الموضوع: صديقي المواطن قف محتار ومحتاج أتناقش معاكم في بيع عربية ألماز

المشاركة الأصلية كتبت بواسطة mxz911

طيب ما نيجى كذا حد ايه رأيك
انا بتكلم جد على فكره . كذا عضو من الاعضاء مهتمين يعرفوا التفاصيل ويشوفوا الصور
هل حضرتك ترحب بينا ؟
وايه رأى الاعضاء ؟

صديقي المواطن
أنا بصفة شخصية ونظرا لتشريفك لموضوعي ومتابعتك على رأسي من فوق فأهلا بيك بإمكانك تكون مع الشخص الذي سيتفق عليه كل المنتدى لمشاهدة الصور وأنا.أرشح اﻷستاذ كريم منير اﻷخ المؤسس وأرشح من وصفني بالكذب في موضوع التويوتا كراون أم إعلان ال 3 آلاف واﻷخ اللي زعلان من كلمة عربيتي رقم 9 وبيقول معنديش تكتك أصلا وحضيفلك فيلم جديد لبتاع التكتك أنا عندي مكنتين تلاتة زيادة فبكلم اﻷسطوات وبقلهم عايزين نصمم عربية كلاسك كشف من.غير سقف تكون أرفع من التكتك وأطول منه.حبتين وطبعا دي متترخصش بس دي ممكن تلف بيها حوالين البيت وفعلا بفكر أعملها وعندي أهم حاجة وهي المحرك والفتيس والفوانيس والباقي سهل وعلبة دركسيون وطارة وكماليات
وكمان أرحب بيه نفس الشخص.اللي قلتله أنا بكره رايح أخلص عربيتي رقم 9 وعلى فكرة الحمد لله جبتها إمبارح وهي أحد أحلام الطفولة شيفرولية أمربكي دوبل كابينة نمر نقل فتيس غرز تبع حرس الجامعة اﻷمريكية وخدتها بالقسط كالعادة وهي موديل 1978 ونفس الراجل عنده دوبل كابيتة موديل 2000 وصورتها بنفس الكاميرا اللي فيها شغلي وممكن.ببساطة أقول إن دي عربيتي هو حد شايف حاجة مهو أنا محترف كذب في نظركم ودي صور بس السؤال هل أنا ممكن أعمل كده ؟ وإمبارح ما بين مرور الحوامدية ومرور بين السيارات وشهر عقاري الجيزة والسؤال إشتريتها ليه وطبعا إجابتي من وجهة نظر المشكك بي دائما وبيقللي معكش تكتك أنا عملت تصميم وشايف.إني أقدر أخليها أشيك من الدودج رام 2013 ومعييش.فلوس الدودج رام 2014 وكمان عملت فكرة هندسية بجعل صندوقها زي علبة الكبريت متحرك على بلي عشان يتعرض ويتطول مع تركيب ونش سحب كهربائي صغير وأقدر أخليها ونش.لباقي عربياتي ﻷن أنا أكثر بند شايف نفسي فيه بتعور ماديا كل فترة هو الونشات فأنا لو عطلت أي عربية داخل القاهرة بدفع 200 وبدي إكرامية 50 ومرة في رمضان عربية وحده في يومين إتشالت 4 مرات كده ألف جنيه سيبك من البهدلة في الشارع ميهمنيش متعود عليها وخصوصا لو عربيات مش بزعل وبعدين الونش من مصر لفاقوس 470 جنيه وبدي إكرامية 50 للسواق ثم بغديه قول 50 أنا وهو وكل عربية بتتكرر روحاتها لفاقوس مرتين وبكده بتاكل 2500 ونشات بس طبعا الحلم ده حياخد وقت بسبب إني كده بدفع أقساط لكذا عربية وبدفع فلوس شد وتعديل بقت 9 عربيات كده وكلها ماشي بتعديلها

