تجربة سيئة مع توكيل بيجو و السيارة 301

**Ahmed Amin** · 17-10-2013 10:49 PM

مفيش حاجة تضايق في كلامك طبعاً,
والمشاكل اللي انا ذكرتها في تعليقي واللي حضرتك عاملها أقتباس هيا مشاكل الناس أشتكت منها في النيسان صني مش في البيجو,,
ومشكلة الصاج ممكن فعلاً ميتعملش recall عشانها,, بس الفرامل وعدم إتزان العربية علي السرعات مشكلتين لازم يتعمل لهم recall لأنهم يتعلقو بأمان العربية بغض النظر عن البلد اللي بتمشي فيها والسرعة القصوي في بلدك كام,,
لأن العربية متصممة انها تمشي لحد سرعة ١٨٠ كيلو,, ودا الحد المسموح فيها والشركة عاملة testing عليه وأي عربية جديدة في الدنيا المفروض تجيب الرقم دا بإتزان معقول وفرامل توقفها,,

والعربية التويوتا اللي تقصدها واللي أتعملها recall في أمريكا هيا التويوتا برايوس prius
وكانت مشكلتها إن دواسة البنزين كانت بتعلق علي السرعات, وطبعاً دا كفيل بأنه يعمل حادثة موت علي الطريق السريع,,

وأنا عارف ان في نيسان دلوقتي بدؤا يغيرو تيل الفرامل للناس,, والكلام دا بقاله حوالي شهر تقريباً,,
لكن من يوم ما العربية نزلت كان اللي بيشتكي من ضعف الفرامل كانو التوكيل بيكتفي بأنهم يصنفرو له التيل بس.!!!

وحتي اللي كان بيطلب تغير التيل تحت شروط الضمان عشان ضعف الفرامل وصوت التصفير كانو بيقولو لهم مفيش عندنا تيل.!!
وطبعاً محدش ينكر إن دا عيب خطير للناس اللي كان عندها العيب دا ومينفعش يبقي في عربية جديدة.
والعربية بالفعل أتعملها recall في أوروبا والهند لحوالي ٢٠ ألف عربية,
نيسان تٌعلن عن إستدعاء صني 2013 بسبب عيب بالمكابح
http://www.nilemotors.net/Nile/359665-2013.html

وأنا كنت بعرف الناس في منتدي نيسان بالكلام دا عشان اللي عنده مشكلة في عربيته وليه حق ياخده,, أحنا هنا عشان نساعد مش عشان نيجي علي حد,,

وعموماً انا كان أعتراضي علي الموضوع دا في تلات حاجات,,
أولاً: إن صاحب الموضوع قل زوقه علي الأعضاء وعلي أستاذ حورس واللي المنتدي كله عارف أنو من ابناس المحترمة والمتواضعة وكان داخل يساعده,,

ثانياً: المشكلة أنا مش مقتنع بيها, وعشان كدا طلبت منه صورة المحضر اللي عمله,,
وقولنا حتي لو كانت المشكلة حقيقة ووارد تحصل في أي عربية, التوكيل طلب وقال علي كلام صاحب الموضوع أنو هيغير له طقم الدبرياچ كامل لو فعلاً فيه مشكلة ومن غير أي تكلفة علي العميل,
فين التجربة السيئة مع الوكيل بقي.؟؟!!

ثالثاً: صاحب الموضوع قال إن نيسان عملت recall لعربيات في مصر ودا طبعاً محصلش,,
وأخيرا الناس اللي داخله تقوله لازم تجيب حقك, ومفروض ترجع العربية,, والتوكيل هوا المسئول الأول والأخير.!!
يعني بصراحة لا تعليق,,
وكلام غريب عشان العربية مفهاش عيب قاتل زي عيب دواسة البنزين زي بتاع التويوتا أو عيب الفرامل بتاع الصني الجديدة
وكمان التوكيل متهربش منه وقاله أنه هيعالج العيب دا في الضمان,, ووارد إن عربية جديدة يكون فيها عيب, وهيا حاجة تعكنن طبعاً, بس المهم دور التوكيل ساعتها في حلها في فترة الضمان,,

.........................................
.................................................. ..

المشاركة الأصلية كتبت بواسطة sonybony

وللمعلومات من حق المشتري في حاله وجود عيب صناعه ان يتم ارجاع المنتج خلال اربعه عشر يوما ويكون مخير بين اما ارجاع نقوده كامله او استبدال المنتج بأخر ولا يتم اي نوع من الصيانه او الاصلاح وده قانون لا يوجد به جدال

انذار ووقف اسبوع لمخالفة القاعدة 12
يرجى مراجعة قواعد المنتدى

**Batman372** · 22-10-2013 01:34 PM

قولا واحد : صاحب الموضوع يخليه ورا حمايه المستهلك ... كذلك يفضل ورا بيجو فرنسا ...
تحياتى ...

**مراقب المنتدى** · 22-10-2013 07:00 PM

تم حذف كل المشاركات الخارجة عن هدف الموضوع ومساره
يرجى الالتزام بهدف الموضوع

**eleanor** · 22-10-2013 07:26 PM

هى ليه مشاركاتى اتحذفت
انا مش شايف انها كانت خارج الموضوع

**Ahmed Magdy Ma** · 23-10-2013 12:41 AM

الاعضاء الاعزاء

اود ان اشكركم جميعا علي مشاركتكم و تعليقاتكم الفاضلة و احب توضيح الاتي بايجاز علي مجمل المشاركات دون الرد علي تعليقات بعينها.

