الموضوع: واحدة غلسة وانا اغلس منها

يا جماعه قليل الأدب لازم يتأدب لأن ده أحد أسباب إنتشار البلطجة فى المجتمع إن مفيش أى رادع من أى نووع

واحد غلطان فتونه و تبجيح يتأدب و إن كان فاكر نفسه واخده عافيه فى الأعفا منه :)

أنا شايف إن كل واحد بيغلط لازم يتأدب بس بحــــــــــــــــــدود و شرط إنه يكون فعلا غلط عن الحق و العرف مش غلط من وجهة نظرى !!!!!!!! و فيه فرق كبير بين ال 2 يعنى لو جه واحد ركن قدام جراشى (ياريت يكون عندى جراش) بس مثلا يعنى و عشق عربيته و غار إختفى ؟؟؟؟؟؟؟؟ ده تعمل معاه إيه ؟؟

1- واحد يقولك نيمله ال 4 عجلات
2- واحد يقول أكسرله 4 فوانيس
3- أجمــــــــــل و أحلى حل هو --------->>> هاطلب ونش إنقاذ سريع و أخليه يودى العربية فى آخر الدنيا يرميها فى أى داهيه و يبقى يدور عليها بسلامته أو أحسن عشان مش تتسرق هاخليها يركنها أمام قسم شرطة بعيد حبه

يبقى أنا وسعت سكة و عرفت أخرج من الجراج و علمته درس لا يمكن ينساه فى حياته لأن يركن و يعشق قدام جراج دى قمة البجاحه و هكذا

يا جماعة ربنا يكفينا جميعا شر الطريق
أنا لما بعصب وأنا سايق بزعل من نفسي جداً لأنها عصبية غير مجدية
اللي بيبجح أو بيشتم مثلا ده إنسان المفروض مننزلش لمستواه لأن مجرد الرد عليه نزول لمستواه وده هيكون إهانهة للطرف المحترم
أما اللي بيسوق غلط عمرة ما هيقبل كلام أو زعيق أو نصيحة من اللي هو كسر عليه أو تعدى عليه لأن بيركبه الكبر بالإثم

وطبعا المرور في بلدنا ميعرفش أصول المرور

الحل هو كظم الغيظ كما أمرنا رسول الله صلى الله عليه وسلم

وصدقوني ربنا مبيسبش الظالم
سيبة إنت وفوض أمرك لله وهتاخد حقك دنيا وآخره
وما زاد الله عبدا بعفو إلا عزا

ماحستيش بنفسي الا وانا بجيب عجلة قدام وكاسر الدريكسيون علي الاخر وبعافية العربية وزاوية الاكصدام بتاعي رجعت بضهري طبقتلها الباب بتاعها والباب الوراني بضربة واحدة وطلعت امريكاني

ياريتنى كنت انا بالفولفو كنت فرمتها هى و العربيه . أدى فايده العربيات القديمه

هيا مواليد برج اسد ولا ايه

هى من برج الحمار البرج رقم 13 ليها لوحدها

و باين انها مش محترمه لأنها بتتكلم بالطريقه دى قدام مامتها امال لو لوجحدها كانت هتعمل ايه؟

خلى بالك بقى ماتمشيش فى الشارع كتير الناس بقت بتدور على كريم منير علشان تنرفزه

الناس دى فعلآ ماتستاهلش انك تفكر تبصلهم ولا تديهم اى اهتمام
بس للأسف النوعيات دى كترت فى مصر بطريقه بشعه و مش مجرد الناس اللى راكبه عربيات
لو فيه حد شغله يرتبط بالتعاملات مع الجمهور هيلاحظ النوعيه دى كتير و كأنك شغال عندهم و الأمثله كتير و انا مش عايز اوجع دماغكوا

و ربنا يهدى الجميع

يا جماعة أنا حاسس بالرعب من الردود! هو احنا بقينا فى غابة و كل واحد لازم ياخد حقه بدراعه؟؟ طبعاً البنت غلطانة مفيش كلام بس يا كريم لما خبطلها العربية يبقى انت رديت على اعتدائها اللفظى باعتداء مادى فبقيت انت الأظلم ...

يقول الله تعالى: "وَالَّذِينَ إِذَا أَصَابَهُمُ الْبَغْيُ هُمْ يَنتَصِرُونَ (39) وَجَزَاء سَيِّئَةٍ سَيِّئَةٌ مِّثْلُهَا فَمَنْ عَفَا وَأَصْلَحَ فَأَجْرُهُ عَلَى اللَّهِ إِنَّهُ لَا يُحِبُّ الظَّالِمِينَ (40) وَلَمَنِ انتَصَرَ بَعْدَ ظُلْمِهِ فَأُوْلَئِكَ مَا عَلَيْهِم مِّن سَبِيلٍ (41) إِنَّمَا السَّبِيلُ عَلَى الَّذِينَ يَظْلِمُونَ النَّاسَ وَيَبْغُونَ فِي الْأَرْضِ بِغَيْرِ الْحَقِّ أُوْلَئِكَ لَهُم عَذَابٌ أَلِيمٌ (42) وَلَمَن صَبَرَ وَغَفَرَ إِنَّ ذَلِكَ لَمِنْ عَزْمِ الْأُمُورِ (43)" - سورة الشورى

المشاركة الأصلية كتبت بواسطة karim_monir

هيا مواليد برج اسد ولا ايه :roll:

انا مواليد برج الاسد لكن مفيش اطيب من كده في السواقه ( هي يا طيبة يا خيبة )

المهم ان ربنا بيسترها

حمد الله على سلامتك يا باشا ... اهم حاجة تخلي بالك من الضغط لحسن يعلا

:roll:
الاستاذ وائل عطية:

ياباشا انا مش قصدي طبعا ان الناس تدبح للسيارات اوالشقق الجديدة او اي شيء ربنا انعم علية بيهم ...وطبعا ما يلطخوش ايدهم بالدم ويدهنوا السيارات او يمسحوا الدم في الشقة او غيرة...

المقصود بالدبح هنا هو برضة مش نذر...لان الانسان مش مستني ان العربية تجيلة من السماء....

الحكاية ببساطة...علي اجتماع علماء الامة...ان الانسان ايلي ربنا ميسر علية وانعم علية بشيء كويس (شقة جديدة او عربية او عزبة او اي شيء زي كدة ) انة يريق الدماء شكرا لله (زي بالظبط العقيقة ايلي بيشكر فيها الله علي المولود والي بترفع عن المولود الضرر باذن الله اولا واخيرا )

يعني النية انها تقرب لله تعالي علي ما رزقة من فضلة في شقة او سيارة او مولود او اي شيء يحس فية ان ربنا بينعم علية ...

وطبعا انت عارف ان اي صدقة ...ترد الاذي وتطفيء غضب الرب....


يارب اكون وضحت قصدي ....

وعموما هي مش الزامية بس مستحبة ....لان ادخال السرور علي المحتاجين والفقرا مطلوب في اي وقت ...

وربنا يكفيكوا ويكفينا شر الابتلاءات ...

البنت تنرفز جداااااااااااااااااااااا الحقيقة

بس مش معاك انك تخبطلها العربية

والحمد لله ان الموضوع خلص لحد كده وماوصلتش للشومة

وخلى بالك العربية جديدة