نيجي بقه لموضوع الفائدة مع إحترامي الشديد لك أنا مش عامل الموضوع للفايدة ونقل الخبرات أنا ده يعتبر سر المهنة وأنا قلت إن أنا عارض عربية للبيع بسعر معين أو للبدل بعربيات معينة وقلت كمان اللي عاوز يرش عربيته ب 30 ألف جنيه فحرشهاله ثم إنتو زعلانين ليه مهو عندك محمد البديوي بيرش ذهب وبيرش نيكل ب 30 ألف وكذلك وليد أيربرش في الحرفيين برضو بياخد 25 بس الفرق بيني وبينهم إن رشهم مبيترخصش في المرور وأنا رشي متقلقش أسلمهالك اللون مثبوت عالرخصة وبالتوفيق عذرا للإطالة


ودمتم للنضال

أيها اﻷخوة المواطنون
نفسي بجد وبأمانة أفتح الموضوع في يوم وألاقي حد بيقلي مثلا أنا عندي مثلا فلوانس مقلوبة أو عندي عربية من طلباتك وعايز أخلص منها وأبدل معاك أو حد يقول لي أنا عندي عربية تحت البيت وعاملة حادثة أو قديمة كلاسك تعال خدها وخلصنا منها بالقسط أو حد جاد في الشراء يعربن ويشوف نموذج العربية حتطلع إزاي
بس للأسف أنا بتعب في الردود خارج الموضوع وبرضو مش عارف أزعل حد ﻷني بعاملكم كلكم إخواتي
وبالتوفيق
ودمتم للنضال

المشاركة الأصلية كتبت بواسطة kar!m

أنا فاكر ان كان في عضو معانا عارف الأستاذ صدام معرفة شخصية .. و كان قبل كده عارض عربية شيفرولية فان للبيع و الأستاذ صدام كان عاوز يشتريها .. بس هو كان عاوز فلوسه كاش.

حتى تقريبا أستاذ صدام كان اقترح عليه يعدل فيها حاجات في الجنوط و كده .. بس صاحبها كان بيبيع فمكنتش فارقة معاه.

عموما أنا شخصيا أعرف ناس كتير عندهم هواية الأستاذ صدام من اقتناء العربيات القديمة و المميزة .. و أشهرهم واحد في المهندسين حاطط عربياته صف ورا بعضه .. و ليه صديق عنده ميتسوبيشي جالانت رويال 1985 و بويك سكايلارك 1981 .. و بعدين راح اشترى مرسيدس 190 موديل الستينات اللي هي فوانيسها مدورة و التلات عربيات عنده .. و أنا ركبت التلاته معاه .. و ما شاء الله متفرقهمش عن الزيرو .. حتى المرسيدس الستينات.

أنا شخصيا لو مش عايش في مصر هجيب بويك بارك أفينيو تمانينات و أقتنيها :-)

الشاهد في الموضوع .. في ناس فعلا عندهم هواية اقتناء العربيات و تعديلها .. و ناس مش قليلة على فكرة .. في ناس كتير لو معاها فلوس هتعمل كده .. بس مش كل الناس متيسر لها الفلوس و الوقت و راحة البال انه يمارس هوايته و أي حد بينتقد الأستاذ صدام لو فكر مع نفسه لو معاه فلوس و عنده مساحة وقت كبيرة هيعمل ايه .. هيلاقي نفسه هيعمل حاجات برضه ممكن تبقى غريبة في نظر ناس تانية.

صديقي.المواطن
كلامك وتواجدك في موضوعي شرف لي ويسعدني

وأنا فعلا عربيتي المرسيدس رقم 1 هي 190 موديل 1965 بيتم تعديلها منذ شرائها في شهر 9.سنة 2009 وهي التي تغير عليها 5 سمكرية و4 بوهيجية حتى وصلت فاقوس وهي اللي بجرب فيها اﻷفكار تقريبا ودخلت الفرن للتجارب أكثر من 25 مرة وعملتها بور وهي اللي إترش ليها الجنوط الذهب وهي كمان اللي وهي ماشية تحسها بتبرق في عينك من الترصيع داخل ألوانها

