الموضوع: أنت تسأل وإسـتـشـارى منتدى متسوبيشى يجيب

المشاركة الأصلية كتبت بواسطة ahmedel_rayies

السلام عليكم ورحمة الله وبركاته

م/ طارق

تحية طيبة لسيادتكم،

حبيت أن أسأل عن منظف دورة الوقود من ميتسوبيشى، فإنة غير متوفر بإستمرار وكل ما أروح أعمل صيانة أسأل عليه يقولولى خلص. روحت حتى الأن حوالى 7 مرات التوكيل فى قليوب ومش بلاقية. هل من الممكن إن الطلبيات بتاعته تزيد فى الكميات ولا أعمل إيه عشان أجيب أنا عملت 5 صيانات حتى الأن ومستخدمتوش ولا مرة بسبب عدم توفرة الدائم.

وشكرا لسيادتكم.

أحسن انه مش موجود لأنه مش هيفيدك فى حاجه و عربيتك مش محتاجاه فى حاجه و أصلا المنظفات ده اشتغالات ولو دوره الوقود عندك فيها حاجه هتلاحظه فورا فى أداء العربيه و الحل ساعتها مش هيبقه المنظف و لكن هيكون بالفك و التركيب و عمل صيانه (بل بالعكس بيبقه فيه مواد كيماويه ممكن تعجل بتآكل اجزاء داخليه فى دوره الوقود و الرشاشات و الكلام ده حتى بيبقه مكتوب على العلبه بطريقه غير مباشره بأنه بيحذرك من كثره استخدامه بدون داعى) وأصلا مفيش داعى لاستخدامه و كفايه على دوره الوقود الفلتر العبقرى(طبعا باتريق) اللى ب450 جنيه ممكن لو مسدود أو بقاله كتير تغيره و هتدفع مالا يقل عن 500 جنيه فى التوكيل.

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلها زيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان
شكرا

المشاركة الأصلية كتبت بواسطة ahmedel_rayies

السلام عليكم ورحمة الله وبركاته
أولا أحب أشكركم كلكم على المجهوات الرائعة فى هذا المنتدي خاصة م/ طارق زويل.
وكل عام وأنتم بخير ويارب تكون سنة سعيد عيلنا جميعا إن شاء الله.


هل من حل فى موضوع التسارع والسحب داه؟!!!

صحيح بصراحة بحس إنى راكب عربية زيستافا إما بكون ماشى ويعدي من جنبى عربية إلنترا ولا بقدر أعمل معاه حاجه خالص على الطريق

وشكرا وكل عام وأنتم بخير

باشمهندس احمد عربيتى كانت زيك لغاية ما عملت صيانة ال 40000 وغيرت زيت الجيربوكس و البوجيهات بقت كويسة اما بالنسبة للطلعات تلاقى ال rbm يعلى فهذا عشان العربية تحافظ على سرعتها وده طبيعى بس مش الطبيعى ان السرعة تقل كده فى حاجة بالنص بين الموتور و الجيربوكس غلط وجرب تثبت ال rbm على 2.1 عندى بتوصل السرعة 100 ولو rbm 3.2 توصل 135 وبالنسبه للمنظف انا جربت من امارات مصر حاجه اسمها carbmedic وده انا حسيت انه عمل تاثير بس تحطه على 20 لتر بس و تطلع مشوار طويل تمشى على 100 لمدة.باشا اللانترا عملالى عقدة نفسية دى بتمشى 180 مرتاحة يا ريس ياما شفت منها على الطريق و انا على 170 بس سقط ds وانت على 80 واحرق و بعدين اديها d ممكن بس مش اكيد تحرق الانترا فى اول السرعات تحت 100 بس

اخوك/ م/ماهر علام

عايز اعرف ما هو تاثير بنزين 80 علي سيارة لانسر موديل 2001
وهل ممكن ياثر علي حاجة في العربية وشكرا

إستاذى الفاضل المهندس طارق السلام عليكم ورحمةالله وبركاتة
سؤالى فى المدة المطلوبة لتغيير الزيت عربيتى شارك غيرتلهازيت وفلتر وهى عاملة 3000 ك حتى الأن والمفروض التغيير عند 10000ك والمدة دة تأخذ معى على الأقل سنة ونصف هل التغييرمرتبط بعدد ك مترات ولا زمن وميعاد الصيانة 10000ك هل يكون بعد سنة ونصف كثير ولا إية لأنى مش بإستخدم العربية كثير العربية خليجى بدون ضمان
شكرا أرجو الرد من المهندس طارق والأعضاء الأفاضل

انا عندى سياره متسوبيشى اوتومتك 1600 سىى سى وكنت عايز اعملها صيانه ال 80 كنت عايز اعرف اقرب معاد على شان انا بعيد عن التوكيل 500 كيلوا متر

انا معايا لانسر بومه موديل 2008 لاحظت ان كان زيت الباور بين Min و Max فى المنتصف وقت ما اشتريتها و دلوقتى بعد 7100 كم (سنه) لاحظت ان زيت الباور قل شويه بس لسه موصلش للMin بس كل الزيوت التانيه ثابته تقريبا .. هل ده طبيعى ولا ممكن يكون فى مشكله ؟