اولا:

لقد خانني التعبير في استخدام كلمة " ناس بتفتي" فانا لم اقصد شخص بعينة او الاساءة تجاة اي احد , لكني كنت في قمة الاحتقان و الضيق بسبب توكيل بيجو و الموضوع الذي شاركتكم فية لذا عذرا علي ذلك.

ثانيا:

بغض النظر علي محاولات البعض في الدفاع المستميت عن التوكيل و التخفيف من المشكلة التي اواجهها و الاستهجان من طلبي في استبدال السيارة او رد ثمنها و الاستخفاف من المشكلة و الموضوع بل و الادعاء علي صحة شكواي و طلب ما يثبت ذلك اليكم ايها الافاضل الاتي من باب المصداقية

1- تحرير محضر رقم 13\5957 بتاريخ 12-10-2013 قسم اول الرمل ضد صالة عرض بيجو فرع سابا باشا.

2- تحرير محضر رقم 13\6001 بتاريخ 19-10-2013 قسم اول العامرية ضد مركز خدمة بيجو العامرية.

3- تحرير شكوي بجهاز حماية المستهلك بتاريخ 8-10-2013 ضد شركة بيجو

تم احالة المحضر الاول لنيابة الرمل اول و جاري اتخاذ نفس الاجراءات للمحضر الثاني.

من يريد التشكيك فيما سبق علية نفي ذلك بالادلة القاطعة و ليس بالشك و انا علي اتم الاستعداد لاصطحاب من يريد الي تلك الاقسام للاطلاع نظرا لان نشر تلك المحاضر يعد جريمة مخالفة للقانون و تستلزم اذن نيابة."علي حد علمي"

ثالثا:

"العميل دائما علي حق" هذا هو بيت القصيد فانا اري من عيب الصناعة الذي ذكرتة مشكلة كبيرة و تصليحة قد يؤدي الي مزيد من المشكلات علي المدي القصير في سيارة لم تكمل من العمر اسبوعين و اني اتعجب من مشاركات بعض الاعضاء الافاضل في حكمهم بان ذلك العيب تافه و ان المصنع هو المسئول و ليس الوكيل....الخ

و اتعجب ايضا من المشاراكاات التي تشير الي مبالغتي في طلب استبدال السيارة و تاكيدات البعض علي ان جهاز حماية المستهلك سوف يرفض ذلك! هذة الاراء قائمة علي اي اساس و الجزم بالقوانين بناء علي ايية؟....لكن ما علينا.. فجميع وجهات النظر لا بد من احترامها.

اخيرا:

لقد شاركتكم هذا الموضوع بهدف استطلاع اراءكم و مشاركتكم الخبرات حيث تعاملت من قبل مع توكيلات غبور و شيفرولية و ميتسوبيشي و اخرها رينو...فطوال فترة 10 سنوات لم اواجة القليل مما حدث مع بيجو.

كما نشرت هذا الموضوع فالامانة تستدعي نشر ما سيستجد من جهاز حماية المستهلك لقناعاتي بانة الفيصل و اني ارتضي حكمة ايا كان.

اسف للاطالة و شكرا جزيلا.

**mahmoudahmed** · 23-10-2013 12:48 AM

والله حاجة تدايق لما الواحد يكون معاه عربية زيرو ودافع فيها دم قلبه ويلاقي فيها عيب..وعلى فكرة انا بتكلم ع المفروض ف الدول المحترمة انه من حقه انه يرجع العربية وياخد فلوسها ولو بس قرر انه يستبدلها بعربية تانية ده يبقى كرم من العميل والتوكيل يبوس ايده شعر ودقن و يتابع مع العميل مدى رضاه عن السيارة وتقديم شئ اضافي كتعويض او هدية لرد الثقة...ده بقى في الدول المحترمة سعادتكم.
وبحيي صاحب الموضوع على لغته الجميلة في السرد..شكله بيشتغل صحفى او مصحح لغة في الصحافة

**sonybony** · 23-10-2013 01:05 AM

ربنا معاك وقد كتبت ده سابقا ومصر عليه وانشالله يتم الاستبدال لان ده عيب صناعه ده نقطه والنقطه الثانيه يعني من مهاره الصنايعي المصري عايز يغير حاجه يمكن تكون ده اول مره يعملها ويفهمني انه ظبطها زي الكتاب ما. بيقول واخيرا حسبنا الله ونعم الوكيل في خدمه ما بعد البيع في مصر بصفه عامه

**grumby78** · 23-10-2013 01:33 AM

اولا عودا حميدا ..
ثانيا انا متفهم ان كلام حضرتك عن ارجاع السياره كان بسبب سماعك لاصوات غير طبيعيه خلال ايام من الاستلام وعرضها على التوكيل واقناعه لك انه لايوجد شيء غير طبيعي بالسياره .. وهو مااقروه عيبا بعد فتره اطول وقطع مسافه اكبر - مع وجود هذا العيب واكتشافك له منذ البدايه -
بالتوفيق في سعيك للحصول على حقك الاصيل في شراء سياره غير معيبه منذ ايامها الاولى وماضاع حق وراءه مطالب .
دمت بصحه