البارك أفينيو كان عندي وحده موديل 87 جميلة جدا جدا وأنصحك بيها

السكاي لارك مبحبهاش وعربية كريهة قلبا وقالبا ومتفكرش فيها

صاحبك اللي معاه ال 190 لو صادفته أي مشكلة يكلمني و أنا أحلهاله مجانا

أما موضوع تعديل الجنوط في موضوع الراجل بتاع الفان فلو إتكلمنا فيه حيقلك ده فيل جديد ﻷن فكرته خيالية وهو عبارة عن 4 مسدسات مش حقيقية طبعا بتلف عالجنط وهو واقف وبتوقف والجنط ماشي
ملحوظة المسدسات والجهاز موجودة وواقفة على إني أجيب جنط 22 وأروح للخراط وأركب لازم جنط فوق 18 لنجاح التصميم

أما للأخ صاحب الفان فهل سمعني أحدكم أشكك بمصداقيته أو إتهمته بالكذب ولكن أنا بعد فترة بمشي في أحد الشوارع وشفت العربية مركونة أمام معرض وسألت وتحققت ولقيت إن الراجل كان مصورها في الشارع و بيدعي ملكيتها مش عارف ليه ولما إتصلت بيه وعزمته على فطار أصنعه بإيدي قال لي العربية إتباعت ومش زعلان منه على فكرة

وبالتوفيق
ودمتم.للنضال

شكرا لك ﻹنصافي

صديقي الرفيق المواطن.....

أولا أحب أن أحيي سعادتك علي هذا الشغف بالسيارات و الأبداع المتناهي
ثانيا هو حضرتك ليه ما فكرتش في الأير براش؟؟ ده طالع موضة جامدة جدا
ثالثا ياريت تحط بعض الصور لسيارات حضرتك للأستفادة العامة و أن شاء ألله ماحدش يحسدهم.

ودمتم للكفاح و النضال.

فين سندوتش ماك رويال انا جعان عمال تصرف فلوسك على العربيات وجنط من الدهب واير برش 6 الوان
وسايبنى انا اخوك المواطن المكافح المناضل من غير سندوتش كمبو حتى طب بلاش ماك رويا خليها سناكس من كنتاكى 14 جنيه بس

المشاركة الأصلية كتبت بواسطة tito29

صديقي الرفيق المواطن.....

أولا أحب أن أحيي سعادتك علي هذا الشغف بالسيارات و الأبداع المتناهي
ثانيا هو حضرتك ليه ما فكرتش في الأير براش؟؟ ده طالع موضة جامدة جدا
ثالثا ياريت تحط بعض الصور لسيارات حضرتك للأستفادة العامة و أن شاء ألله ماحدش يحسدهم.

ودمتم للكفاح و النضال.

صديقي المواطن
مرورك وتعليقك في موضوعي زادني شرف
وطبعا لا تقلق مفيش حاجة في التعديلات الشكلية مش متابعها وأنا راشش حاجات بسيطة أيربرش من 3 أو 4 سنين ولو بتتابع مشاركاتي إني باعت كذا واحد لبتاع أيربرش بس أنا مبحبش الفلايم والشعلات والقصص دي مش بتستهويني وبفكر في حاجات أعلى والمرور عندنا فاشل فشل السنين وضد الحداثة والتطوير أنا دايما بعدل بطرق أعرف أحتال بيها عالمرور
ودمتم للنضال

