الموضوع: تجربة سيئة مع توكيل بيجو و السيارة 301

المشاركة الأصلية كتبت بواسطة leitosr

أنت مينفعش تكلم حد بالأسلوب دا,, ولما حد بيقولك الناس بتحاول تساعدك المفروض زوقياً تقوله شكراً,,
مش تقوله الناس فعلاً بتفتي وانت واحد منهم,,!!:t_thum1[1]:

بصراحة أسلوب ردك غير لائق,, وواضح كدا أنه موضوه للتشويه,,
وأنا لما لاقيت عضويتك جديدة ومشكلتك غريبة, شكيت في كلامك,,
وكنت حابب أقولك ياريت ترفعلنا صورة المحضر اللي حضرتك بتقول أنك عملته لأني مش مصدق موضوعك ولا مشكلتك,, :t_thum1[1]:

واللي أكد لي شكي دا أنك قارنت مشكلتك بمشكلة نيسان صني الجديدة,,
فا وواضح كدا تاني إن الموضوع تاار قديم من المقارنات اللي كانت ما بين البيجو ٣٠١ والنيسان صني الشكل الجديد السيئة,, فا ربنا يهدي يعني.!!

والوحيد اللي عامل علي تعليقك التاني like أستاذ أحمد grumpy ودا واحد مقهور كتير من البيجو ٣٠١ من أيام المقارنات,, في اللي يخليه يدخل يعمل لك لايك علي المشاركة الوحيدة اللي فيها شتيمة علي العربية والتوكيل,, شئ غريب يعني خصوصاً مع عضويتك الجديدة.!!!

ودا موضوع من مواضيع المقارنات للي دخلت فيها
http://www.nilemotors.net/nile/361176-2013-301-a-8.html

وعموماً مشكلتك اللي بتحكي عنها مهياش مشكلة تستدعي إن العربية يتعملها recall زي ما حصل في النيسان صني اللي مشاكلها مسمعة في كل حتة,, وكانت فعلاً تتعلق بالأمان والقسم يشهد بذلك,,

أه وبالمناسبة النيسان مستبدلتش ولا عربية في مصر من الألاف اللي فيهم مشاكل زي ما حصل في الهند وأوروبا,,
وأكتفو بصنفرة التيل لهم لحد ما يخرجو ملاكها من الضمان ويلبسو العربية, ومبدؤش يغيرولهم التيل غير مؤخراً
لكن نيسان مستبدلتش ولا عربية في مصر وأنا متابع جيد للقسم هناك ومشارك فيه, فياريت متقولش معلومات مش صحيحة تاني.

وأخيراً توكيل بيجو محترو وانا أشهد له بذلك ومش بدافع عنه عشان عربيتي بيجو, عندك الناس اللي أشترت بيجو ٣٠١ مؤخراً وحكت تجاربها معاه قالت نفس الكلام وأكدت أن معاملتهم ممتازة.

فا واضح تاني من أسلوب ردك وكلامك أنك مش واحد عندك مشكلة وبتدور علي حل ليها,, لأن دا رد أقل ما يقال عليه أنه خالي من الزوق,

والبيجو عموماً كا عربية ٣٠١ أو توكيل مش هتتأثر بموضوعك ولا هتبقي فضيحة زي مانت ذكرت ولو كان دا الهدف من موضوعك,, ولان عيب وارد يحصل في أي عربية لو كان حصلك في الأساس, والتوكيل هيصلحهالك من الضمان زي أي عربية.

ربنا يوفقك في حياتك, وياريت كلامك يبقي أحسن من كدا مع الزملاء,,

وأفتكر دايما آيات ربك قبل ما ترد زي دا,, (( ما يلفظ من قول إلا لديه رقيب عتيد ))
ربنا يوفقك في حياتك, وفي اللي بتحاول تعمله.
ويديلك علي قد نيتك,,,,,,,

سبحان الله .. يعني حضرتك بتعتب عليه بحده وبتغلطه في شيء انت نفسك بتعمله ؟؟!!!
اولا حضرتك جبت سيرتي في موضوع لست طرفا فيه فلو فيه بينك وبين صاحب الموضوع مشكله ياريت حضرتك تحلها بعيد عني واعتقد ده من الادب والكياسه .
ثانيا الموضوع عنوانه جاذب لجميع الاعضاء ومن المواضيع التي تحتل صدارة القسم وده اللي خلاني ادخل واعمل لايك .. طبعا حضرتك سبحان الله ليك قدرات خفيه لايملكها غيرك وبترمي اني انا نفس صاحب الموضوع .. ردي عليك " سبحان الله " وحسبي الله فيك وفي امثالك ممن يتهمون الناس بالباطل ..ودي مش اول مره تجيب فيها سيرتي في موضوع لم اتدخل فيه وتذكرني بما اكره وده ضد اخلاق الاسلام . وربنا يعلم ان ردودي عليك كانت من باب تعليقك الدائم المكرر المستفز على نيسان صني الجديده اللي انا احد ملاكها وتجربتي معها ممتازه وده اللي خلاني ارد عليك بانك دائم الهجوم والتقليل من السياره التي لم تقتنيها وملاكها اجدر منك بالتعليق عليها وتقييمها .
ثالثا هو عشان حد مر بتجربه سيئه مع البيجو والراجل بيتكلم بحرقه واضحه يبقى مفبرك الموضوع وله علاقه بيا ؟؟؟؟!!!!!! عجبت لك يازمن ... هو حضرتك زعلان ليه ماكل العربيات فيها عيوب والبيجو تحت الاختبار زيها زي كل الجديد .. لكن مدام الكلام مش على مزاجك وضد هواك يبقى متفبرك وتكذب الراجل وتتهمني وتحشرني في الموضوع وتلمح اني وهو عضويتين لنفس الشخص ..؟؟؟ عيب عليك .. لما عملت نيسان صني شغلك الشاغل محدش منعك ولكن قولتلك بالراحه متكونش اداه لتشويه العربيه اللي معايا ومجربها بلا اي مشاكل ولما الاخ اتكلم عن مشكلته وقفت مستبعد اي عيب في معشوقتك اللي بتوجه لها كل الناس وكمان كذبته واتهمتني بالباطل ..
اخيرا لاتنهى عن خلق وتات مثله عار عليك اذا فعلت عظيم ..

طبعا رد حضرتك وانا اقتبسه "
والوحيد اللي عامل علي تعليقك التاني like أستاذ أحمد grumpy ودا واحد مقهور كتير من البيجو ٣٠١ من أيام المقارنات,, في اللي يخليه يدخل يعمل لك لايك علي المشاركة الوحيدة اللي فيها شتيمة علي العربية والتوكيل,, شئ غريب يعني خصوصاً مع عضويتك الجديدة.!!!"



لايستحق الرد واترك الرد للاداره