الموضوع: اسعار السيارات بالسعودية و اعتذار واجب

خدتوا بالكوا من سعر الموستنج Gt ب 115 ألف ريال !!!!!!!!!!!!!!!!!!!!
يعني بتمن اليارس فول أوبشن في مصر !!!!!!!!!!!!!!!!!!!!

أنا ياجماعه بشتغل هنا في السعوديه بقالي سنتين شوفت العجب في موضوع العربيات ده بالذات لأن زي ما الريس قال بتلاقي عروض على العربيات رهيبه وكمان نظم التقسيط هنا تافهه يعني أنت ممكن تاخد سيفيك اللي هيه 1800 مش 1500 زي اللي في مصر ب 5000 ريال مقدم وتقسط الباقي على 5 سنين والقسط ممكن يكون 1400 ريال مثلا لما يبقى مرتبك 4000 ريال يبقى طبعا القسط ده مش مشكله بس أحب أضيف ان الوضع العام مساعد على كده يعني أنا سمعت في نشرة الأخبار بتاعت قناة جير وان من قريب أن الإمارات هترفع الجمارك على السيارات عشان التكدس اللي أصبح حاصل بسبب زيادة أعداد السيارات وكمان بيعملوا مترو عشان يخفوا الضغط على الطرق اللي أصبحت مكدسه بالسيارات ومابقاش فيها مكان لأتوبيسات النقل العام والتاكسي وخلافه واو رجعنا للتاريخ شويه كده 25 سنه لورا هنلاقي أن العربيات في مصر كانت نفس الوع جمارك محدوده جدا والعربيات منتشره وبسعات لتريه مختلفه زي ال 132 2000 سي سي والأكورد اللي وقتها كانت 2200 سي سي وغيره لما حصل التكدس والأختناق الرهيب ده أرتفعت الجمارك لضبط الوضع قليلا ولرفع الأقتصاد ...
طبعا ده الكلام المنطقي لكن الفساد الأداري اللي موجود أصبح بيستغل الصح اللي أتعمل لخدمة مصالح شخصيه وأهداف حقيره لاتمت للبلد بشيء عشان كده مادام بقى هيا بقت خربانه خربانه واللي بندفعه للعربيه جمارك وضرايب مابيعودش علينا بحاجه يبقى لازم الجمارك اللي بتتاخد دي يا إمى تتلغي خالص أو انه يستفاد منها صح لكن أنا ادفع للحكومه جمرك فعربيه 60 أو 70 ألف زياده على تمنها اضيع بيهم سنه من عمري أو أكتر بشتغل وبشقى هنا وطالع عيني عشان هما ياخدوا شقايا وتعبي ده يبعزقوه على الفلل والقصور ويعملوا بيه شركات يكسبوا منها ملايين وأنا أروح أكل في سلسلة مطاعم ( خد فطيرك ) يابقى لأ لأ والف لأ واليوم اللي هقدر ألاقي بيه طريقه أني أنزل عربيه من هنا بالتحايل على الجمارك سواء معوقين أو غيره أكيد أكيد هعملها وضميري مرتاح جدا جدا ... وأسف للإطاله .

la2aaaaaaaaaaaa ........ kefaya .............. 7aram 3aleko ana t3ebt nafseyan 7'alaaaaaaas

بالضبط ياريس كلامك 10 / 10 دي الميركوري جراند ماركيز الفاخره اللي لو موجوده في مصر تمنها يعدي ال 800 ألف شغاله تاكسي هنا وموتور 4000 سي سي يعني الوضع هنا مختلف تماما عن مصر في موضوع العربيات ده بالذات لكن خلاف العربيات كل حاجه هنا غاليه زي مصر وبعض السلع كمان أغلى من مصر لكن الدخل الكبير مابيحسسكش بالغلو ده أما الأجهزه الكهربائيه والحاجات دي الفرق بينها وبين مصر مش كبير حاجه بسيطه زائد أن الأدوات الكهربائيه المجمعه محليا جودتها ممتازه وبنفس سعر اللي هنا وبعضها أرخص من السعوديه كمان ووالله العظيم والله العظيم أنا أتحدى أي حد يكون بيحب مصر قد ماأنا بحبها ورغم كل عيوبها دي اللي أنا شايفها وبانقشها معاكوا بتريقه وضحك الا إني بالتمس العذر للبلد في كل شيء وعارف إني غلطان لكن والله العظيم حبي لمصر هو السبب ....
وتقبلوا تحياتي ... وأدعوا على حماتي