يفيد البلاد ......
ناس بتجيلهم فلوس من تحت الأرض .........
هايعملوه ضرائب و جمارك ليه ؟؟؟؟؟؟؟؟؟؟؟؟
ما هي الفلوس بالكوم ............ و البترول ببلاش
علشان الناس اللي مستعجبة من أسعار البترول هنا و هناك بأقولهم
السعودية أكبر منتج بترول في العالم أو من أكبر المنتجين في العالم أجميع و من أكبر المصدرين
و مصر دولة مستهلكة و شعبها كتير و كمان البترول مدعم و مازال مدعم لأننا بنستورد جزء من إحتيجاتنا من شريكنا الأجنبي و من ليبيا و الإمارات

بالنسبة للمدن الجديدة
ما هو ده راجع للفشل الإداري اللي أنا أتكلمت عليه في الأول
و لو إن المدن الجديدة دلوقتي عمرانة جدا خصوصا
العاشر من رمضان .......... 6 أكتوبر ......... و فيه ناس كتير عايشين فيها من عربيات علشان جبابرة الميكروباظ ( الله يهديهم أو يأخدهم و يريحنا منهم ) دخلوا و أخترعوا خطوط سيرفيس و أصبحت رسمية اﻵن و الناس بتستخدمها

إستهلاك موارد الدخل القومي من العملات الأجنبية و ما يتتبعه من إستهلاكها مستقبلا لشراء قطع غيار فى الحقيقة انا مش عايز ارد على الكلام دة عشان خايف انك تكون ضابط امن دولة
الحكومة شالت الدعم عن المنتجات البترولية وهى ردت بنفسها عليك مفيش داعى اتكلم انا
اخيرا اتمنى يا جماعة ان تعرفوا ان السعودية مش بترول وبس واى احد مطلع على التبادل التجارى بين مصر والسعودية يعرف يرد اكثر منى وشكرا للجميع احترامى لكم ورغم كل ما سبق
بحبك يا مصر

ازالة الدعم ملوش دعوة بموضوع إستهلاك موارد الدولة من الدخل الأجنبي ........

الدعم ده موجود بس في الدول المتخلفة .......... زي مصر كدا
أستيراد سيارات كثيرة ......... معناها ذهاب المال إلى الدول المنتجة للسيارت و إختفائه من السوق المصري
و أستيراد قطع غيار أكثر لها برضه نفس الحوار
و ده معناه
إن المكسب الوحيد في تجارة السيارت يذهب بالأساس إلى مستوردي السيارات و ليس الشعب نفسه

إنما لو فيه تخطيط صح و مفيش فساد اداري
تعمل صناعة قطارات متطورة ........... و اتوبيسات متطورة و سيارات متطورة
و تبدأ الفلوس تلف و تدور في الإقتصاد
مش تيجي باليمين و تخرج بالشمال على أوروبا و اليابان و كوريا و ماليزيا

و أنا عارف إن السعودية فيها تطور صناعي
بس مش ده موضوعنا نهائي
بس هارد عليه

برضه دولة دخلها من البترول عالي جدا و عدد سكان قليل و حكومة بتعمل إستثمارات في مجالات أخرى
يعني منافع من كل الإتجاهات
مش محتاجين الجمارك
و عارف كمان إن كفة السعودية في ميزان التبادل التجاري مع مصر لصالحهم و من ضمن الأشياء اللي أحنا بنستوردها من السعودية
منتجات بترولية و لدائن بترولية
و كلنا يا سيدي بنحب مصر
بس حب مصر مش بالكلام بس

كام واحد هنا بيشتري منتجات مصرية ؟؟؟؟؟؟؟؟؟؟؟؟

أنا كل حاجتي مصرية و لسة عامل خناقة من 3 أيام مع صيدلية
رايح أشتري فرشة سنان
أقول الراجل أنا عايز فرشة سنة مصري
يرد يقولي
دي تركي .......... أحسن من المصري مليون مرة
طبعا سمع مني محاضرة ( بالأدب و الأخلاق ) و الراجل كان في نص هدومه

برضه رايح أشتري تكييف من 3 أشهر
الراجل مصمم يبيع تكييف سامسونج كوري و يوقلي مصري مين
ده المصري ده زبالة ......... ده مش عارف أيه و كلام يوجع القلب و أي حد عنده غيره على مصر .,, هايزعل من الكلام ده
طبعا أنا لا أخدت و لا أدت معاه و سيبته و مشيت بعد ما فهمته إني مش بشتري غير منتجات مصرية

يا ترى حضرتك أو أي حد بيحب مصر بيعمل كدا ؟؟؟؟؟

أنا عارف إن فيه ناس كتير بتعمل كدا
و فيه أكتر منهم ........... بيذم و يشتم في منتجات مصر بدون علم و بدون تجربة
و ده معناه إن الفئة التانية لما تقول بحب مصر
تبقى منافقة
و طبعا أنا مش بتكلم عن شخص معين و لكني أتحدث عن حالة عامة ....... ليس أكثر

و مناقشة مشاكل مصر ........ دليل على حب مصر
لأن مناقشة المشكلة و الوصول لأسبابها هو أول خطوة لحلها
و ليس اخفائها ....... و نقول كل شئ تمام !!!!!!!!!!