الموضوع: ..:: التقرير الشامل النهائى لتويوتا كورولا 2014 ::..

المشاركة الأصلية كتبت بواسطة m.atef82

متأكد جدا ﻷنى كنت فى التوكيل وقالولى نفس الكلام بس خلى بالك ان الهاى لاين فيها حاجات تانية زيادة غير كدة زى المفتاح الزكى و حساسات المطر والمرايا اللى فى النص بس بينى وبينك كلها حاجات فكسانة. انا رأى اعمل زى وهات الفئة ااثانية وابقى اشترى الكاسيت الجديد اللى هينزل

خلاص أنا هتوكل على الله وأجيب الفئه التانيه ان شاء الله ؛)
وفعلا الحجات التانيه مش في أهمية الكاسيت والكاميرا
الحجات التانيه دي اللي هي هتبقى : الفرش اللي نصه جلد والمفتاح الذكي ورشاشات الفوانيس والمرايا الأوتو وحساسات المطر..صح كده ولا نسيت حاجه ؟

المشاركة الأصلية كتبت بواسطة abofandy

والله الكلام دة مش اكيد اوى يا رجالتنا
الكلام من التوكيل من مصدر موثوق بيقول كالاتى :
1.كاسيت الى نازل ف الهاى لاين مفهوش نافجيشين
2. حصلت مشاكل بين تويوتا العالمية والشركة المصنعة للكاسيت فغيروا التعاقد مع شركة اخرى لانتاج نفس الكاسيت ودة الى هينزل منه قطع الغيار .والكاسيت الجديد دة فية خاصية النافجشين والخرايط

دة الكلام الى وصلنى بصورة شخصية وسرية لانه كلام مسرب
والله اعلى واعلم بصحتة من كذبة

دكتورنا العزيز..شكرا لمتابعتك
انا ان شاء الله هروح بكره التوكيل في أبو رواش وأعرف الموضوع دا ظروفه ايه واكيد مش هعرفهم طبعا اني عارف المعلومات السريه دي ؛)
وأهو بالمره أسأل على الإستلام

يا باشا تسلم وربنا يباركلك في عربيتك ويحفظها ويحفظك
كويس انك فكرتني بموضوع التعديل علشان أسألهم عليه
بس ربنا يسهل ويردو عليا بشكل واضح لإني الصراحة مش مستريح لطريقة التعامل بتاعتهم أو بتاعة الشخص اللي انا حاجز معاه تحديدا..كلمته مره بعد شهر ونص من الحجز بقوله ها ايه الأخبار..قاللي انت بتتصل عليا دلوقتي ليه !! انت معادك مش دلوقتي خالص !! طبعا رحت مديهومله في جنابه
ربنا يقدرنا على فعل الخير :)

رحت التوكيل النهارده الحمد لله والمعلومات اللي عرفتها كالآتي:

-إستلام العربيات: جاري تسليم الناس بتاعة شهر 11..وقاللي ان احتمال الدفعه دي تغطي شوية كمان من أوائل شهر 12 والكلام دا على اللي حاجز فئه تانيه أو هاي لاين..قولتله بس اللي حاجز هاي لاين مش كتير ف بالتالي المفروض يستلم أسرع؟ قاللي نظرا لإن الحجز عليها مش كتير ف بنطلبها بكميات قليله (يعني الخلاصه هاي لاين زي فئه تانيه بالزبط)

-بالنسبه لتعديل الإرتفاع: التعديل هيبدأ من شهر 3 إن شاء الله على ما القطع توصل..والكل الدفعات اللي داخله جديد متعدله جاهزه..اللي هيعدل اللي استلم من زمان

-بالنسبه لكاسيت الهاي لاين فعلا مافيهوش نافيجيشن والكاسيت الجديد هينزل كمان شهر وهيكون فيه نافيجيشن وكل مميزات كاسيت الهاي لاين وسعره هيتراوح من 4500 الى 5000 وممكن يركب على كل الفئات

-الأسعار الجديده للكرولا: مانويال 164900...أولى أوتوماتيك 177900...تانيه أوتوماتيك 188900...ثالثه أوتوماتيك 214900