تجربة سيئة مع توكيل بيجو و السيارة 301

**eleanor** · 16-10-2013 06:49 AM

اولا ده مش عيب قاتل ولا حاجه وممكن تكون المشكله دى نتيجه ركنه العربيه فى المينا والرطوبه
او عيب صناعه فاهم حاجه انك تستلم العربيه من التوكيل وانت راضى عنها ولو كان العيب مازال فيها بعد تغير البرياش ساعتها طبعا ليك الحق انك تبدل العربيه او تسترد فلوسك
انا عارف احساسك انك شارى عربيه زيرو وتلاقى فيها مشكله طبعا لازم تضايق بس الحمد لله حاجه بسيطه وعلاجها سهل ومتوفر
وبعدين مرسيدس وبى ام بتنزل بعيوب صناعه ودى حاجه ماتقللش من قيمه الشركه ولا العربيه طالما ان التوكيل ضمنها واعترف بتصليح العربيه
ثالثا ماكنش فى داعى للغلط فى الاعضاء لانهم هنا علشان يساعدوك ومش منتظرين رد للمساعده دى
فرجاء نكون اهدى من كده ونحكم عقلنا شويه ومانتكلمش بالمشاعر لانك لما بتكون فى لحظه غضب ممكن تزعل ناس كتير حواليك كل همهم مصلحتك
واسف انى طولت عليكم

**S.Hasan** · 16-10-2013 01:41 PM

متضايقش نفسك يا باشا ان شاء الله خير والعربية تستلمها من غير اي مشاكل والحمد لله انهم اعترفوا ان في مشكلة ومعملوش:-)زي توكيلات تانية

**medori** · 16-10-2013 08:45 PM

المشاركة الأصلية كتبت بواسطة sonybony

اسواءحاجه في الدنيا تكون شاري شئ جديد وبثمن ويطلع فيه عيب وتدخل في دوامه الوكيل ويقولك اوي اوي علي الصيانه ويحسسك انها مستعمله واعتقد هنا ان العضو الذي تم وقفه وهو زي ما بنقول اللي فيه مكفيه واعتقد واجبنا ان نستوعب شئ زي ده وبصراحه ردود بعض الزملاء كان مستفز له لانه هو صاحب الضرر المباشر لان الدفاع عن الوكيل صح ان كان اوخطاء مش لطيف صدقوني اي حد يكون في الموقف ده هيكون في منتهي الاستياء ، وربنا يكون في عونه المشكله ان بعض الزملاء جم علي الجرح وداسو وربنا يلطف بينا جميعا

ولا حد جية علية و لا حد قالوا انت غلطان، كل الناس اجمعت ان من حقة تتصلح العربية بس تغيير العربية لأ، لأنة عيب عادى و ممكن يتصلح
و العضو المحترم اللى صاحب الوضوع دخل فية شمال مقلوش حاجة اكتر من انة يقرأ شروط الضمان و دة كلام منطقى و مفيهوش غلط فى حد، العقد شريعة المتعاقدين، يكون الرد علية انت بتفتى انت كمان و بقيت الناس كلها بتفتى برضة !!!! اية الاسلوب دة!!!

كل الناس داخلة تكومنت بغرض التعاطف معاة و مع مشكلتة و كلنا كنا بننصحة لوجة الله و كنا متضايقين لمشكلتة بس بنحاول نبقى عقلانيين و نفهمة انة صعب موضوع تغيير العربية دة عشان ميتسحلش مشاوير و حوارات و لجان تقييم و فحص و فى الاخر هيقلولوا برضة العربية هتتصلح فى الضمان و ملكش حق انك تستبدلها

**د.عماد صلاح** · 16-10-2013 09:48 PM

صديقي صاحب الموضوع
نقصد التهوين او التهويل من مصابك ...بل اوضحنا لك حقائق ستظر لك اثناء تعاملك مع التوكيل و حقائق في ضمان السياره الذي تفضلت باستلامه
نحن لاندافع عن شركه او سياره بعينها ولا نتبناها و لكن نوضح لك نقاط حتي تكون جاهزا حال ظهرت امامك في التوكيل و لن يمنعك احد من الشكوي لجهاز حمايه المستهلك
واخيرا كنا نتمني ان يكون ردك اهدأ وبلا تجريح في من اضاع وقته لنصحيتك
وكان الله في عونك

**amrelsaqqa** · 16-10-2013 11:54 PM

المشاركة الأصلية كتبت بواسطة mazagangee

ياريت تقدر تجبرهم يغيرولك العربية او يرجعولك الفلوس
لازم التوكيلات يتعلموا احترام الناس

التوكيل ما غلطش في حاجة ، هو مش عامل العربية على ايده ولا مجمعها زي عربيات تانية
ياريت نكون موضوعيين

**sonybony** · 17-10-2013 02:04 AM

المشاركة الأصلية كتبت بواسطة amrelsaqqa

التوكيل ما غلطش في حاجة ، هو مش عامل العربية على ايده ولا مجمعها زي عربيات تانية
ياريت نكون موضوعيين

