واحدة غلسة وانا اغلس منها

**memo_hefnawy** · 05-07-2007 12:02 PM

يا جماعه يا ريت نتخيل حبة الموقف :)

هى لو كانت خايفه ترجع مارشيــدير لا تتخبط .......... تقول مش عارفه أرجه ........ مش تشتم و تقل أدبها ؟؟؟؟؟؟؟؟

فيه فرق يا جماعه ..... نقدم أعذار ماشى لكن بالعقل و المنطق

حتى لو مش عارفه تتكلم بأدب

كله كــــــــوم و قلة الأدب و الشتيمة و أكل الحق بالدراع كوم

أنا لو دى قدامى و إتكلمت بأدب و قالت مش عارفه أرجع و لو سمحت ساعدنى أو أى حاجة (حتى لو راجل عشان محدش يفهم بمزاجه) :) هايكون الموقف غير

لكن هى على غلط و بتتخانق والله فى سماه لو عملت قرده فى الشارع مش هاعبرها

أنا أى حد بيحاول حتى ياخد منى حارتى لوى دراع أو يحدف عليا حتى لو ميكروباص أو مينى باص مش بوسعله و بحرق و مدخلوش

كله كوم و لوى الدراع ده كوم ....بالأدب أديك أكثر من حقك ...قلة الأدب مالهاش عندى غير إللى تستاهله :arrow:

**محمد المشد** · 05-07-2007 12:08 PM

يا اخى كريم منير .... بكل الصدق وبدون مجاملة لست معك فيما ذهبت اليه ! اعتقد انك كنت خارج نطاق الخدمة فى تلك اللحظات ومهما قلنا انها مخطئة فهذا لايعنى ان تدخل معها فى اى مهاترات وخاصة وان امها كانت فى صفك وضدها لاسلوبها المستفز ! ولست معك فى خبطك لسيارتها نهائياً فأن كان هناك خطأ منها فلا داعى لان تهدر مالك ومالها واعتقد ان ضيقك عندما ذهبت لمنزلك كان بسبب ان ضميرك انبك لهذا العمل فأستغفر الله عما فعلتة

**hussein** · 05-07-2007 12:21 PM

بعد (واحد غلس وانا اغلس منه) و بعد (واحده غلسة وانا اغلس منها ) مستنى ( طفل غلس ودا باءه هيوريك الغلاسه بصحيح :lol:
انا بهزر معاك يا باشا لحسن انا مش حمل خبطة واحده

**وائل عطية** · 05-07-2007 12:27 PM

يا عم روق لا شرك ولا حاجة طب قولهم الصح إيه
كل ما في الأمر أنه يقول في نية الذبح أنها لله تعالى شكراً له على نعمه ومنها العربية الجديدة
بهذه الطريقة مفيش أي شبهة خالص
يا جماعة إللي عاوز يذبح يتوكل على الله ويذبح ومينساش يصحح النية وهو بيذبح
وربنا يتقبل

يافندم الحكاية ماتجيش كده
فالنية السيئة تُفسد العمل الصالح،..والنية الصالحة تًصلح العمل الصالح
إذا يجب تصحيح النية
طبعاً أنا أشعر منك بالنية الصالحة ، ولكن الدين لا يوجد فيه:

يا عم روق

روق انت بقى ولو دبحت ابقى اعزمني :lol: :lol:

**mbluethunder** · 05-07-2007 12:31 PM

[b]
يانهار أبيض . انا أتعصبت جدا جدا جدا لما قرأت موضوعك ياكريم

ااشوارع بقت حاجه لا تطاق أبدا أبدا . وللأسف مافيش وعي بتاتا بأداب الطريق . ده الدول بتقيم من انظمة الطرق بتعتها

ده الشوارع بقت زحمه جدا جدا طول اليوم وخاصه بعد ما الشناكييييت خلصه

دنا حتى فكرت أدور على طياره هليكوبتر راكب واحد أركنها على السطوح وكل ما أحب أنزل في حته انزل بحبل وأسبها هي متشعلقه فوق :lol:

