الموضوع: أنت تسأل وإسـتـشـارى منتدى متسوبيشى يجيب

المشاركة الأصلية كتبت بواسطة limo

فى شويه اسئله يا بشمهندس بتدور فى دماغى بقاله فتره كنت عايز اعرف راى حضرتك فيها
معلش يا بشمهندس الاسئله كتيره شويه بس ده من عشمنا فيك
1-هل نظام فرامل البومه فى ال1600 مختلف عن 1300 نازله او بفرامل abs والى مفهاش او الاتوماتيك والمانوال بمعنى انى لو عايز اغيراجزاء فى نظام الفرامل زى (التيل و الطنابير والماستر العمومى )هل فيه اختلاف بين اجزاء ال1300 وال1600 او الاتوماتيك والمانوال او abs والى بدون
2-بخصوص لمبات الكشاف الامامى هل يمكن تعليه الواط الخاص بيها باكثر من الى نازل مع العربيه
3-عايز اعرف سعر الكشاف الامامى الغامق للبومه ؟

سألت المهندس عبد الجليل مدير الاستقبال بمركز خدمة قليوب رد بالآتي :
1- طبعا يوجد اختلاف بين نظام الفرامل الـ ABS واللي بدون ABS والنصيحة هي عدم اللعب في مكونات السيارة الأساسية وتغيير أو اضافةأجزاء من موديل لآخر
2- لمبات الكشاف مرتبطة بقلاووظ له نهاية وحد مسموح به لأدنى مستوى للنور المنخفض ولا يجب تغييره او اللعب فيه
3- سعر الكشاف الأمامي الغامق للبومة 1056 ج + 10 %

المشاركة الأصلية كتبت بواسطة mgk_tex

السلام عليكم
فى اشاعات يا بشمهندس بتقول ان اسعار العربيات الجديده هتقل بنسبه 49 فى الميه نتيجه الركود العالمى والعربيات اللى هتيجى من المغرب هل لو ده حصل سعرالعربيات اليابانى برضه هيتأثر بحاجه زى دى

للأسف الاشاعات كتيرة دلوقتي والتكهنات كتير ولا يمكن حد يعرف المستقبل القريب هيكون ازاي في اسعار العربيات الا الله سبحانه وتعالى

المشاركة الأصلية كتبت بواسطة mondy055

1-انا عندى لانسر 1600 خليجى وكنت عايز اغير ليها زيت اللى هو 10000 كم وعايز اعرف التكلفه
2-لو عايز ادخل العربيه على الكومبيوتر اكشف عليها تكلفة الكشف كام
3-لو عايز اغير الزيت فى مركز الخدمة فى قليوب هل لازم احجز قبلها ولا اجى علطول وهل يوم الخميس القادم مناسب ولا بيكون زحمه

1- سعر تغيير الزيت والفلتر 286 جنيه + 15 ج مصنعية + 10 % ض.م
2- الكشف 166 جنيه
3- آسف على التأخير في الرد يوم ما حبيت تيجي أرجو تحديد يوم تاني ونحجز فيه

المشاركة الأصلية كتبت بواسطة elcommondan

السلام عليكم و رحمة الله و بركاتة
كان هندي سؤال يا باش مهندس ... هو غسيل من تحت غلط و لا لأ

المهندس عبد الجليل رد بأن كثرة غسيل السيارة من أسفل ان لم يستدعي الأمر لا داعي منه حتى لا يسبب صدأ للجزء السفلي من السيارة ولكن لو فيه ضرورة مثل غرز السيارة في منطقة موحلة بالطين أو ما شبه ذلك فيتم غسيل السيارة من أسفل

المشاركة الأصلية كتبت بواسطة samofox

السلام عليكم استاذ طارق انا بس كان ليا سؤال انا اعندى لانسر شارك 2008 لسة شاريها من حوالى شهرين وهى بصراحة عربية ممتازة جدا فوق الوصف فكل حاجة من ثبات ورفاهية وشياكة وكل حاجة بس انا فالحقيقة مكنش عندى علم بحكاية التلين اللى قبل 1000 كيلو دة فكنت بجرى بيها شوية سؤالى لحضرتك هل كدة انا ممكن اكون ضريت العربية انى جريت بيها قبل متعمل ال1000 كيلو والمفروض كنت امشى على سرعة كام وهى فالتلين وشكرا جزيلا لمجهوداتك

ألف مبروك العربية والمفروض في فترة التليين ان عداد RPM لا يزيد عن 3000 لفة / دقيقة انما طالما العربية ماشية معاك كويس ومفيش شكوى يبقى انسى الموضوع واستمتع بالعربية

المشاركة الأصلية كتبت بواسطة hossameg20035

هو سعر الدريكسيون بتاع العربية اللانسر بومة يطلع كام؟
اللى هو فى ثلاث اضلاع مش القديم

دركسيون البومة الجديد ثلاث اضلاع سعره في التوكيل 1220 ج + 10% وسعر الايرباج اللي داخله 3740 ج + 10%

المشاركة الأصلية كتبت بواسطة Islam Amer

السلام عليكم:
يا استاذ طارق انا ليه واحد صاحبي عايز يعرف الفرق بين اللانسر الاسبورت والانسر اوتو سام ؟؟؟

في المصري الاتنين 1600 أوتوماتيك جميع الكماليات تكييف وباور وسنتر وزجاج كهرباء ومرايات كهرباء و 2 ايرباج وفرامل ABS وفتحة سقف وسبويلر وجنوط سبور وعتب أمامي وجانبي وراديو كاسيت وسي دي تشنجر أما الفروق فهي :

السبورت فرش عادي و فوانيس أمامية غامقة وخلفية شفافة

السام فرش جلد طبيعي وفوانيس امامية عادية بيضاء وخلفية عادية حمراء

اما في الخليجي فممكن الكماليات تختلف