الوكيل هو المسئول الاول والاخير الوكيل المفترض انه مجرب عربياته ومتأكد من سلامتها وايضا متي يخطئ الوكيل وانا هنا لا اتحدث عن وكيل بيجو بعينه عشان محدش يزعل انا بكلم في العموم الوكيل يضمن لي السياره اللي العميل اشتراها منه وللمعلومات من حق المشتري في حاله وجود عيب صناعه ان يتم ارجاع المنتج خلال اربعه عشر يوما ويكون مخير بين اما ارجاع نقوده كامله او استبدال المنتج بأخر ولا يتم اي نوع من الصيانه او الاصلاح وده قانون لا يوجد به جدال واتمني ان لا يوضع احد في موقف مشابه ابدا

**Ahmed Amin** · 17-10-2013 05:49 PM

المشاركة الأصلية كتبت بواسطة sonybony

الوكيل هو المسئول الاول والاخير الوكيل المفترض انه مجرب عربياته ومتأكد من سلامتها وايضا متي يخطئ الوكيل

وانا هنا لا اتحدث عن وكيل بيجو بعينه عشان محدش يزعل انا بكلم في العموم الوكيل يضمن لي السياره اللي العميل اشتراها منه

وللمعلومات من حق المشتري في حاله وجود عيب صناعه ان يتم ارجاع المنتج خلال اربعه عشر يوما ويكون مخير بين اما ارجاع نقوده كامله او استبدال المنتج بأخر ولا يتم اي نوع من الصيانه او الاصلاح وده قانون لا يوجد به جدال واتمني ان لا يوضع احد في موقف مشابه ابدا

أولاً: التوكيل مش مفترض أنو يجرب العربيات لأنها بتجي متجربة من المصنع ومعمول عليها testing علي كل حاجة فيها قبل ما تخرج من المصنع,,
وعشان وارد في أي عربية في الدنيا من الصيني للأوروبي والياباني إن يظهر فيها عيب صناعة بعد الأستخدام,,
الشركة الأم بتعمل فترة ضمان بالسنوات والكبلومتر لتغير الأجزاء اللي نزل فيها عيب او حصل لها عيب بعد فترة من الأستخدام علي حسابها,,

يعني مفيش وكيل في الدنيا لا بيجو ولا مرسيدس ولا بي أم ولا كيا ولا تويوتا ولا نيسان مفروض أنو يجرب عربياته ولا يتأكد من سلامتها قبل البيع.!!!
لو أنت تقبل علي نفسك أنك تشتري عربية زيرو عاملة من ٣٠٠ ل ٥٠٠ أو ١٠٠٠ كيلو علي العداد عشان يكونو جربوها كويس وأتاكدو منها فا دي حاجة ترجع لك,,
ودا كلام مش منطقي,, وأحب أشوفك تروح وتطلب منهم دا لما تشتري عربية زيرو,!!

ثانياً:
موضوع الاسترجاع خلال ١٤ يوم دا,, حضرتك أحنا بنتكلم عن عربية وسلعة معمرة,
مش بنطلون ولا علبة جبنة أشتريناها من كارفور.!!

يعني مش من حق المشتري انو يطالب بارجاع العربية عشان عيب فيها وارد يحصل في أي عربية وممكن يتصلح
وكمان بيتصلح علي حسابهم في فترة في الضمان,,
واحنا بنتكلم في الشروط االمعروفة,, ومش جايين علي صاحب الموضوع في حاجة لو كانت مشكلتة حقيقة,,
وكمان التوكيل هيصلحها يعني التوكيل مقصرش,,

ثالثاً:
كمان العربية مفهاش عيب خطير عشان ترجع,
والعيوب الخطيرة اللي ترجع العربية وتعملها recall بتبقي خاصة بأمان العربية زي صاج ضعيف أو عدم إتزان علي السرعات أو زي مشكلة الفرامل, وبالمناسبة التلات مشاكل موجودين في النيسان صني واللي تعتبر مشاكل خطيرة فعلاً والتوكيل مرجعش ولا عربية زي العضو الفاضل قال,,

وبرضه عندك كمثال مشابه فيه عربيات ألماني كتير نازلة بالفتيس ال dsg الجديد واللي فيه شكاوي منه كتير, وعمره الافتراضي ضعيف عشان أسلوب السواقة في مصر مش مناسب معاه وفي دول تانية كمان,, والتوكيلات اللي زي vw وسيات وغيرهم غيرو الفتيس لناس كتير بالفعل تحت شروط الضمان ومن غير تكلفة علي العميل,,

يعني لا حد قال المفروض العربية ترجع ولا تيجي متجربة,, وولا أغيرها بعد ١٤ يوم لو مظبطتش معايا.!

فياريت الكلام يبقي موضوعي وعن دراية بالحاجات اللي للتوكيل واللي عليه عشان ميبقاش off-topic
ويقلب بكلام مالوش أساس من الصحة, ونقول مفروض ومش مفروض.!!

تحياتي,,