وعلى فكره علشان الناس اللي بتقول ان كريم متعصب جدا . ياجماعه لو الواحد نازل مشوار مهم ومستعجل جدا وشايف الدنيا زحمه موت + شخصيه زي ده أعتقد أن لو كان معاه مسدس كان خلص عليها :) . الموضوع مش عصبية شخص الموضوع أن الوضع اللي أنت فيه ( وخاصة ) الطرق بتعتنا ده تخلي الواحد يخرج عن شعوره

بس أنا مع محمود إنك بكل بساطه كنت تقفل عليهاا وتقفل عربيتك وبس وهي تتصرف بقى

الطرق بتعتنا ده بقت بالدراع بس سواق ميكروباص يكسر عليك وسواق نقل فاكر نفسه راكب طياره وشايف اللي حوالييه نمل ممكن يفعصهم ولا السيدات اللي المفروووووووض بجد الحكومه تمنع قيادتهم زي السعوديه كده

أنا أعتقادي إن بعد عشر سنين ممكن متلاقيش مكان تمشي على رجلك حتى في الشوارع بتعتنا ده

ربنا يكون في عون الجميع ويقوينا على الحياه ده

**tamohsen** · 05-07-2007 12:53 PM

مش متفق معاك نهائيا في اللي انته عملته
بس بجد الله يكون في عونك
ساعات في مواقف صعب أوي الواحد يسيطر فيها علي أعصابه
يعني الأسبوع اللي فات مثلا ركنت ورا واحد راكب BMW جديده وبعديها بدقيقتين لاقيته مدور العربيه وجاب مارشديير
وابتدي يرجع لورا من غير مايبص أو حتي يلمح في المرايه ميين وراه " مع أني متأكد أنه شافني وأنا بركن"
طبعا أنا أيدي عالكلاكس ومع ذلك الباشا ما حسش بحاجه غير لما العربيتين خبطوا في بعض
راح ناقل عالأول وطالع يجري
طبعا أنا نزلت والعفاريت بتطنطط في وشي
ولو كنت مسكته كنت فعلا دبحته

بس اللي هداني اني شفت أكصدام عربيته مكحوت من لوحه المرور اللي قدام عندي
وبصيت علي عربيتي الحمد لله الحمد لله مكانش فيها أي خدش :lol:

**hazem_khidr** · 05-07-2007 02:26 PM

انا لسه شايف الموضوع حالا اهو.هدي نفسك يا كريم مش كده انا عارف ان اللي استفزتك هيا الشتيمه القذره اللي قالتها و انت معاك حق في اللي عملته و انا لو مكانك كنت عملت كده بس بصراحه انا حعملها علشان عربيتي مش فابريكه ف اي خدش عندي مش حياثر انما لو راكب عربيه فابريكه مش حعمل كده خالص.
عملت الموضوع دا مرتين
مره كنت ماشي و واحد حاول يعديني و المكان مش سامح المهم ماعدتوش وقفت في اشاره لقيته جاي جنبي علي الشمال و يبص بصه و بيشتم و قافل الزجاج و مشغل التكييف المهم الاشاره فتحت
روحت جاي علي شماله و قعدت ازنق عليه و اجري و ازنق لخد ما مرايتي اليمين كانت حتخبط في مرايته لحد ما دخلته في رصيف !!!! و مشيت
تاني يوم لقيت القسم باعت و عاوزني اصل البيه راح اشتكاني بس ولا خد حق ولا باطل المهم انه اتربي و معدش يعمل كده تاني و كل ما يشوفني لحد انهارده يمشي من غير ما يبص حتي :lol: .
موقف تاني كنت في تانيه كليه و معايا عربيه 132 و كنت خارج من درس و لقيت واحد ب اوبل فيكترا عمال يعاكس في البنات اللي خارجه معانا و عمال يلف و يرجع كتير المهم جاي ماشي لقيت الاخ دا جاي من جنبي هو و اصحابه و عمال يتكلم بطريقه مش كويسه و قاصد يسمعني روحت جريت و جبته ورايا و فجأه ضربت فرامل و دخلته في الهوك بتاعي من ورا!!!!!!!! :D :D و عينك ما تشوف الا النور وش عربيه ادمر و انا محصليش اي حاجه و انا مشيت ولا حتي بصيت عليه العالم دي تستاهل اللي يحصلها و بكده تتادب.
البنت دي لو بنت ناس و متربيه ماكنتش شتمت علي الاقل مش علشان سلوكها لا علان مامتها اللي راكبه جنبها.دا انا اللي اسمي ولد اتكسف اشتم حد قدام حد كبير من اهلي فما بالك بقي دي بتشتم شتايم قذره و مامتها جنبها؟!!!!
تصرفك جامد فعلا و محدش يلوم عليه انا ارفع ليك القبعه يا باشا علي التصرف دا :lol: :lol:

