..:: التقرير الشامل النهائى لتويوتا كورولا 2014 ::..

**abofandy** · 06-10-2013 11:02 AM

تانى حاجة هو النور الى فوق درج التابلوه دا الخط الازررق دا موجود فعلا ولا صور بس

النور دة موجود في الفئة الهاى لاين دة انا شوفته
بس السوال هل دة موجود في الفئة التانية اوتو فول اوبشن ولا لا ؟

**abofandy** · 06-10-2013 11:06 AM

انا اشتريت الالنترا ده اول مانزلت لو حضرتك دورت في مواضيعي هتلاقيها وكنت عامل لها تقييم ومقارنه مع المازدا
هي عربيه واسعه وسحب كويس وموتور ناعم عربيه ممتازه لكن مشكلتها معايا ان ضهرها بيرقص بطريقه غريبه قوي التويوتا مختلفه تماما عنها انا كنت باخد غرز ع العاصي علي 120 في محاوله اني اشغل نظام الثبات عشان يعدل العربيه بس هو عامل من بنها

لان العربيه التحكم فيها سهل جدا ووصلت 150 باطمئنان كامل
انا ركبت سيراتو والنترا بصراحه اعتقدت ان التورشن بيم ده اختراع فاشل لكن لما جربت الميجان مع صديق والكورولا ايقنت ان في فرق تمام في العفشه حتي لو نفس النوع
الالنترا من بعد 140 بالظبط مش هتحس باطمئنان معرفش ازاي مع الحجم الكبير بتاعها

نفس السوال انا سالته لنفسى
طالما التورشم بيم مش كويس كدة اشمعن بينزلوا العربيات بيها ؟
فرد عليا احد الزملاء وقالى لان مش كل التورشيم بيم وفعلا ركبنى وقتها عربيته ونزلنا من الالنترا بعد 130 وركبنا تويتا كروولا 2009 تورشيم بم ونفس السرعة ونفس العفشة بس كان فية فرق ملحوظ وقتها مع اختلاف السن بين السيارتين الكورورلا كانت عجوزة بالنسبة للانترا 2012

الخلاصة
ان زى ما قولتها قبل كدة ان التورشيم بيم نظام اقتصادى مش مكلف اوى ومش معقد وثباتها كويس اى نعم مش زى المالتى لينك
والتورشيم بيم يختلف من بلد صنع الى اخرى

**abofandy** · 11-10-2013 06:03 PM

مفيش حد استلم يا جماعه
او حد اتصل بيه انه يستلم يوم السبت او الاحد قبل العيد
ولا كل اتاجل لبعد العيد ؟

**abofandy** · 12-10-2013 02:19 PM

من 10 الى 11 ثانية بتختلف من مانيول لاتوماتيك

**bassem.naguib** · 14-10-2013 07:00 PM

المشاركة الأصلية كتبت بواسطة عمرو سامي

هو الpark assist مقصود بيه ان العربية تركن نفسها زي الاودي و سكودا بره مصر وكده ?

بالظبط .. بس معتقدتش أنه حيكون فعال قوي في مصر .. ده الواحد يادوبك بيلاقي خرم أبرة بيركن فيه .

**abofandy** · 14-10-2013 10:27 PM

المشاركة الأصلية كتبت بواسطة عمرو سامي

ازاي يا جماعة انتوا بتهزروا ازاي العربية تركن نفسها بالسعر ده دي مستحييييييل لا اعتقد الوكيل ليه تفسير للسيستم ده بشكل مختلف ده في الامارات نفسها مكانش بينزل غير في عربيات اودي ايه 5 و الاعلي مش اي عربية
لكن بالنسبة لمصر او اي دولة النظام هيكون فعال لانه بيحدد المساحة المناسبة للركن

اه يا فندم بتركن لوحدها زى الاودى والانترا والبى ام والمرسيدس
وهتلاقى الفيديوهات بتاعتها على اليوتويوب علشان يبقى للكلام مصدقية