المشاركة الأصلية كتبت بواسطة saddam

صديقي المواطن
أنا بصفة شخصية ونظرا لتشريفك لموضوعي ومتابعتك على رأسي من فوق فأهلا بيك بإمكانك تكون مع الشخص الذي سيتفق عليه كل المنتدى لمشاهدة الصور وأنا.أرشح اﻷستاذ كريم منير اﻷخ المؤسس وأرشح من وصفني بالكذب في موضوع التويوتا كراون أم إعلان ال 3 آلاف واﻷخ اللي زعلان من كلمة عربيتي رقم 9 وبيقول معنديش تكتك أصلا وحضيفلك فيلم جديد لبتاع التكتك أنا عندي مكنتين تلاتة زيادة فبكلم اﻷسطوات وبقلهم عايزين نصمم عربية كلاسك كشف من.غير سقف تكون أرفع من التكتك وأطول منه.حبتين وطبعا دي متترخصش بس دي ممكن تلف بيها حوالين البيت وفعلا بفكر أعملها وعندي أهم حاجة وهي المحرك والفتيس والفوانيس والباقي سهل وعلبة دركسيون وطارة وكماليات
وكمان أرحب بيه نفس الشخص.اللي قلتله أنا بكره رايح أخلص عربيتي رقم 9 وعلى فكرة الحمد لله جبتها إمبارح وهي أحد أحلام الطفولة شيفرولية أمربكي دوبل كابينة نمر نقل فتيس غرز تبع حرس الجامعة اﻷمريكية وخدتها بالقسط كالعادة وهي موديل 1978 ونفس الراجل عنده دوبل كابيتة موديل 2000 وصورتها بنفس الكاميرا اللي فيها شغلي وممكن.ببساطة أقول إن دي عربيتي هو حد شايف حاجة مهو أنا محترف كذب في نظركم ودي صور بس السؤال هل أنا ممكن أعمل كده ؟ وإمبارح ما بين مرور الحوامدية ومرور بين السيارات وشهر عقاري الجيزة والسؤال إشتريتها ليه وطبعا إجابتي من وجهة نظر المشكك بي دائما وبيقللي معكش تكتك أنا عملت تصميم وشايف.إني أقدر أخليها أشيك من الدودج رام 2013 ومعييش.فلوس الدودج رام 2014 وكمان عملت فكرة هندسية بجعل صندوقها زي علبة الكبريت متحرك على بلي عشان يتعرض ويتطول مع تركيب ونش سحب كهربائي صغير وأقدر أخليها ونش.لباقي عربياتي ﻷن أنا أكثر بند شايف نفسي فيه بتعور ماديا كل فترة هو الونشات فأنا لو عطلت أي عربية داخل القاهرة بدفع 200 وبدي إكرامية 50 ومرة في رمضان عربية وحده في يومين إتشالت 4 مرات كده ألف جنيه سيبك من البهدلة في الشارع ميهمنيش متعود عليها وخصوصا لو عربيات مش بزعل وبعدين الونش من مصر لفاقوس 470 جنيه وبدي إكرامية 50 للسواق ثم بغديه قول 50 أنا وهو وكل عربية بتتكرر روحاتها لفاقوس مرتين وبكده بتاكل 2500 ونشات بس طبعا الحلم ده حياخد وقت بسبب إني كده بدفع أقساط لكذا عربية وبدفع فلوس شد وتعديل بقت 9 عربيات كده وكلها ماشي بتعديلها

نيجي بقه لموضوع الفائدة مع إحترامي الشديد لك أنا مش عامل الموضوع للفايدة ونقل الخبرات أنا ده يعتبر سر المهنة وأنا قلت إن أنا عارض عربية للبيع بسعر معين أو للبدل بعربيات معينة وقلت كمان اللي عاوز يرش عربيته ب 30 ألف جنيه فحرشهاله ثم إنتو زعلانين ليه مهو عندك محمد البديوي بيرش ذهب وبيرش نيكل ب 30 ألف وكذلك وليد أيربرش في الحرفيين برضو بياخد 25 بس الفرق بيني وبينهم إن رشهم مبيترخصش في المرور وأنا رشي متقلقش أسلمهالك اللون مثبوت عالرخصة وبالتوفيق عذرا للإطالة


ودمتم للنضال

رجاء خارج الموضوع .....

لما حضرتك تبدا تشد الشيفروليه الامريكى ممكن حضرتك تفيدنى بخبرتك ....
العربية اخبارها ايه ؟ و الموتور الى عليها ايه ؟ حضرتك حتجبلها ونش كهرباء من فين ؟

انا معايا بليزر موديل 80 ... اعتقد انها حتكون نفس الموتور و نفس الكابينة
انا بحب اعرف اماكن بيع قطع الغيار الجديدة و الاستيراد
و شكرا