**Karim_Monir** · 05-07-2007 02:28 PM

والله انا شاكر كل ردودكم وتفاعلكم خاصة الممواقف دي بتبين الصحاب الحقيقين
بس اللي عايز اقولوة ان الكيمياء بتاعت كل واحد فينا بتتغير
انا كنت رايح ميعاد ومهم جدا والناس مستنية في مكان مفيهوش انتظار لاننا ماكوناش نعرف بعض
ودي جت خلصت عليا طخ طخ علي راي محمد علاء
بس والله لو راكبة دودج رام كنت خبطتها ولو واحد كنت خبطتة برضه
اصل هيا مش عافية وقلة ادب علي راي حفناوي اللي فهمني قوي يمكن عشان سرطان زي بعض
لو حد فيكم سمع الشتيمة القذرة دي بودنة وعندة بربع جنية كرامة كان نزل دبحها
واضح ان مامتها مالهاش اي تاثير عليها
وان تربيتها اوطي من رصيف الشارع
ولو كانت الزاوية اللي بيني وبينها ما تسمحش اني اخبطها بفن
كنت فتحت شنطت العربية وطلعت الشومة اللي شايلها فيها باستمرار ونزلتلها برابريز لما تروح تدفع حقة يتحرق دمها زي ما حرقت دمي وتقفلها في الشارع ساعتين

اما لو خدت النمرة هيا والشناكيت فليها الف مخرج ومخرج عشان ده تخصص والدي (مستشار)

بس المحصلة النهائية اني زعلان جدا من نفسي اني خالف الرسول صلي الله علية وسلم لما قال لا تغضب

الغضب عمى فعلا
انا العيال بتوع ثانوي دول لو كانوا طولو شوية في الكلام كنت طرقعتلهم فعلا

مش عارف الواحد هايركب دفيندرات الماتركس قريب وينزل يحارب بيهم زي ما قولتلك يا محمود
وتبقي تويوتا ولا حدش قدي علي راي اعلان النص نقل بتاع تويوتا وخللي حد يقرب بقي
ومحمود قاللي لو عملتها مش هاركب عربيتك ابدا معلش بقي يا حودة خد تاكسي وتعالي ورايا

:mrgreen: :mrgreen: :mrgreen: :mrgreen: :mrgreen: :lol: :lol: :lol:

لا اله الا انت سبحانك اني كنت من الظالمين

**وائل عطية** · 05-07-2007 02:34 PM

وتبقي تويوتا ولا حدش قدي علي راي اعلان النص نقل بتاع تويوتا وخللي حد يقرب بقي

إيه يا شديد !! :lol: :lol:

-

الموضوع: واحدة غلسة وانا اغلس منها

LinkBack

أدوات الموضوع

عرض

-

-

-

-

-

المواضيع المتشابهه

امسك .. وادى كمان مصيبة ... واحدة واحدة يا ولاد ال.....

أغلس 49 نكتة فى التاريخ(غلسة،غلسة)- هتموتى ياسوسو

عايز امشى بالعربية واحدة واحدة من غير ما ادوس دبرياج,, هل ينفع؟؟

واحد غلس وانا اغلس منه

الكلمات الدلالية لهذا الموضوع

المفضلات

المفضلات

ضوابط المشاركة